Josua 24:20 - Labrador Inuttitut Heritage Bible

²⁰ Nalegarle ᴋemmagupsiuk, Gude takkorngartak kivgartorlugo pigupse, tagva allarniarpok, kappiasuktiniarluselo nungutiniarpâselo ajungitullivigilauᴋârluse.

Josua 24:20 Iomraidhean Croise

I Kronika 28:8

Mânna Israelitit ilûnamasiangita Nalekab ilagêktoᴋotingita Nalekablo siutekita sângangne, (kaiblarpapse): Mallileritse pinniarluselo Nalekab Gûdipse perᴋojanginik tamainik, nuna ajungitok pigênarlugo piᴋovluse, kingormgutijaksautilugolo ᴋitorngapsingnut piᴋovluse kingunapse soraijuitomik.

I Kronika 28:9

Igvillo ernik Salomo, atâtavit Gûdinga illitarileruk, kivgartorlugolo omamut tamânut, tarnimullo ᴋunujuitomut. Nalekab omattit ilûnaita nautsertormagit, issumaillo tamaita issumaksarsiorningit tukkisivait. Kennerniarungne nachvârniarpat; ᴋemaniarungnele, ajaktorniarpâtit soraijuitomik.

II Kronika 15:2

Tamna annivok Assa pachreartorlugo, oᴋautilâlo: Nalaksinga, Assa Judamiôjoselo, Benjaminemiôjoselo illunase! Nalekab illagivâse, illipse illagigapsiuk; ᴋennerniarupsiuglo tagva nachvartauᴋoniarpok illipsingnut; allarniarupsiugle, tagva allarniarivâse.

Esra 8:22

Kangusulaurama attannermit sorsuktuksat, ablangajullo horsine ᴋaitauᴋolugit, sapputiluta omisuktunit apᴋome piᴋovlugit. Attannek oᴋautilauraptigo: Gudipta aggangita illunaita, ᴋennertut tapsominga ᴋollangiarpait idluarᴋutiksanginut; pitsartuningatale ningarningatalo illunaita akkerartorpait allaijut tapsominga.

Imgerut 89:31

Illusioᴋojakka ivsornaijungnaitipagit, perᴋojakkalo mallilungipapit:

Jesaiase 1:28

Tapatojoᴋsuille idluitullijullo illunamasiatik asserortaujomârput, Nâlekamiglo ᴋemaijut toᴋotaujomârput,

Jesaiase 63:10

Taipkoale tappatovut, anerninga ajungitoᴋ sinaungasarlugo. Tamanna pivlugo ablatsângorlune akkerartulerpoᴋ taipkonunga, nangmineᴋ sorsukpoᴋ taipkonunga.

Jeremia 17:13

Nâlagaᴋ, Israêlib nerriugijangat, ᴋemaijut ilingnik kangusudlaromârput; aviktut uvamnit aglaktaujomârput nuname, Nâlagaᴋ imiub ômanartub puailavinga ᴋemangmatsuk.

Hesekiel 18:24

Idluartûble idluartulinine tunupago, idluitulilunelo, piniarlunelo maᴋojungnartunik tamainik idluitulijûb piniarningit maliklugit, inôjuksauvâ? Piniarningita idluartut neliarlônêt erᴋaumajauniangilaᴋ: tapanerijamine idluitulinerijaminelo piniartamine, tâpkonane toᴋojuksauvoᴋ.

Apostelit Piniarningit 7:42

Gûdible allarpait, tunilaitalo kivgartorᴋovlugit ᴋilaub uvlorianginik, aglaksimangmat nelautaijut aglangine imâk: Ilipse Israêlib kinguvângit, tunergutiksanik, nergjutiniglo toᴋotaksanik Jârine 40 ne inuᴋajuitome tunitjivigilaukpisingâ?

Deuteronomy 4:25

Kitorngatarupse erngutatârluselo, nunamêᴋitârupselo, asserorupselo ilipsingnik, adsingoaliorluselo Nâlekab Gûdivît takkoane, tâmna ningarsârlugo;

Deuteronomy 4:26

ᴋilak nunalo kigligiutjingorᴋovâka ilipsingnut uvlorme tamattomane, mânakut pêjartaudlamarilârapse, nunamit, Jordan ikârdlugo, aivigijapsingnit pigijomavlugo; uvluse tagvane unuksitiniangilase, nungutaumarilârposele.

Ebrêerinut 10:38

Idluartuble okperneᴋ inôtiginiarpâ. Kemâniartorlo, taimna tarnima ᴋuviasûtiginiangilâ.

Josua 24:21

Innugasaksuillo Josuamut oᴋarput: Taimangolungitok, Nalegarle kivgartoromavavut.

I Samuel 12:15

Nalekable nippinga nalangniangikupsiuk ᴋanningale tappagigupsiuk, tagva Nalekab aggangita illipse atâtagijasselo akkerartorniarpâse.

I Samuel 12:25

Idluitomigle pinniarniarupse, tagva tamarmik illipse attanniselo assioniarpose.