Josua 6:19 - Labrador Inuttitut Heritage Bible

¹⁹ Silberele, Goldelo tamaita, illulerkutit kannujat kikkiello illaliudlugit ivsornaititaksauvut Nalekamut, pilerᴋovlugit Nalekab ivlernartoᴋotinginnut.

Josua 6:19 Iomraidhean Croise

II Samuel 8:11

Tamakkoa attaniub Davidib perᴋutautipaittauk Nalekamut, Silbere Goldelo assingit Nalekamut perᴋutautilauktangit nallojunit illunainit nalaktilauktaminit, illaliudlugit:

I Atannit 14:26

Tiguvaillo perᴋutit pivianartut Nâlekab iglunganit, atanniublo iglunganit, tamaitalo tigujaujungnartut, tiguvaillo sappulutaksat Goldeôjut Salomob sanajauᴋolauktangit.

I Atannit 7:51

Taimâk sanajaksat Salomob sanajangit Nâlekab iglungane pijarêrtitaumavut. Salomoblo ittertipait kamunga, tamaita atâtame Davidib ivsornaitilauktangit, Silberelo Goldelo, illulerkutillo; illilugillo Nâlekab Tempelingata Pivianartoᴋotinginut.

II Atannit 24:13

Tiguvaillo tagvangat Nâlekab iglunganit, atanniublo iglunganit, perkutit pivianartut tamaita, illulerkutillo Goldeôjut Salomob Israelitit atanningata sennajaukolauktangit Nâlekab Tempelinganut, serᴋomipait, sorlo Nâlegak oᴋalaungmat.

I Kronika 18:11

Tamakkoalotauk atanniub Davidib Silberit Goldillo inuᴋattigêksoarnit, tagva Edomiterinit, Moabiterinillo, Amoniterinillo, Filisterinillo, Amalekiterinillo, tigulauktangit ilaliudlugit perᴋotautipait Nalekamut.

I Kronika 26:20

Levitinillo Ahia pimaklerteôlaukpok Gûdib iglungata pivianartoᴋotinginik, pivianartuniglo ivsornaititaumalauktunik Nalekamut.

I Kronika 26:26

Salomith tamna ᴋatangutingillo angajoᴋaulaukput perᴋutenut pivianartunut tamainut, ivsornaititaumalauktunut atanniub Davidib, atâtallo angajoᴋaunerôjut, angajoᴋait 1,000 dinut, 100 dinullo, akkorngane, sorsuktuksallo angajoᴋangita ivsornaitilauktanginut.

I Kronika 26:27

Unatadlarnermit aksarnigaujunillo ivsornaitilaukpait, Gûdib iglungata âkᴋiksortaujutiksanganut illingaᴋovlugit.

I Kronika 26:28

Samueliblo takkojub ivsornaitilauktangit, Sauliblo, Kisib erningata, Abneriblo, Nerib erningata, Joablo, Zerujab erningata ivsornaitilauktangit, (perᴋutit) ivsornaititaumajut ilûnaita Selomithib ᴋatangutingitalo agganginut aulataulaukput.

I Kronika 28:12

Oktotiksaniglo tamainut omamigijaminut, tagva innemut avaluliorsimajomut Nalekab iglungane, innenullo ilûnainut avatanê, Gûdib iglungata perᴋotitalinganut, innemullo ivsornaititaumajunut illingajomut;

II Kronika 15:18

Ittertipaillo Nalekab iglunganut atâtame ivsornaitilauktangit, ivsornaitilauktanelo, Silbere Goldelo illulerᴋutillo.

II Kronika 31:12

Ittertipaillo illuanut nertornarlutik, tunnergutit perᴋutit tallimaujungit, ivsornaititaumajullo. Kananjalo Levitiôjok angajoᴋaulaukpok tapᴋonunga, Simeilo ᴋattangutine ikajortigiva.

Nehemia 10:38

Ajoᴋertuijorlo Aronib erninga, Levitinut illaujuksauvok Levitit tallimaujoanik tiguleraikpatta, Levitit tallimaujoaᴋotimik tallimaujoanik âtsiᴋovlugit takpaunga Gûdipta iglunganut innenut perᴋotitalingmêtunut.

Jeremia 38:11

Taimaimat Ebed-melekib angutit ilagivait, iterlunalo ataniub iglunganut, ivlernartunik perᴋutetaliub atânut, tagvangallo tigusivoᴋ annorâvinernik ipperᴋaᴋunik aliktornilukkuniglo, aklunâtigullo ningitipait itersaliarmut Jeremiamut.

Leviticus 19:24

Jârille sitamangane paungangit ilûnatik ivsornaituksauvut, ᴋujaliutiksautitauvlutik Nâlekamut.

Migga 4:13

Nikovigit katijuklutillo, Zionib paninga; nakjut kikiangortitsomârapko, itikatillo ᴋaᴋorlingordlugit; inôᴋatigêksuillo unuktut serᴋalilârpatit, akluiningillo ilingatilârpatit Nâlekamut, perᴋutingillo silaksûb ilûnangata Nâleganganut.

Numbers 31:11

Tigujaksallo tamaita, aᴋsârnigaksallo tamaita tiguvait, inuillo nergjutillo.

Numbers 31:12

Inuillo aularutijat, perᴋutillo tigujat, nergjutillo aᴋsârnigât tikiutivait Mosesemut, Eliasaremullo ajoᴋertuijomut, Israêlikullo ilagêktoᴋsôninginut, tangmârvingmut Moabib naternangane, Jordanib seniane Jerikome.

Numbers 31:22

Goldelo, silberelo, ᴋaᴋorlerlo, kikiarlo, amertajarlo, aᴋitorlo,

Mattêuse 27:6

Ajoᴋertuijoksuille kênaujat tiguvait, oᴋarlutiglo: Idluangilak, ukkua ilivlugit Gûdib iklervinganut, aungmik akkeᴋalaungmatta.

Markuse 12:41

Jêsuselo ingipoᴋ Gûdib iklervingata nalânut, inuit takunârlugit, kênaujanik illijijut Gûdib iklervinganut. Unuktullo akluitut unuktunik ilijivut.

Josua 7:11

Israelitit idluitulilaukput, angersimaneralo perᴋolauktara tapkonunga tappagilaukpât; tigusilauramik nungutaksamik, tiglilaukpullo taimak, missiarlutiglo, illijilutiglo perᴋutigijamik akkornganut.