Josua 23:16 - Labrador Inuttitut Heritage Bible

¹⁶ Tappagigupsiuk Nalekab Gudipse angerutigijanga, perᴋolauktanga illipsingnut, aigupselo kivgartorluselo Gudib assinginik (Gudingoanik) tuksiarvigigupsigiglo, tagva Nalekab ningausinga illungertorniarpok pivluse, pêjarniarpâselo nunamit ajungitomit tunnilauktaminit illipsingnut.

Josua 23:16 Iomraidhean Croise

I Atannit 14:15

Nâlekablo Israelitit annauleromârpait, aulaᴋovlugit, sorlo ivik suvlolik imâne aulataungmat, Israelitillo nutsugomârpait nunamit ajungitomit mattomangat tunnilauktaminit atâtanginut, siamârtitsomârpaillo kôksub ungâtânut, tamânna pivlugo napârtoᴋotimingnik (Gûdingoalingnik) sanalaungmatta, Nâlegak ningaksaromavlugo.

I Atannit 9:6

Allarniarupsingale illipse ernipselo, mallingnagillo perᴋojakka, idluarijakkalo, mannilauktakka illipsingnut, ainiarluselo Gûdib asingit kivgartorlugit, tuksiarvigilugillo pigupse;

I Atannit 9:7

Tagva Israelitit pêjarniarpakka nunamit tunnilauktamnit tapᴋonunga; iglolo ivsornaiviotilauktara atimnut, pêjaromavara kênarma sânganit; Israelitillo oᴋausiovaktungoromârput, oᴋangoarutingorlutiglo inuᴋatigêksoarnut ilûnnainut.

II Atannit 17:7

Tamannalo pilaukpok, Israelib ᴋitorngangit idluitullilaungmatta Nâlekamut Gûdemingnut, tessiorlauktomut tapᴋoninga Egiptenemit, Faraub Egiptenemiut atanningata agganginit, Gûdiblo assingit sivoragilaungmattigik;

II Atannit 24:20

Nâlekable ningarninga pitjutigillugo, Jerusalemiut Judakullo taimailiortitaulaukput ajaktuiᴋârtinane tapkoninga kênaminit. Zedekiablo Babelemiut atanningat nâlegungnailerpa.

Jesaiase 24:5

Nunalo ivsornarsivoᴋ inungme attânne, perᴋojat nâlalungimagit, inatsinerit tappagingmagit, angersimanerlo soᴋᴋosijuitoᴋ kamagijungnairlugo.

Jeremia 32:23

Tikipâllo pigilugolo; nippîlle nâlangilât, arvertalungilallônêt maligaksauᴋojarne; tamaita perᴋolauᴋtatit tâpkonunga piniaraksauᴋovlugit pinialungilait; tamanna pivlugo idluitoᴋ manna ilûnât tikitipat tâpkonunga;

Jeremia 32:24

Ahâk, talut ᴋanilivaliavut iglugasaksoarnut sâlagijomavlugit; iglugasaksuillo tunijaumavut Kaldêamiut sorᴋsugvigijingita agganginut, saviksoaᴋ, kângnartoᴋsoarlo, nusilingnartorlo pitjutigivlugit; oᴋautigilauᴋtatit nalautsivut, ahâglo takovat.

Numbers 33:56

Imailingalârporlo: sorlo issumaᴋalaurama tâpkoa piniarvigijomavlugit, taimailiorvigijomârpapse.

Deuteronomy 17:3

Kivgartoriartorlutik Gûdib assinginik, pâmaktervigilugillo, seᴋinermiglônêt, takᴋermiglônêt, ᴋilaublônêt katimgajoksôningita ilanganik, perᴋojijutigilungitamnik;

Deuteronomy 28:15

Nâlekable Gûdivît nipinga nâlagomangikungne, perᴋojangit maligaksauᴋojangillo tamaita, perᴋojijutigijakka ilingnut uvlome kamagitsiaromanagit piniaromanagillo; tagva ôminarsinerit makkoa ilûnatik tikilârpâtit nelaudlutillo.

Deuteronomy 6:15

Nâlegak Gûdît akunapsingnêtok Gûdeongmat ilungertortok; Nâlekab Gûdivît ningarninga ilingnik katsungailiaᴋiᴋonago, pêrᴋsiᴋonagolo ilingnik nunab ᴋânganit.

Idluarsaijut 2:14

Taimak tagva Nâlekab ningarninga ilûngertudlalaukpok Israelitit pivlugit, tunnivaillo arktainiktut tapkoninga agganginut, aksarniᴋovlugit tapkoninga, niorvgutigivaillo omigijingita avatânetut agganginut. Akkerartorungnarungnailaukpaillo omigijitik;

Idluarsaijut 2:20

Tamânna pivlugo Nâlekab ningarninga ilûngertulerlaukpok Israelitit pivlugit, oᴋarᴋovlugo: Inugasaksuit ukkoa angernera tappagilaungmatsuk atâtagijanginut perᴋolauktara, nippigalo Nâlelungimatsuk,

I Samuel 12:25

Idluitomigle pinniarniarupse, tagva tamarmik illipse attanniselo assioniarpose.