Josua 22:25 - Labrador Inuttitut Heritage Bible

²⁵ Nalekab Jordane kiglilervingortilaukpa uvagut illipselo Rubenib Gadiblo ᴋittorngangita akkonaptingnut; illangiutivikangilase Nalekamik. Taimailiornermut ᴋittorngapse ᴋittorngavut nûtinajarpait sivoranermit Nalekamik.

Josua 22:25 Iomraidhean Croise

II Samuel 20:1

Anguteᴋalaukporlo tagvane illitarijaujomik kuksalaitomik, Sebamik attelingmik, Bichirib, angutib Jeminib kinguvânginit pijub erninganik; tapsoma tiptulaut tiptulausijautigiva oᴋarlunelo: Illangiutiviᴋalungilagut Davidemik, kingormgutijaksaᴋaratalonêt Isaib erningane. Israelitiôjut illunamasiatik attunît ailerlit igloᴋotimingnut!

I Atannit 12:16

Israelitille ilûnnamasiangit takkogamik atanniub tusaromangimagit, inugasaksuit atannek kiovât oᴋarlutiglo: Sunamik illangiutiviᴋarᴋita Davidemik? Isaiblo erninga pigingilavut, Israelitiôjose aileritse tuppeᴋotipsingnut! Taimâk mânna igvit Davideᴋotivît iglunga takkonâruk. Taimâk Israelitit aivut tupperᴋotimingnut,

I Atannit 14:16

Israelitillo tunnijomârpait, Jerobeamib idluitullilauktub, Israelitiniglo idluitullititsilauktub ajorningit pivlugit.

I Atannit 15:30

Jerobeamib idluiningit pivlugit, idluitullinerilauktangit, idluitullititsijutigijangillo Israelitinik, kajungersainermut ningaksaijutigijangillo Nâlekamik Israelib Gûdinganik.

Nehemia 2:20

Tagva uvanga kiovakka, oᴋarlungalo: ᴋilaub Gûdingata sullitiniarpâtigut tamattominga; uvagullo kivgaujogut tapsomunga, parngnaileromavogut, sanajomalutalo, ilipsele ilangiutiviᴋangilase, idluarneᴋaraselonêt, erᴋaumajaksaᴋaraselonêt Jerusaleme.

Imgerut 16:5

Nâlegarle perᴋutigivara, illangiusiarijaralo ermgusiârsungmit; igvit kingormgutijara udsertorpat.

Apostelit Piniarningit 8:21

Oᴋausek una piginagolo ilangiutiviginiangilallônêt, ômatit idluangimat Gûdib sângane.

Josua 22:24

Piniangârlaungikuptalo illimasungnermut, imaitomik oᴋarapta: Uvlojomârtune ᴋittorngase oᴋarajarmatta ᴋittorngaptingnut: Sunamik illangiutiviᴋarᴋise Nalekamik Israelib Gudinganik?

Josua 22:26

Tamana pivlugo oᴋalaukpogut: Altaremik sanalerta, tunergutiksamuungitok, tunnergutiksanullonêt otaksanut:

Josua 22:27

Kigligiudsijoᴋovlugole akkonaptingne akkonapsingnelo, kinguvârijomârtaptalo akkorngane, Nalegak kivgartorungnarlugo sângane, tunnergutiksaptingnut otaksanut, tunnergutiksaptingnullo ᴋujalijutiksanut, tunnergutiptalo assinginut; ᴋittorngase, nalliutsomârtome oᴋarungnarᴋonagit: Illangiutivikangilase Nalekamik.

I Samuel 26:19

Taimak tussarittôk manna, nalegâk attanek, kivgame oᴋausinginik: Nalekab kajungertipattit akkerartorlunga, tagva tunnergutiksamik nerᴋiksamik naimalerle; innuble ᴋittorngangit taimailiorpatta, tagva ominarsijaulit Nalekab sângane, uvlome ajiktoraminga, Nalekab kingormgutijanganêtsungnanginama, oᴋarlutiglo: Ailerit kivgartorlutillo Gudib assinginik.