Josua 20:9 - Labrador Inuttitut Heritage Bible

⁹ Tamadsa, iglugasaksuit unertutigijaumajut Israelib ᴋittornganginut illunainut, tujormitsanullo illunainut tapkoa akkorngane nunakartunut, kemâvigilugit toᴋᴋotsijub kimik pijarinane, toᴋᴋotauᴋonnago aungmik akkiniartemut, nangerᴋârtinago illagêt sângine.

Josua 20:9 Iomraidhean Croise

Numbers 35:13

Iglugasaksuillo tuniniartase iglugasaksoangoniarput saputjauviksanik sixinik.

Numbers 35:15

Israêlikunut takorngartanullo tujormianullo ilipsingnôrtunut iglugasaksuit sixit saputjauviksaulârput; pijârenane toᴋotsijoᴋ inungmik ᴋemâjungnarᴋovlugo tagvunga.

Josua 20:4

Kemâjorlo iglugasaksuit tapkoa illanganut nangertuksauvok sillatâne iglugasaksuit upkoaksoangata sângane, oᴋartuksaulunelo illinganerminik iglugasaksuit angajoᴋaunerôjungita sângane; tagvalo illallioraksarivât ingmingnut iglugasaksoarnut, inniksaᴋartilugolo, tagvane nunaᴋarᴋovlugo.

Josua 20:6

Taimak iglugasaksoarne tamakkonane nunaᴋartuksauvok, nangerᴋârtinago illagêt sângane erᴋartuivingme, ajochertuijoksoak toᴋᴋoᴋârtinnago ajochertuijoksoangojok nalliutome taipsomane; tagva toᴋᴋotsijok ᴋaijuksaugivok iglugasaksoaminut iglominullo, iglugasaksoarnut ᴋemâlauktaminut.

Josua 20:8

Jordaniblo akkiane Jerichomit nuijarviub nellâne, tunnilaukpait Bezer sunakangitome natername, kinguvarênit Rubenakunit, Ramothelo Gileademe kinguvarênit Gadekunit, Golanelo Basaneme, kinguvarênit Manassekunit.