Josua 6:17 - Labrador Inuttitut Heritage Bible

¹⁷ Iglugasaksuille tamakkoa illuanêtullo tamaita nungutuksauvut Nalegak pivlugo. Anguniarpaktok Rahabe kissime innojuksauvok, iglomioᴋattingillo illunatik; nautsertortuksâk tillilauktâkput ijertorlaungmagik.

Josua 6:17 Iomraidhean Croise

Genesis 12:3

Illingnik saimausêjut saimauseromavakka, illingniglo oᴋarnerlûtjijut oᴋarnerlûtijomavakka, illikullo kinguvârêt ilûnamatsiatik nuname saimausertaujomârput.

Esra 10:8

Uvlullo pingasut kingorngane tikkiniangitub, angajoᴋaunerôjut, angajuklillo kachimioningat malliklugo, tapsoma perᴋotingit tamaita nungutaujuksaungmatta, tamnalo avitauniarajarmat illagênit parngnanairsortaumalauktunit.

Jesaiase 34:6

Nâlekab saviksoanga auliksôvoᴋ, sallumaipoᴋ orᴋsumut saugârsuillo angusaluillo aunginut, tuktungajullo taᴋtorutinginut, Nâlekab tunergutiksaᴋ pijarêrmago Bosrame toᴋotsinersoarlo Edomib nunangane.

Jeremia 46:10

Uvloᴋ tâmna tâmnauvoᴋ Nâlakab, Nâlakab Zebaotib uvlunga, uvloᴋ akkiniarvik, akkerartortiminik akkiniarᴋovlugo; saviksoaᴋ nungutsijomârmat nâmaksivlunalo; Nâlagaᴋ, Nâlagaᴋ Zebaot, tunergusermat nuname avanêtome kôksub Frâtib sinâne.

Hesekiel 39:17

Igvillo, inûb erninga, imâk oᴋarpoᴋ Nâlegaᴋ Nâlegaujoᴋ: Tingmiat adsigêngitut ilûnaita nergjutillo naternamêtut ilûnaita oᴋautikit: Katimaleritse maungarluselo, avatânit ilûnainit katersoritse tunergutimnut tunerguserijamnut ilipsingnut, tunergutiksoarmut Israêlib ᴋaᴋᴋangine, nerᴋetorᴋovluse auktorᴋovluselo.

Leviticus 27:21

Perorsêvigle, utilerpat jâreme serriviksarme, ivsornaituksauvok Nâlekamut, perorsêviktut perᴋutaumariktotut; ajoᴋertuijûb perᴋutigijaksarivâ.

Migga 4:13

Nikovigit katijuklutillo, Zionib paninga; nakjut kikiangortitsomârapko, itikatillo ᴋaᴋorlingordlugit; inôᴋatigêksuillo unuktut serᴋalilârpatit, akluiningillo ilingatilârpatit Nâlekamut, perᴋutingillo silaksûb ilûnangata Nâleganganut.

Mattêuse 25:40

Nâlekablo kioniarpait oᴋautivlugillo: Âhamarik oᴋaupapse: Ukkua ᴋatangutima mikinerojut ilangat sumik pitinapsiuk, tamattominga uvanga pilaukpapsinga.

I Korintemiunut 16:22

Nâlekamik Jêsuse Kristûsemik naglingitok, tâmnauvok Anatema; Maran-ata (imaipok. Ôminarsile; Nâlegak tikkitsomârpok).

I Korintemiunut 2:7

Gûdible ilisimaninga ijersimajok nelonartorlo oᴋautigivavut; tamanna Gûdib silaksoaᴋarᴋârtinago perᴋolaukpâ ânanausijaujutiksaptingnut.

Galâtsiamiunut 3:10

Perᴋojat piniarᴋojanginik tatteᴋartut ilûnatik ôminarnermêngmatta. Aglaksimangmat: Ominarsile neliat nâlengitoᴋ tamainik aglaksimâjunik aglangne perᴋojane, malingnagillo.

Galâtsiamiunut 3:12

Perᴋojalle okpernermit pingilat; inûble tamakkoa malitsiarunigit, inôtigijomârpait.

Deuteronomy 20:17

Pimariktomigle nungutaksarivatit, imaitut: Hitikut, Amorikut, Kanaanekut, Perizikut, Hivikut, Jebusekullo; sorlo Nâlekab Gûdivît perᴋongmatit;

Ebrêerinut 11:31

Okpernermut Rahabe anguniarpaktoᴋ nungutaulaungilaᴋ okpingitut illagilugit, nautsertortuksak illanâᴋarlune illalioramigik.

Ebrêerinut 6:10

Gûde idluitôngimat, puigorniarlugit piniarnise senaniselo naglingnermut, tâpsoma attingane pijase, ivjornaitut kivgartulaurapsigik, sullelo kivgartorapsigik.

Jâkobusib 2:25

Taimaktauk anguniartok Rahabe idluarsititaungilâk ajungitulinermut, tilijaujuk illalioramigik, apᴋosiniublo assiagut aulartilugîk?

Josua 2:1

Josuable Nunib erningata angigutsivlune nautsertortuksâk magguk tillilaukpâk Sittimemit oᴋautilaukpâglo: Aileritik nuna nautsertoritikko Jericholo. Tapkoa aivuk, tikkilutiglo anguniarpaktub Rahabemik attiggub iglunganut, sinniktarlutiglo tapsomane.

Josua 2:22

Tapkoale aivuk tikkilutiglo ᴋaᴋᴋamut, tagvanêlutiglo uvlunik pingasunik, taipkoa utterᴋârtinagit udlatitingit. Kennerlaungmatta tapkungninga apᴋosinerne tamaine, nachvaratiglo.

Josua 7:1

Israelitille tammarlaukput tigusinermut nungutaksamik; Achan Karmib erninga, Sabdib erningata, Serab erningata, Judab kinguvânginnit, tigusilaungmat nungutaksat illanginnik. Tagva Nalekab ningausingata Israelib ᴋittorngangit illungertorutigivait.

I Samuel 15:3

Tagva manna ailerit, ullimarlugillo Amalekiterit, nungulugillo pigijangit tamaita illaliudlugit. Nikkaginiarnagit; toᴋᴋotsilerille tamangnik angutinik arnaniglo, sorrutseniglo amâmaktuniglo, tuktuvângnik saukaniglo, Kamêlinik, siuteᴋoᴋtojuniglo.

I Samuel 15:6

Keniterillo oᴋautjauᴋovait: Aileritse nûluselo attersaritse Amalekiterinit, tapkonunga illaliudluse, illipsingnik nungutsiᴋonanga; illipse Israelitit illunaita takkopsoagilaurapsigik Egiptenemit aularlauktillugit. Taimak Keniterit nûlerput Amalekiterinit.