Josua 4:24 - Labrador Inuttitut Heritage Bible

²⁴ Nunaᴋattigêksuit nunamêtut illunatik illitarksilerᴋovlugit Nalekab agganginnik, ᴋannok pitsartunaᴋarninginnik; sivuraᴋovluse Nalekamik Gudipsingnik soraijuitomik.

Josua 4:24 Iomraidhean Croise

I Atannit 8:40

Sivoratsainarᴋovlugit illingnik nelliutune tamaine, inotillugit nuname, atâtagijaptingnut tunnilauktarne.

I Atannit 8:60

Inuᴋatigêksuit nuname ilûnnatik illitarksiᴋovlugit, Nâlegak Gûdeôngmat, asseᴋangimallo.

II Atannit 19:19

Mannâle Nâlegak Gûdivut ikajorlauktiguttôk taipsoma agganginut, atanniovît nunamêtut ilunnamassiatik illitarksilerᴋovlugit, igvit Nâlegak Gûdetôgavit.

II Atannit 5:15

Utterivorlo Gûdib anguteᴋotinganut, ilagijane ilunnatik ilagilugit. Itteramelo sângerpa, oᴋarlunelo: Ahâk illitarksimavunga, Gûdeᴋangimat nunane ilunnaine, Israeleme kisiane; mannalo pilliumik tigusilaurit kivgarnit.

I Kronika 29:12

Akluinerlo opigijaunerlo kênarnit pivok, igvillo atanniotivotit tamainut; aggangnelo pitsartuneᴋarpok, sôngoneᴋalarmelo; aggangnêporlo angijorortitsinek, soᴋosijuititsinerlo.

Hiobe 40:9

“Talleᴋarkît Gûdetut nippemullo taimailuatsiartomut Kallerungnarᴋît, sôrlo tâmna piniarmat?

Imgerut 106:8

Ikᴋajulaukpaillo attinne pivlugo, sôngonine sakᴋertitsomavlugo.

Imgerut 89:13

Talleᴋarpotit sangijoksosoarmik; aggaktit pitsartovut, tallerpîllo poktovok.

Imgerut 89:7

Gûde sivôranadlarpok ivsornaitut kattimaniksangine, opinadlarlunelo illunainut illumajiminut.

Exodus 14:31

Israêlikullo takogivât piniarnersoak Nâlekab piniarnerijanga Egiptenemiune, inuillo Nâlegak sivôragivât, okperilugolo Nâlegak, kivgangalo Mosese.

Exodus 15:16

Erᴋsinerub ᴋoaksârnerublo tupvigilârpait; tallerpikpit pitsartuningagut aulangilârput ujaraᴋtut; inuᴋotitit ᴋângiuterᴋârtinagit, Nâlegak, inuit pisiarijatit ᴋângiuterᴋârtinagit.

Exodus 20:20

Mosesiblo inuit oᴋautivait: Erᴋsiniarase: Gûde tikisimangmat ôktoromavluse, sivôranarningalo kênapse sânginêrᴋovlugo, idluitulerᴋonase.

Exodus 9:16

Tamanna pivlugole inûlivagit, pitsartunera takuksautitsomavlugo ilingnut, ateralo oᴋautigijaurᴋovlugo nuname ilûnâne.

Jesaiase 52:10

Nâlekab talline ivlernartoᴋ saᴋᴋertipâ, nallojut illũnamatsiatik tautuktillugit; sillaᴋsûblo issungit illũnatik Gûdipta piuliklerninganik takovut.

Jeremia 32:40

Tâpkonungalo angeᴋatigêngnelioromavunga soraijuituksaujomik, sorairomanginama ajungitulivigivlugit; ômamiutaᴋartitsomavakkalo sivôranermik uvamnik ᴋemaiᴋonagillo uvamnik.

Deuteronomy 28:10

Inôᴋatigêllo nunamêtut ilûnatik takolârput taijaugavit Nâlekab atinganut; erᴋsigijomârpâtillo.

Deuteronomy 6:2

Sivôraᴋovlutit Nâlekamik Gûdingnik maligaksauᴋojangit perᴋojangillo, perᴋojijutigijakka ilingnut, maliklugit piniarᴋovlutit, igvit, ernîllo, erngutallo, uvlut inôvigijatit tamaita nâvlugit; uvlutillo unuksititauᴋovlugit.

I Samuel 17:46

Uvlorme tamattomane Nalekab unertotiginiarpâtit aggamnut, annauniᴋovlunga illingnik, pêrsiᴋovlungalo niakungnik illingnit; tunnijiᴋovlungalo Filisterit kattimgajoᴋotingita timinginik anernengêrtunik tingmitsanut ᴋillaub attânêtunut, omajunullo nujuartunut nunamêtunut, nunamiut illunatik tukkisilerᴋovlugit Israele Gudeᴋarmat,