Josua 6:5 - Labrador Inuttitut Heritage Bible

⁵ Jariblo nertordlernartub tiptulautinga tiptulausijartaukpat, imiatitaukpallo, tiptulautit tussarupsigik, tagva innugasaksuit illunamasiatik unatadlarnerub nippevaksoanganik pijuksauvut, tagva iglugasaksuit avalungita ᴋarmangit ochoniarput innugasaksuillo ittertuksauvut illunatik attunit sivumut.

Josua 6:5 Iomraidhean Croise

Exodus 19:19

Tiptulautiblo nipinga nipliangmat sivitojomik nipperᴋortosivaliavlunelo, Mosese oᴋarpok, Gûdiblo kiovâ nipekut.

Jesaiase 25:12

Avalůᴋsoapse nuvugusersoangillo poᴋtojut ochotitsomârpait naᴋiglitillugit kattaktillugillo nunab ivjunganut.

Jesaiase 30:25

Kaᴋᴋanelo poᴋtojune tamaine ᴋaᴋᴋârulangnelo angijune tamaine kôᴋaromârpoᴋ imeᴋadlartunik unatadlarnerub angijovaksûb nalliuningane, nuvugusersuit ocholerpatta.

Jeremia 50:15

Avatânit nipliavigisiuk; iggisimavoᴋ nangminerminik; talungit imiksimavut, ᴋarmangit oggotitauvut; tamanna Nâlakab akkiniarutâ, akkiniarsiuk; sorlo tâmna iliormat, taimak iliorvigisiuk.

Ebrêerinut 11:30

Okpernermut Jeriᴋub avaloᴋsoangit ochovut, uvlut 7 it kaivallaklugit pisugvigerᴋârmagit.

Josua 6:16

7 inganelo ajochertuijut tiptulausijartillugit, Josuab innugasaksuit oᴋautivait: Unatadlarnerub nippivaksoanganik pileritse, Nalekab tunnitsivigingmasse iglugasaksoarnik.

Josua 6:20

Tagva inugasaksuit unatadlarnerub nippivaksoanganik pilerput, ajochertuijut tiptulausijartillugit. Inugasaksuille tiptulautib nippinganik tussaleramik unnatadlarnerub nippivaksoanganik pivut; avalullo ᴋarmait ochovut, innugasaksuillo ittarput iglugasaksoarnut attunnit sivumuarlutik. Taimak iglugasaksuit salagivait.

Josua 6:4

Uvlulle 7 ingane ajochertuijut Jarib nertordlernartub tiptulautingit 7 it tigulerligit iklerviub sivorngane; uvlullo 7 ingane tamattomane 7 êrtorluse aileritse iglugasaksuit avatâtigut, ajochertuijullo tiptulautit tiptulausijautigiligit.

Josua 6:6

Tagva Josuab Nunib erningata ajochertuijut ᴋaiᴋovait oᴋautivlugillo: Angersimanerub iklervinga akkigarsiuk, ajochertuijullo 7 it naksarlit Jarib nertordlernartub tiptulautinginnik 7 nik Nalekab iklervingata sivorngane.

Idluarsaijut 20:37

Terliarsivingmêtullo tuavilaurivut, annilutiglo Gibeamut, najutilutiglo, ullimarnilutiglo iglugasaksoarmiunik taimainik saviksub kênanganut.

I Samuel 17:20

Tagva Davide uvlarârsukut parngnailerpok, saukaniglo ᴋemailerpok udsertortemut, akjarsilunelo taikunga, sorlo Isaib perᴋolaungmago, tikkilunelo tallunut ᴋamutingnut sanamajunut. Sorsuktoᴋattigêllo aularsimalaukput oppallungaijarsimalutiglo, nipliadlarlutiglo sorsungnerme.

I Samuel 17:52

Israeliblo Judablo angutingit parngnailerput, nipliarlutiglo, Filisterillo udlapait naksamut Ekroniblo ittertarvinginut tikkilutik, Filisterillo ullimartauvlutik ochovut apᴋome ittertarvingnut sangmijome, Gathelo Ekronelo tikkilugit.

I Samuel 4:5

Nalekablo angersimaningata iklervinga tangmarvingmut pingmat, Israelitit illunamasiatik igiaᴋomijarput, nipliadlarnermut nuna immiadlarmat.