Josua 22:18 - Labrador Inuttitut Heritage Bible

¹⁸ Illipselo uvlome sangulerpose Nalekamit, uvlomelo Nalegak ᴋemakpasse, uvlome ᴋaupallonêt ningaumajalerᴋovlugo Israelib illagêngningit illunaita pivlugit.

Josua 22:18 Iomraidhean Croise

II Samuel 24:1

Nalekablo ningaumajarninga illungertulerlaurivok ama Israelitinut, Davidelo ᴋajungersarpa tapkoa akkorngane, oᴋarᴋovlugo: Ailerit, Israelitillo Judakullo kittijartorkit.

I Atannit 9:6

Allarniarupsingale illipse ernipselo, mallingnagillo perᴋojakka, idluarijakkalo, mannilauktakka illipsingnut, ainiarluselo Gûdib asingit kivgartorlugit, tuksiarvigilugillo pigupse;

II Atannit 17:21

Israelitit pêrsimalaukput Davidib iglunganit; Jerobeamelo Nebatib erninga atanningortipât, tapsomalo Israelitit tunnutipait Nâlekamit, idluitullitilaitalo angijoksoarmik.

I Kronika 21:1

Satanasib Israelitit akkerartorpait. Davidelo kajungersarpa Israelitit kittitauᴋolugit piᴋovlugo,

I Kronika 21:14

Tagva Nalekab nusilingnartok tikkerᴋova Israelitinut, ochojoᴋarmat Israeleme angutinik 70,000 dinik.

II Kronika 25:27

Nalliutomillo taimangat Amaziab allaivianit Nalekamik, angerᴋattigêngneᴋartitsivut Jerusaleme akkerartorlugo; kemâvorlo Lachisemut. Tagva malliklugo tilliklerput Lachisemut, toᴋᴋopâllo tagvane.

II Kronika 34:33

Josiablo makkojungnartut tamaita pêjarpait nunanit Israelib ᴋittornganginut illingajunit; illunaitalo Israeleme naipitaumajut kivgartortipait Nalekamik Gudigijamingnik. Josia innotillugo nûlungilet Nalekamit atâtagijamik Gudinganit.

Leviticus 10:6

Mosesiblo Aron ernîgiglo, Eleasare Itamarelo, oᴋautivait: Nessairniarase annorâselo aliktorniarasigik, toᴋoᴋonase, ilagêllo ilûnaita ningarvigilugit perᴋonago; ᴋatangutisele Israêlekut ilûnatik ᴋugviorlit ikitaunek Nâlekab ikitavininga pivlugo.

Numbers 16:22

Pâmakterpuglo, oᴋarlutiglo: Gûdik, uvinilit ilûnatik anerningita Gûdingat, angut atauseᴋ idluitulingmat, ilagêktoᴋsuit ilûnaita ningaumajârvigijomavigît?

Numbers 32:15

Ilipse tunukupsiuk, tâpsoma sunaᴋajuitomêtuinarᴋoniarivait; inuillo ukkua tamaita asserolârpase.

Deuteronomy 7:4

Tâpsoma ernît sangutiniarmago maligungnaiᴋovlugo uvamnik, kivgartorᴋovlugo assimnik Gûdingoarnik; taimaglo Nâlekab ningarninga ilingnut katsungaililârpok, asserorsarniarpâselo.

Josua 22:15

Tikkigamigillo nuname Gileademe, oᴋarᴋattigivait oᴋarlutiglo:

Josua 22:16

Nalekab illagêktoᴋotingita illunatik imak oᴋautsauᴋovâse: ᴋanok idluitullivise taimak Israelib Gudinganut, tunnulerapse uvlome Nalekamit, sananipsingnut Altaremik, kattakapse Nalekamit?

Josua 22:20

Achan Serab erninga idluitullilaungilâk nungutaksat pitjutigallugit, ningaumajarnerlo pivok illagêktunut illunainut? kissiovlunelo pejartaulaungilak idluitullinine pivlugo.

Josua 7:1

Israelitille tammarlaukput tigusinermut nungutaksamik; Achan Karmib erninga, Sabdib erningata, Serab erningata, Judab kinguvânginnit, tigusilaungmat nungutaksat illanginnik. Tagva Nalekab ningausingata Israelib ᴋittorngangit illungertorutigivait.

Josua 7:11

Israelitit idluitulilaukput, angersimaneralo perᴋolauktara tapkonunga tappagilaukpât; tigusilauramik nungutaksamik, tiglilaukpullo taimak, missiarlutiglo, illijilutiglo perᴋutigijamik akkornganut.

Josua 7:21

Aksarnigaujat akkorngane takkolaukpunga ullingmik pivianartomik Babelemiomik, Silberemiglo Sekelenik 200 dinnik, oᴋangoamiglo Goldemik Sekeletut 50 gitut oᴋumaitigijomik, tapkoninga ikligulaukpunga tigusilungalo. Ahaglo saumavlutik ijersimavut nuname tuppimne, Silberelo akkornganepok.

I Samuel 12:14

Nalegak manna sivuraginiarupsiuk, kivgartorlugolo, nippingalo nalengniarlugo, Nalekablo ᴋanninga tappaginiangikupsiuk, tagva tamarmik illipse attanipselo, attannerijapse Nalegak Gudise mallingniarpasse.

I Samuel 12:20

Samuele innuksoarnut oᴋarpok: Sivuraniarase, idluitunik tamakkoninga tamainik pinnialauralloarpose, kissiane nûniarase Nalegak tunnulugo, kivgartorsiugle omamut tamânut;