Josua 4:6 - Labrador Inuttitut Heritage Bible

⁶ Nallunaikutauᴋovlugit akkunapsingne. ᴋittorngarijapse kingorngagut atâtatik apperijomâjarangagit oᴋarlutiglo: ᴋannok ujarᴋat ukkua tagvane sullidlarᴋât?

Josua 4:6 Iomraidhean Croise

Imgerut 44:1

Gude siutiptigut tussalaukpavut, atâtagijapta unipkautigilaukpait uvaptingnut, pinniarnerilauktâttit taipkoa nalliuningine itsaksoarme.

Imgerut 71:18

ᴋemangniarnangatauk innutoᴋaunimne ᴋêrtoniaruma; tallit oᴋautigilugo perᴋârtinanga ᴋittorngat ᴋittornganginut, pitsartunîllo, illunainut tikkitsomârtunnut sulle.

Exodus 12:14

Uvlorlo tamanna erᴋaumanartôjuksauvok ilipsingnut, naliuneᴋsiorutigijaksarivase Nâlekamut kinguvâpsigut; naliuneᴋsiorutigijaksarivase âᴋiksimajok soraijuitomut.

Exodus 13:14

Mattomalo kingorngagut ernerpit aperikpatit, oᴋarlune: ᴋanok tukkeᴋarᴋâ tamanna? Oᴋautijaksarivat: Aggangnut pitsartujunut Nâlekab anitilauᴋpâtigut Egiptenemit, iglomit kipalûtitauvigijaptingnit:

Exodus 13:9

Nalunaikutauniarporlo ilingnut aggakkut, erᴋaijutauniarlarmelo ijîkpit akorngangne, Nâlekab maligaksaurᴋojangit ᴋanernêrᴋovlugit: Aggangnut pitsartujunut Nâlekab anitingmatit Egiptenemit.

Exodus 31:13

Oᴋarittauk Israêlikunut, oᴋarlutit: Udjertoritse Sabbateᴋotikka erᴋagitsiarlugit perᴋovluse: Nalunaikutaungmat uvangalo ilipselo akunaptingne kinguvâpsigut; ᴋaujimarᴋovluse uvangaugama Nâlegak ivsornaititsijok ilipsingnik.

Jesaiase 38:19

Inôjut, illa inôjut nertorpâtit, sôrlo uvanga pigama uvlome. Atâtab nertornarnit ᴋaujijautilârpâ ᴋitorngaminut.

Jesaiase 55:13

Keblariktut peroromârput ukpigait kakkilautiggit innangerlugit, mirtillo perornerdluktut kakkilautiggit innangerlugit; Nâlekamullo tamanna nertornautiksaujomârpoᴋ nallunaikutaksaularmelo asserojuitoᴋ nâksaungitomut.

Hesekiel 20:12

Tunitjivigivakkalo sabbatimnik, nelonaikutauᴋovlugit uvangalo tâpkoalo akunaptingne, ᴋaujimaᴋovlugit uvanga tâmnaugama Nâlegaᴋ tâpkoninga ivsornaititsijoᴋ.

Hesekiel 20:20

Sabbatikkalo ivsornaitisigik; tâpkoalo nelunaikutaujuksauvut uvangalo ilipselo akunaptingne, ᴋaujimaᴋovluse uvanga Nâlegaugama Gudise.

Numbers 16:38

Idluitulijut ipkoa, inôsermingnik akkilêgiaᴋalauᴋtut idluitulinitik pivlugit, pujôrtitsivingit, katjuktaulillo matuksauᴋovlugit tunerguservingmut; tunergutigilaungmagit Nâlekab sângane, taimaimallo ivsornaiput; kigligiutjutiksaulârpullo Israêlikunut.

Apostelit Piniarningit 2:39

Ilipsingnulle ᴋitorngapsingnullo oᴋautsit ukua ilingavut, ungasiktomêtunullo tamainut, Nâlekab Gûdipta ᴋaiᴋojomârtanginut tamaunga.

Deuteronomy 11:19

Ajuᴋertûtigijaksarivaselo ᴋitorngapsingnut, oᴋâlautigilugit iglungne iksivatilutit, arvertartilutillo apᴋome, inangatilutit, makisimatilutillo.

Josua 22:27

Kigligiudsijoᴋovlugole akkonaptingne akkonapsingnelo, kinguvârijomârtaptalo akkorngane, Nalegak kivgartorungnarlugo sângane, tunnergutiksaptingnut otaksanut, tunnergutiksaptingnullo ᴋujalijutiksanut, tunnergutiptalo assinginut; ᴋittorngase, nalliutsomârtome oᴋarungnarᴋonagit: Illangiutivikangilase Nalekamik.

Josua 4:21

Oᴋarlunelo Israelib ᴋittornganginnut: ᴋittorngarijapse atâtatik mattoma kingorngagut apperijomâjarangagit, oᴋarlutiglo: Ujarᴋat ukkua suksauvat?

Josua 4:5

Oᴋautilugillo: Aileritse Nalekab Gudipse iklervingata sânganut, Jordanib ᴋerᴋânut; attunnillo ujarak attausek kivik siuk, illilugillo tuipsingnut, Israelib ᴋittorngangita kinguvarêngita unnurningit malliklugit;