Josua 24:19 - Labrador Inuttitut Heritage Bible

¹⁹ Josua Inugasaksoarnut oᴋarpok: Nalegak kivgartorungnangilasse; Gudeôngmat heiligeojok, Gudeôngmallo illungertortok, tappanipsingnik ajornipsingniglo pitlartautitsitailiniangitok.

Josua 24:19 Iomraidhean Croise

II Kronika 36:16

Tapᴋoale Gudib tillijangit mittautigivait nachogilaitalo oᴋausingit, ijorivaillo nallautaijoᴋotingit, Nalekab kanningajarninga innuᴋotine pivlugit angijororᴋârtinago, innulijaujungnarungnaimatta.

Imgerut 99:3

Attit angijok sivuranartorlo nakorijaule, ivsornaitôjok;

Imgerut 99:5

Nâlegak Gûdivut angijorortissiuk, opigosugitse ittiggangita ikovrangane; ivsornaimat.

Imgerut 99:9

Nâlegak Gûdivut angijorortissiuk, opigosugitselo ᴋaᴋᴋangane ivsornaitome; Nâlegak Gûdivut ivsornaimat.

Exodus 20:5

Taimaitut tuksiarvigijaksaringilatit kivgartornagillo: Uvanga Nâlegaujunga Gûdît ilungertudlarlunga Gûdeogama, atâtat idluitulininginik pidlarnikteojunga ᴋitorngangine uvamnik omisuktune ernerêt kingorlerêt pingajungit sitamangillo tikidlugit:

Exodus 23:21

Ileragiuk, nipingalo nâleklugo, sinaungasarniarnagolo; tappanise isumagijungnairniangimagit: atera tâpsomanêngmat.

Exodus 34:14

Gûdib asianut tuksiartuksaunginavit, Nâlegak, Illungertortomik atelik, Gûdeongmat ilungertortok:

Exodus 34:7

Naglingnermik soᴋosertailitsijok tausendeoᴋatartunut, idluitulinernik tappatonerniglo ajornerniglo isumagijungnainiktok, pidlartailitsingitorle ᴋaᴋialerneᴋangitunik; atâtat idluitulininginik pidlarniktok ᴋitorngane, ᴋitorngallo ᴋitorngangine, ernerêt kingorlerêt pingajungit sitamangillo tikidlugit.

Jesaiase 2:9

Inuit (tamattomunga) suksaujungnairtitauvut, angutaujullo nallopᴋotijariaᴋartitauvut. Issumagijungnaiviginiatsangilattit.

Jesaiase 27:11

Akkerᴋut pannilerunik navigomârput, arnallo pijartorlugit ikkomaksarivait, nunaᴋatigêt tâpkoa sillaitovaksôngmatta. Taimaimat sanajingata nâpkigijungnangilait pingortitingatalo ajungitullivigivlugit ajorpait.

Jesaiase 30:11

Apᴋomit pêritse apᴋosinermillo sangutitse; ivlernartitoᴋ Israêlikkune pêrsiuk kênapta sângannit.

Jesaiase 30:15

Imâgle Nâlegaᴋ Gûde ivlernartitoᴋ Israêlikkune oᴋarmat: Utterluse utaᴋᴋikupse, piulijaunajarpose, uimajârungnairluse tatteᴋarupse, pitsartuneᴋarajarpose. Kissianele pijomangilase.

Jesaiase 5:16

Kilangmiugasaksuille Nâlegangat nertornartitsomârpoᴋ erᴋartuinerminut, Gûdelo ivsornaitoᴋsôjoᴋ ivsornaititsomârpoᴋ idluarsainerminut.

Leviticus 10:3

Mosesiblo Aron oᴋautivâ: Tamadja ila Nâlekab oᴋautigilauktanga, oᴋarlune: Ivsornaititaujomavunga uvamnik najorniktunut, inuillo ilûnatik sângane ânanausijaujomavunga. Aronalo niplingilak.

Leviticus 11:44

Uvanga Nâlegaugama Gûdise; taimaimat sujungaitititse ilipsingnik, ivjornaigitselo; ivjornainama; sujuktituksaungilaselo ilipsingnik pâmgortut nuname aulajut nalianullônêt.

Leviticus 11:45

Uvanga Nâlegaugama tikiutilauktise nunamit Egiptenemit Gûdeojomavlunga ilipsingnut; taimaimat ivjornaituksauvose, ivjornainama.

Leviticus 19:2

Israêlib ᴋitorngangita ilagêktoksôningit tamaita oᴋarvigikit, oᴋautilugillo: Ivsornaituksauvose, Uvanga Nâlegaujunga Gûdise ivsornainama.

Leviticus 20:26

Ivsornaituksauvoselo sâmne, Uvanga Nâlegaujunga ivsornainama, ingmigolingatipapselo inôᴋatigêksoarnit perᴋutauᴋovluse uvamnut.

Leviticus 20:7

Taimaimat ivsornaititse ilipsingnik, ivsornaileritselo; Uvangaugama Nâlegaᴋ Gûdise.

Nahum 1:2

Nâlegak Gudeovok ilungertortok, akkiniarporlo; Nâlegak akkiniarpok ningarnermiglo ilumikpok; Nâlekab akkerartortine akkiniarpait, ômigijiminullo ningarnek torᴋorpâ.

Habakûb 1:13

Igvit ijeᴋartotit ivsornaitoᴋsôjûngnik idluitulinermik takonârungnangitûngnik, nelangainermiglo nâmaksarungnangitûngnik, suna pivlugo nelâgôngitulijut tâpkoa takonârᴋigît, nipangerlutillo idluitulijûb idluarᴋejane êngmago,

Mattêuse 6:24

Angajoᴋângnut maggûngnut kivgartortokarungnangilak; aipâ ômigilârpâlônêt, aipâ nagligivlugo; ubvalo aipâ ungagilârpâ, aipanga nachogivlugo. Gûdelo nunab pingillo atautsikut kivgartorlugit saperpose.

Josua 24:18

Sivunipsigullo innuᴋattigêksuit Amoriterit illunaita nunaᴋalauktut nuname pingujarlaukpait: Tamanna pivlugo Nalegak kivgartoromavavuttauk; Gudigigaptigo.

Josua 24:23

Tagva manna Gudingoat takkorngartat akkonapsingnêtut pêjarsigik illipsingnit, omattiselo mannisigik Nalekamut Israelib Gudinganut.

Ruth 1:15

Tamnale oᴋarpok: Ahâk angajungoit utterpok Inuᴋotiminut Gûdiminullo; igvittauk utterit angajungoit malliklugo.

I Samuel 3:14

Tamanna pivlugo Elib iglunga oᴋautigimarilaukpara, Elib iglomiungita idluitulliningit tamakkoa ullapᴋosertaujuksaungimatta tunnergutiksanut, tunnergutiksanullonêt nerᴋiksanik soraijunane.

I Samuel 6:20

Innuillo Bethsemesemiut oᴋarput: Kina nangerungnarka Nalekab heiligeôvlune Gudeôjub taimaitub sângane? kinamullo uvaptingnit aijuksauva?