Josua 3:16 - Labrador Inuttitut Heritage Bible

¹⁶ Tagva imek timânit kôktok nokᴋarpok ᴋallerêktilunelo, ungasidlartomik, iglugasaksoarnit Adamemik attelingnit Zarthanib sanianetomit; immerle attânut pijok imânut, imânut tarriolingmut kêtaulerpok nungulunelo. Taimak innugasaksuit iᴋârput Jericho sâlugo.

Josua 3:16 Iomraidhean Croise

Genesis 14:3

Tâpkoa ilûnatik illigêklutik naᴋsarmut Siddimut pivut, (kingorngane) tasseᴋsoangojomut tarriomut.

I Atannit 4:12

Baena Ahiludib erninga Thanacheme, Megidomelo, Bethseanemelo ilûnnâne, Zarthanab sanianetome, Jesreelib atâne, naternak Meholamik atelik tikkidlugo; Jakmeamib ungatanut tikkilugo.

I Atannit 7:46

Jordanib erkâne Sochotib Zarthaniblo akkorngangne atanniub kovijauᴋovait macharmut.

Imgerut 114:3

Immarbik takkolaukpok tamattominga ᴋemâlunelo; Jordane uttilaukpok;

Imgerut 114:5

Sulauᴋit igvit immarbiôjotit ᴋemâlauravit? igvillo Jordaneojotit uttiûrlauravit?

Imgerut 29:10

Nâlegak iksivalaukpok ullitornivaksoaᴋartillugo, Nâlegarlo attanniovlune iksivajomârpok issoᴋangitomut.

Imgerut 33:7

Immarbiub imaksoangit kattersorpait attautsemut sorlo, pivianartotaliᴋotiminut malliksuit pitipait.

Imgerut 66:6

Tâpsoma imarbik ablatsangortipâ ipterilingajomut; kôksoakut pissuklutik pivut; tamanna ᴋuviasutigivavut tâpsomane.

Imgerut 74:15

Igvit puailavingnik kôngniglo puailaᴋojivotit; igvit kôksuit ᴋôtsainarlauktut imeᴋarungnaitipâttit.

Imgerut 77:19

Apᴋut imarbingmêlaukpok apᴋosinîllo imaksoarne, sullele ittikkatit mallugijaulaungilat.

Imgerut 78:13

Imarbik avikpâ pissuᴋolugillo tagvûna, imaklo ᴋaᴋᴋârulaktitun îtipâ.

Exodus 14:21

Mosesiblo aggane isaktipait imarbiub ᴋollânut; Nâlekablo imak tinitipâ unnangârsoakut unnuak nâvlugo, imarbiglo panertungortipâ, imallo aviktauvut.

Exodus 14:22

Israêliblo ᴋitorngangit imarbiub ᴋerᴋagut ingergavut panertokut: imaᴋsuillo avalugivait talerpiata tungâgut saumiatalo tungâgut.

Exodus 14:29

Israêlikulle ingergavut panertokut imarbiub ᴋerᴋagut; imaksuillo avalugivait talerpiata tungâgut saumiatalo tungâgut.

Exodus 15:8

Sordlungmigarnernut imat katersortauvut, imaksuit ᴋagvarput sorlo ᴋallerêktutitut, itinerillo igjorput imarbiub ᴋerᴋane.

Jesaiase 50:2

Sôᴋ inuᴋangilâᴋ, tikkinama? sôᴋ kiojoᴋangilâᴋ, nippeᴋarama? Aggakka piuliklernermut nailuarᴋât? ubvalo pitsartuneᴋarungnairᴋêk ᴋellujinermut? Ahâk, imarbik suangalerapko, imaerutilerpoᴋ, kôksuillo ipteriliktipakka, mingeriangit imeᴋangimut tippeluktillugit imerungnermullo toᴋolugit.

Hesekiel 47:8

Oᴋautivângalo: Imeᴋ tamanna kôkpoᴋ ununga kitânut, tikilârporlo naternaᴋsoarmut, imarbingmullo pilârpoᴋ; imarbingmut imeᴋ puilatitaujoᴋ pilârpoᴋ; imerlo atsuililârpoᴋ.

Nahum 1:4

Imarbik suakpâ panertilugolo, kôllo ilûnaita ipteriliktipait; Basan Karmelelo ᴋunolerpuk, nuvugulâllo Libanoneme ᴋunolerput.

Habakûb 3:8

Nâlekab kôksuit nakêlijutigilauᴋagît? Ningarnivît kôksuit pilauᴋagît, ningaumajârnivîllônêt imarbingmut tôᴋᴋâ, horseᴋotingne ikimavlutit ingeraravit, ᴋamutîngne piuliklerutinê?

Numbers 34:3

Seᴋerngane pigijaksarivase sunaᴋajuitomit Zinimit, Edomib seniagut, kigliselo seᴋinerdleᴋ ilârpoᴋ imarbiub tarrioliub issuanit ununga;

Deuteronomy 1:1

Tamadja oᴋautsit Mosesib oᴋauserijangit Israêlikunut tamainut Jordanib ungatâne, sunaᴋajuitome, naᴋsarsoarme Sufib nelâne, Pâraniblo, Tôfeliblo, Lâbaniblo, Hâzarotiblo, Di-zahâbiblo akorngane.

Deuteronomy 3:17

Naᴋsarsoarlo, Jordan kigligilugo, Kineretemit naᴋsarsûb imarbinga, imarbik tarriok, Pisgab atsangajângita atânêtok, tikidlugo.

Josua 12:3

Naternamullo Cinnerotib imanga tikkilugo kittane, imarbiglo naternametok tikkilugo, tagva immak tarriok kittane, apᴋosinak Bet-Jesimotemut sanniagorlugo, ângallo ᴋaᴋᴋab Pisgab kôngine.

Josua 15:2

Kiglilervingat âne pilaungmat imarbiub tarriub terreᴋunganit, tagva oᴋaujartomit aunga sangmijomit;

Josua 16:7

Attersarlunelo Janohamit Atharotemut Naaratemullo aktoalunelo Jerichomut nâlunelo Jordaneme.

Josua 3:13

Mannalo ajochertuijut akkigartut attanniotitub sillaksoarmut tamainut angersimaningata iklervinganik, allutik pitipattigik Jordanib imminganut, tagva immek timânit kôktok avingniarpok, ᴋallerêktilunelo nokᴋarniarpok.

Josua 4:22

Tagva ᴋaujititaksarivasse oᴋautilugillo: Israelitit ipterilingajokut pissulaukput Jordanakut;

Josua 5:1

Amoriterit attanningit illunatik Jordanib akkiane kangiane nunaᴋalauktut, Kanaaniterillo attanningit illunatik tussaramik, ᴋannok Nalekab Jordanib iminga ipterilingatilaungmago, Israelib ᴋittorngangita sivorngatigut, akkianut tikkiᴋârtinagit, tagva omattingit mungungalerput maksoanaᴋarungnailunelo tapkonane, Israelib ᴋittorngangit pitjutigellugit,

Idluarsaijut 7:22

Angutillo 300 dit tiptulausijartillugit, Nâlegak pititsivok katimgajune ilûnaine attunît illangata saviksoanga torartitaungmat illaminut. Katimgajoksuillo ᴋemâvut Beth-Sitta-Zeratamut tikkilutik, Abel-Meholablo Tabathemetub kiglilervia tikkilugo.