Josua 22:5 - Labrador Inuttitut Heritage Bible

⁵ Manale katsungailuse attaruilititse pinniarᴋovluse Nalekab perᴋojanga illusioᴋojangalo, Mosesib Nalekab kivgangata perᴋolauktanga illipsingnut malliklugo, nagliᴋovluse Nalegapsingnik Gudipsingnik, arvertarluselo apᴋosiningine tamaine, malliᴋovluselo perᴋojanginik, ungaluselo tapsomunga, kivgartorᴋovluselo tapsominga, omamut tamanut tarnemullo tamanut.

Josua 22:5 Iomraidhean Croise

Imgerut 106:3

Pillorikput perᴋojamik nâlaktut, piniatsainartullo idluartomik.

Imgerut 78:7

Tattiksamingnik tungaᴋovlutik Gûdemut, puigornatiglo Gûdib pinniarninginnik, perᴋojanginniglo naleᴋovlugit.

Exodus 15:26

Oᴋarlunelo: Nâlekab Gûdivit nipinga nâletsiaromagungne, piniaromavlugillo tâpsoma sângane idluarijaujut, siutit manijomagungne tâpsoma perᴋojanginut, maligaksaurᴋojangillo maligomagungne, ilijivigijomangilagit ᴋanimaserit nalianiglônêt tikitilauktamnik Egiptenemiunut: Uvangaugama Nâlegak inûliklertît.

Exodus 20:6

Nâpkiningnermigle sakᴋertitsivunga tausendeoᴋatartune nagligijimne perᴋojamniglo nâlaktune.

Exodus 23:13

Tamaitalo oᴋauserijakka ilipsingnut nâlaksigik: gûdillo asima atingit erᴋaumaniarasigik, ᴋanernillônêt tusartauniaratik.

Exodus 23:25

Nâlegarlo Gûdise kivgartoraksarivase, tâpsomalo nerᴋiksatit imiksatillo saimartitsomavait; ᴋanimaserillo pêjaromavakka akunapsingnit.

Salomob Okâl 4:23

Tamainit anginerpangojomik ommatit udsertoruk: omangat inôsek anningmat.

Jesaiase 55:2

Sôᴋ kênaujanik kittitsivisê nerᴋiksaungitomut, kivgartornipselo akkingit tunivlugit aᴋᴋeartorutiksaungitomut? Tussalersingatôk, ajungitomik nerrijomârapse tagva, tarniselo nakoᴋsijaujomârmatta orᴋsumut.

Jeremia 12:16

Imaitsomârporlo: Katsungaidlutik iliniaromagunik inuᴋotima apᴋutinginik, attera taivlugo angermariklutik: Sorlo Nâlagaᴋ inôngmat; sorlo inuᴋotikka ajoᴋertulaungmagit angermariᴋovlugit Baale taivlugo; tagva igloliangoᴋataujomârput inuᴋotima akornganut.

Mattêuse 22:37

Jêsusible kiovâ: Gûdingnik Nâlegarnik nagliktuksauvotit ômatingnut tamânut, tarningnullo tamânut, issumangnullo tamainut.

Mattêuse 4:10

Jêsusib tagva oᴋautivâ: Sâtanase, uvamnit aularit, aglaksimangmat: Gûdingnut Nâlegarnut tuksiartuksauvotit kissianullo kivgartortuksauvotit.

Mattêuse 6:24

Angajoᴋângnut maggûngnut kivgartortokarungnangilak; aipâ ômigilârpâlônêt, aipâ nagligivlugo; ubvalo aipâ ungagilârpâ, aipanga nachogivlugo. Gûdelo nunab pingillo atautsikut kivgartorlugit saperpose.

Lukase 1:74

Piulijauvluta akkerartortipta agganginit kivgartorᴋovluta tâpsominga inôtiluta sivôranata,

Johannese 12:26

Kivgartoromajûb uvamnik, maliklinga; najukamnelo kivgara tagvanêtsomarivok. Atâtamalo uvamnik kivgartorniartok nertoromârpâ.

Johannese 14:15

Nagligigupsinga, perᴋojakka malingniarsigik.

Apostelit Piniarningit 11:23

Tâmna tagvunga pigame, Gûdiblo saimanersoanga misigileramiuk, ᴋuviasulerpok kaiblarlugillo tamaita pivait, ômamut ilûnânut nipingatsainarᴋovlugit Nâlekamut.

Apostelit Piniarningit 27:23

Unnuame tamattomane Gûdib perᴋutigijima kivgartortamalo Engelinga sanimne nangilaungmat,

Rômiunut 1:9

Gûdib (kivgartortama anernipkut, Erningata oᴋausinginik tussarnertunik oᴋâlavlunga,) ᴋaujimavânga, sorairnanga erᴋaumagapse,

Rômiunut 12:9

Naglingneᴋ takkormôrtailile. Ajorneᴋ ômigisiuk, ajunginerle ungagisiuk.

Rômiunut 8:28

Kaujimavogulle Gûdemik nagligosuktut ᴋanoelinganerit tamaita idluarᴋutigingmagit, (Gûdib) issumasimaninganut ᴋaiᴋojaumajut.

Deuteronomy 10:20

Nâlegak Gûdît sivôragijaksarivat, tâmnalo kivgartoraksarivat; tâpsomunga ungajuksauvotit, tâpsomalo atinga tailugo angermariktuksauvotit.

Deuteronomy 11:1

Taimaimat Nâlegak Gûdît nagligijaksarivat, tâpsomalo pijomajanga, maligaksauᴋojangillo, idluarsautiksangillo, perᴋojangillo malitsiarlugit tamât.

Deuteronomy 11:13

Imaitsomarporlo, perᴋojakka perᴋojijutigijakka ilipsingnut uvlome kamagitsiarupsigik, Nâlegak Gûdise nagligilugo kivgartorlugolo ômatipsingnut tamânut tarnipsingnullo tamânut,

Deuteronomy 11:22

Katsungaidluse perᴋojaᴋ tamanna perᴋojijutigijara ilipsingnut malikupsiuk piniarlugolo, tagva Nâlegak Gûdise nagligijomavlugo, apᴋutauᴋojangillo arvertarvigivlugit, ungagijomavlugolo;

Deuteronomy 13:4

Nâlegak Gûdise maligaksarivase, tâmna sivôragilugo, tâpsomalo perᴋojangit piniarlugit, tâpsomalo nippinga nâleklugo, tâmnalo kivgartoraksarivase ungagilugolo.

Deuteronomy 4:29

Tagvangallo Nâlegak Gûdît ᴋenerungne, nagvâlârpat, ômamut tamânut tarnemullo tamânut ᴋenerungne.

Deuteronomy 4:4

Ilipsele Nâlekamut Gûdipsingnut ungajose inôvose uvlome sulle, ilûnase.

Deuteronomy 4:6

Taimaimat ivlerisigik piniarlugillo; tamanna ilisimanerigapsiuk silatunerilugolo inôᴋatigêksuit takkoane, tusalârtut maligaksauᴋojaujunik makkoninga tamainik, oᴋarniarlutiglo; Inôᴋatigêksuit tâpkoa ilisimadlarlutiglo silatudlartoksôvut.

Deuteronomy 4:9

Udjertortuinarit ilingnik, tarnîllo katsungaidlutit pairiuk, puigorᴋonak pisimajunik ijîkpît takojangangnik, pêjarᴋonagillo ômatingnit uvlut inôvigilârtatit tamaita nâvlugit; ᴋaujijautikille ᴋitorngarnut ᴋitorngavillo ᴋitornganginut;

Deuteronomy 5:10

Nâpkiningnermigle saᴋᴋertitsivunga tausendeoᴋattartune nagligijimne perᴋojamniglo nâlektune.

Deuteronomy 6:17

Katsungaivluse nâlektuksauvose Nâlekab Gûdipse perᴋojanginik, kigligiutsininginiglo, maligaksanginiglo, perᴋolauᴋtanginik ilingnut.

Ebrêerinut 12:15

Udjertoritselo Gûdib saimarsautânik kingurailertoᴋarᴋonago; amârmik ᴋassilinartomik perortoᴋarᴋonago, akkerartortigêngnermik saᴋᴋertitsilune, unuktullo tâpsomunga ivsornartitaulerkonagit.

Jâkobusib 1:12

Piloridlarpok angut ôktortaunermik ᴋenuersârtok; ôktugaudlarame, tagva niaᴋôtemik ômanartomik pijomârpok Gûdib angerutigijanganik nagliktiminut.

Jâkobusib 2:5

Nâlagitse, nagliktakka ᴋatangutikka: Silaksoarme mattomane aklujut, okpernermik akluilutik Gûdib anerilaungilagît, kingormgujeᴋovlugit nâlegauvingmik, nagliktiminut angerutigijaminîk?

Josua 23:8

Ungaᴋovlusele Nalekamut Gudipsingnut, sorlo uvlok tamanna tikkilugo pilaurapse.

Takotitaunermik 15:3

Imgerpullo Môsesib, Gûdib kivgangata imgerusinganik, Saugârsûblo imgerusinganik, oᴋarlutiglo: Angijoksôvut tatamnarlarmiglo piniarnitit, Nâlegak, Gûde ajugaᴋangitovitôjotit; idluartôvlutiglo mikseᴋârtôvut apᴋosinitit, igvit ataniojotit ivjornaitunut.

I Samuel 12:20

Samuele innuksoarnut oᴋarpok: Sivuraniarase, idluitunik tamakkoninga tamainik pinnialauralloarpose, kissiane nûniarase Nalegak tunnulugo, kivgartorsiugle omamut tamânut;

I Samuel 12:24

Nalegak sivuragituinarsiuk kivgartorlugolo nertornarluse omamut tamânut; takkolaurapse ᴋannok angijoksoarmik pinniarvigingmasse.

I Samuel 7:3

Samuele Israelib iglomiokotinginut illunamasianginut oᴋarpok: Omamut illunânut sâlerupse Nalekamut, tagva Gudingoat takkorngartat Astarotelo pêjarsigik illipsingnit, omattiselo torartisigik Nalekamut, kivgartortuarisiuglo; tagva piuliniarpâse Filisterit agganginit.