Josua 24:17 - Labrador Inuttitut Heritage Bible

¹⁷ Nalekab Gudipta uvagut atatagijavullo tassiorlaungmattigut Egiptenemit kippaloviub iglunganit, ijiptalo sângine nallonaikutakartitsilaukpok angijunik, sapputilaukpâtigullo apᴋome ingergarvigilauktaptingne illunane, innuᴋattigêksuillo illunatik akkorngane tapkutiguna apᴋosarutigilauktapta;

Josua 24:17 Iomraidhean Croise

II Kronika 13:10

Uvagulle Nalegapta Gudipta illagivâtigut, allarlungitapta; ajochertuijullo Nalekamik kivgartortut, Aronib erningit Levitillo sullijaksamingne,

Exodus 13:14

Mattomalo kingorngagut ernerpit aperikpatit, oᴋarlune: ᴋanok tukkeᴋarᴋâ tamanna? Oᴋautijaksarivat: Aggangnut pitsartujunut Nâlekab anitilauᴋpâtigut Egiptenemit, iglomit kipalûtitauvigijaptingnit:

Exodus 13:3

Tagva Mosesib inuit oᴋautivait: Erᴋaumalersiuk uvlok tamanna, anivigijase Egiptenemit, iglomit kipalûtitauvigijapsingnit; aggangnut pitsartujunut Nâlekab tagvangat aulartilaungmase: sêrnarsarsimajomik ᴋakᴋôjaktortoᴋartuksaungilak.

Exodus 19:4

Egiptenemiunut piniarnerijakka takolaukpase, ᴋanorlo nangmarapse naktoralît esarᴋunginut, tikiutitiluselo uvamnut.

Jesaiase 46:4

Uvanga tâmnautsainarpunga inutoᴋaunipsingnut aglât, ᴋêrtolerluse uvanga erᴋsukpapse. Uvanga taimailiorpunga, uvanga nangmarpapse, uvanga erᴋsukpapse piulivluselo.

Deuteronomy 29:2

Mosesiblo Israêlekut tamaita ᴋaiᴋovait, oᴋautilugillo: Takolauᴋpose tamainik Nâlekab piniarnerijanginik ijipse sângine nuname Egipteneme Faraomut, kivganginullo tamainut, nunanganullo tamânut;

Deuteronomy 32:9

Nâlekab inuᴋotine perᴋutigivait; Jako kingormgutijaksarsiarivâ.

Deuteronomy 7:19

Oktornerit angijut ijivît takojangit, nelunaikutallo, tatamnartullo, aggaillo pitsartujut, tallerlo issamijok, Nâlekab Gûdivît anititsijutigilauᴋtangit ilingnik; inôᴋatigêksuit erᴋsigijatit tamaita Nâlekab Gûdivît taimailiorvigijomârivait.

Josua 24:16

Tagva innugasaksuit kiovlutiglo oᴋarput: Tamanna ungasigle uvaptingnit, ᴋemailuta Nalekamik, kivgartorlutalo Gudib assinginik Gudingoanik.

Josua 24:18

Sivunipsigullo innuᴋattigêksuit Amoriterit illunaita nunaᴋalauktut nuname pingujarlaukpait: Tamanna pivlugo Nalegak kivgartoromavavuttauk; Gudigigaptigo.