Josua 23:13 - Labrador Inuttitut Heritage Bible

¹³ Tagva ᴋaujimaleritse Nalekab Gudipse innuᴋattigêt ukkua pingujarungnainiarmagit sivunipsigut; tapkoale kellerutingorniarlutiglo nulluangorniarput illipsingnut, issaᴋautingorniarpullo sannerapsingne, kapputingorniarlutiglo ijipsingne, pêjartauᴋârtinase tapsomunga nunamit ajungitomit tamattomangat, Nalekab Gudipse tunnilauktanganit illipsingnut.

Josua 23:13 Iomraidhean Croise

I Atannit 11:4

Salomolo inutuᴋaulermat nulliakotingita omatinga sangutipât Gûdingoanut, omatingalo illuêngardlune illingalaungilak Nâlekamut Gûdiminut, sorlo atâtangata Davidib omatinga pilaungmat.

II Atannit 17:18

Tagva Nâlekab Israelitit ningaridlalaukpait, pêrpaillo kênaminik; amiakoᴋalungilak kinguvarêt Judakut assinginik.

II Atannit 17:20

Tamanna pivlugo Nâlekab Israelib kinguvângit ilunnaita ajaktorpait, tetjarlugillo, tunnilaitalo arktaijut agganginut, egitsikârane tapᴋoninga kênaminit.

II Atannit 25:21

Babelemiullo atanningata ullimârlugit toᴋopait Riblateme, Hematib nunanganetome. Taimak Judakut aularutitaumalaukput nunakotimingnit.

II Atannit 25:26

Tagva innugiartoksuit ilunnatik mikkijut angijullo, sorsuktuksallo angajoᴋangit parngnailerput, aularlutiglo Egiptenemut; Kalderit illimagigamigit.

Imgerut 69:22

Nerrivingat nigangortuksaule sângine, akkiniarutigilugolo, mikkigiarilugo pigilitsuk.

Exodus 10:7

Faraublo kivgangita oᴋautivât: ᴋanok sivitutigijomik angut tâmna nigarniuteojuksauvâ uvaptingnut? Angutit aularᴋokit kivgartorᴋovlugit Nâlekamik Gûdimingnik: ᴋaujimangilatît sulle Egipten asserortaungmât?

Exodus 23:33

Ineᴋartuksaungilat nunangne idluitulitidlaroarmatit uvamnut: tagva gûdingit kivgartorungne, tamanna nigarniutitut ilingnut ilinganajarmat.

Exodus 34:12

Udjertorit, nunab aivigijavit inungit angeᴋatigêngnelioᴋatigivlugit perᴋonak, nigarniutiksaurᴋonagit akunapsingne:

Exodus 34:16

Tiguserᴋonaglo paninginik ernernut; paningit tagva ajortuligunik gûdingoanginut, ernitillo uerisarlugit ajortuliᴋataurᴋovlugit gûdingoanginut perᴋonagit.

Hesekiel 28:24

Kingornganelo kakkilauteᴋalulângilaᴋ Israêlib ᴋitornganginut, kapinartoᴋalulângilarlônêt tâpkonangat avatânêtunit pagvisalauᴋtunit tâpkoninga; ᴋaujijuksauvullo uvangaugama Nâlegaᴋ Nâlegaujoᴋ.

Numbers 33:55

Nunable inungit ᴋemâtingikupsigik sivunapsigut, amiakôtitase kakkilautititut ijipsingnut itsomârput, kakkilautititullo senerapsingne, pagvisâdlaromârpâselo nuname nunagijapsingne.

Lukase 21:24

Saviksoarnut ipiktunut toᴋotauniarput, nunalingnullo ilûnainut âtauniarput; Jerusalemelo asserortauniarpok nalojunut, nalojut naliuningat nâmakserᴋartinago.

Deuteronomy 29:28

Nâlekablo nusukpait nunamingnit ningarnerme, ᴋaningaumajârnermelo, ilungertornermelo angijome, egilugillo nunab tâpsoma assianut, sorlo uvlome ingmat.

Deuteronomy 30:18

Kigligiutjivigivapse uvlome nungutaulârapse, uvluse unuksitiniangilase nuname Jordanekut ikârdluse itervigijartortapsingne pigijomavlugo.

Deuteronomy 4:26

ᴋilak nunalo kigligiutjingorᴋovâka ilipsingnut uvlorme tamattomane, mânakut pêjartaudlamarilârapse, nunamit, Jordan ikârdlugo, aivigijapsingnit pigijomavlugo; uvluse tagvane unuksitiniangilase, nungutaumarilârposele.

Deuteronomy 7:16

Inôᴋatigêksuillo Nâlekab Gûdivît tunijomârtangit ilingnut tamaita nungutaksarivatit; ijivît nâpkigijaksaringilait, Gûdingoangillo kivgartoraksaringilatit; napperniutaunajarmatta ilingnut.

II Timôteusemut 2:26

Amalo tupalerniarmangâta Sâtanasib niganganit; tâpsomunga napersimagamik, pijomajanganik piniartuksauvlutik.

Idluarsaijut 2:21

Tagva mattoma kingorngagut nallojut Josuab amiakotilauktangit toᴋotillugo pêjaromanginivakka;