Josua 6:21 - Labrador Inuttitut Heritage Bible

²¹ Asserorlugillo iglugasaksoarnêtut tamaita saviksub kênanganut, tamarmik angutit arnallo, innuosuktut innutoᴋaujullo, tuktuvaillo saukello siuteᴋoktojullo.

Josua 6:21 Iomraidhean Croise

I Atannit 20:42

Tapsomalo oᴋautiva: Imâk Nâlegak oᴋarpok: Tamânna pivlugo angut taimna, toᴋotaksaunerartara aularkolaurangne illingnit, inôtsit taipsoma inôsingata inninganêtuksauvok inuᴋotitillo taipsoma inuᴋotingita inninginêdlutik.

Jeremia 48:18

Igvit paniojotit, iksivajotit Diboneme, aᴋᴋarit ânanaunernit ingilutillo ᴋêlervingmut; Moabib asserorsaijinga majuarpoᴋ ilingnut, asserorpaillo sôngojoᴋsoaᴋotitit.

Deuteronomy 13:16

Perᴋutillo tamaita tagvanêtut katersoraksarivatit apᴋosineâlunginut, iglugasaksuillo pitangillo tamaita ikomamut nungumariklugit, tunergutiksautilugit Nâlekamut Gûdingnut; nâksaungitomut ᴋigguingolârpok; igloliorvioniarungnailunelo.

Deuteronomy 2:34

Neliutomelo tâpsomane iglugasaksoangit ilûnaita tiguvavut, iglugasaksuillo inulit tamaita asserormarikpavut, arnat sorutsillo ilagilugit; amiakoᴋartilungilavut;

Deuteronomy 7:16

Inôᴋatigêksuillo Nâlekab Gûdivît tunijomârtangit ilingnut tamaita nungutaksarivatit; ijivît nâpkigijaksaringilait, Gûdingoangillo kivgartoraksaringilatit; napperniutaunajarmatta ilingnut.

Josua 10:28

Uvlorme taipsomane Josuab Makedatauk salagilaurivait ullimârlugillo saviksub kênanganut, attaningat illaliudlugo nungutipaillo, tarnillo tamaita tapkonanelauktut, amiakoᴋarᴋojilaungilarlo nallianik; Makedablo attannertanga pinniarvigiva sorlo Jerichub attannertanga pinniarvigilaungmago.

Josua 10:39

Salagilaitalo attaningat iglugasaksoaᴋotingillo illunaita illaliudlugit, ullimarpaillo tarnit illunaita tapkonanelauktut, amiakoᴋarᴋojingilarlo nallianik. Sorlo Hebron pinniarvigilaungmagit, taimak Debire attanningallo pinniarvigivaittauk, sorlo Libna attaningallo pinniarvigilaungmagit.

Josua 11:11

Tarnillo illunaita tapkonanêlauktut ullimarpait saviksub kênanganut nungupaillo, amiakoᴋarᴋojingilarlo nallianik anernelingmik, ikkipaillo Hazor ikkomamut.

Josua 11:14

Iglugasaksuillo tamakkoa aksartaujutigijangit, nergjutillo Israelib ᴋittorngangita avikpait ingmingnut; innuille illunaita ullimarpait saviksub ᴋênanganut nungutsiᴋârtinagit tapkoninga, amiakoᴋarᴋojilaungilallo nallianik anernelingmik.

Josua 8:2

Aielo, attanertangallo pinniarvigijaksarivattit, sorlo Jericho attanertangallo pinniarvigilaurangne, kissiane aksartaujutigijangit omajoᴋotingillo avigeksarigapsigik illipsingnut. Uttakᴋijoᴋarᴋojilerille terliarsivingmêtunik iglugasaksuit ungatane.

Josua 8:22

Tapkoalo iglugasaksoarnetut anilaurivut pârlugit, taimak Israelitit akkornganemarilaungmatta, ikkangat ovangallo ullimarpaillo pitaᴋarungnaiᴋârtinago, tapkonangat nallienik, ᴋemâjoᴋarungnarᴋonagolonêt.

Josua 9:3

Iglugasaksuille Gibeonemik attiggit innungit tussaramik sunamik Josuab pinniarnerilauktanganik Jerichomut Aiemullo issumasivut pingitsertornermik.

Takotitaunermik 18:21

Engelelo sôngojoksoak ujaraksoarmik serᴋalitsiviub ujaraktangatut kiviksilarmelo imarbingmut egitsivok oᴋarlunelo: Taimak tagvainak erinesârdlugit Babilône iglugasaksuit angijut egitauniarput nagvârtaujungnainiarlutik.

I Samuel 15:3

Tagva manna ailerit, ullimarlugillo Amalekiterit, nungulugillo pigijangit tamaita illaliudlugit. Nikkaginiarnagit; toᴋᴋotsilerille tamangnik angutinik arnaniglo, sorrutseniglo amâmaktuniglo, tuktuvângnik saukaniglo, Kamêlinik, siuteᴋoᴋtojuniglo.

I Samuel 15:8

Agaglo Amalekiterit attanningat tiguva ômatillugo, innuᴋattigêksuillo illunamasiatik nungupait saviksub kênanganut.