Josua 6:2 - Labrador Inuttitut Heritage Bible

² Nalekable Josua oᴋautiva: Tagga ahâk, Jericho, attanertangallo sorsuksoaᴋotingillo illaliudlugit, tunnimavakka aggangnut.

Josua 6:2 Iomraidhean Croise

II Samuel 5:19

Davidiblo Nalegak appertsorpa, oᴋarlunelo: Paunga majorartuksauvîk Filisterit akkerartorlugit? Aggamnullo tunnijomavigit? Nalegak Davidemut oᴋarpok: Majorarit takpaunga, Filisterit tunnijomavakka aggangnut.

Nehemia 9:24

ᴋitorngangitalo ittervigivât nangmineliutilâlo; igvillo nunab inungit taipkoa sivurngane mannigotitilaukpâttit, Kanaaniterit, tunnilaukpâttillo agganginut, atanningillo inuᴋattigêksoangillo, pinniarvigilugit pijomajamingnut.

Daniel 2:21

Tâpsoma naliunirit iliorviksallo ablatsângortipait; atanît pêjarpait, atanîllo ilivait; ilisimaniᴋ tunivâ ilisimajunut, silatunilo tâpkonunga silatunimik ᴋaujimajunut;

Daniel 2:44

Atanillo tâpkoa uvlungini ᴋilaub Gûdingata ataniovik âᴋiksoromârpâ, issoᴋangitomut aglât assirortauniatsangitoᴋ, nâligauvioningalo inungita assinginut nûtuksautsangilaᴋ; siᴋalitsilârporli nungutsilunilo ataniovingnik makkoninga tamainik, issoᴋangitomulli itsainaromârpoᴋ.

Daniel 4:17

Pigârtuksat tamanna kajusimautigivât, ivsornaitullo oᴋaᴋatigêklutik piᴋojijutigivât: inôjut ᴋaujimaᴋovlugit ᴋotsingnirojub aulangmago inuit ataniovingat, tuningmagolo pijomajaminut, inuillo nikanarsarnipaujungit ataningortingmagit tâpsomani.

Daniel 4:35

Silaᴋsoarmiullo ilûnamatsiatik sunaungitotun-ingmatta, issumaminik piniarami ᴋilangmiugasaksoarni, silaᴋsoarmiugasaksuillo akorngani; agganginiglo noᴋartitsijoᴋarungnangilaᴋ, oᴋarvigilugolônêt: Suvêt?

Daniel 5:18

Ataniᴋ, ᴋotsingnipângojub atâtait Nebukadnezar tunitjivigilauᴋpâ ataniovingmik, angijônimiglo, ânanaunimiglo, inornarnimiglo;

Deuteronomy 7:24

Ataningillo tunijomârpait aggangnut, atingillo pêjaraksarivatit ᴋilaub atânit; nangerungnartokarniangilaᴋ sângne, nungutsiᴋârtinak tâpkoninga.

Josua 12:9

Jerichub attanertanga, Aib Betelib senianetub attanertanga,

Josua 2:24

Oᴋarpuglo Josuamut: Nalekab nuna illunât tunnilaukpa aggaptingnut, taimaktauk nunab innungita illunatik maksoajuijutigivâtigut.

Josua 2:9

Oᴋautivlugiglo: ᴋaujimavunga Nalekab nunamik mattominga tunnitsivigingmasse; kavaksarnerub tupvigingmattigut sivunapsigut, nunablo innungita illunatik tikkitsomârnise maksoajuijutigivât.

Josua 20:1

Nalekablo Josua oᴋarvigiva oᴋarlunelo:

Josua 6:1

Jerichole pallangersimalaukpok, udsertortaulunelo Israelib ᴋittorngangit pitjutigallugit, annijoᴋarungnarᴋonnago, ittertoᴋarungnarᴋonagolonêt.

Josua 6:3

Angutit sorsuktuksat pissukokit iglugasaksuit avatâtigut attausiarlutik taimailiorlutillo uvlunne 6 inne.

Josua 8:1

Nalegarlo Josuamut oᴋarpok: Sivuraniarnak mungunganaglo. Inuit sorsuktuksat illunaita illasearikit, parngnaîlutillo majorarlutillo takpaunga Aiemut. Tagga ahâk, Aib attannertangat, innuᴋotingit illaliudlugit tunnijarêrpakka aggangnut.

Idluarsaijut 11:21

Nâlekable Israelib Gûdingata Sihone inuᴋotingit ilûnaita illaliudlugit tunnilaukpait Israelitit agganginut, ullimarniᴋovlugit tapkoninga. Taimak Israelitit Amoriterit, nuname tamattomane nunaᴋalauktut nunangat tamât aksarnigarilaukpât.

Idluarsaijut 11:24

Tapkoa aksaraksarivattit, Gûdivit Kamosib pêjartitangit, uvagullo tapkoninga ilûnainik aksarnikoluta Nâlekab Gûdipta pêjartilauktanginik sivunaptingne.