Josua 2:6 - Labrador Inuttitut Heritage Bible

⁶ Tapsomale tapkoa majoarᴋovak iglub ᴋânganut, ijertorpaglo ivaluksaijaksat ivingita issivimalauktame iglub ᴋângane attânut.

Josua 2:6 Iomraidhean Croise

II Samuel 11:2

Pijoᴋalaukporlo Davide unnub nalliuningane makkilerame innangavingminit, pissuklunelo attanniub iglungata ᴋângane, ᴋânganillo takkova arnak ubvartok ingminik, arnarlo tamna taututsiarilaukpok.

II Samuel 17:19

Arnablo kebbik tigulugo issivilâlo immektarviub pângata ᴋollânut, kakkojaksallo serᴋalimajut issivipait oma ᴋânganut, taimak mallugijaujungnarlungimat.

I Atannit 18:13

Nâlegara oᴋautsaumalungilâk pinniarlauktamnik Isebele toᴋotsitillugo Nâlekab nellautaijoᴋotinginik? Nâlekab nellautaijoᴋotingit 100 dit ijerlaurapkit, mâne 50 git, ikkanelo 50 git ᴋairosungmut, patangaitilugillo, ᴋakᴋojamik imermiglo?

I Atannit 18:4

Isebelible Nâlekab nellautaijoᴋotingit nungutilaungmagit, Obadjab nellautaijut 100 dit tiguvait, ijerpaillo ᴋairosungmut, mâne 50 git, ikkane 50 git, patangaitilaitalo ᴋakᴋojanik, imermiglo.

II Atannit 11:2

Josebable atanniub Joramib panningata Ahasjab najangata tiguva Joase, Ahasjab erninga, tiglikpâlo atanniub ᴋitornganginit toᴋotaujunit pairijinga aiparilugo innime sinnigvingme; ijerpâlo Athalja pivlugo, toᴋotaukonnago;

Exodus 2:2

Arnarlo tâmna singailerpok ernermiglo ernivok. Sorusitsiangojorlo takogamiuk, ijeriartorpâ takᴋit pingasut nâvlugit.

Jeremia 36:26

Ataniuble Jeramêele, Hamalekib erninga, Seraialo, Asriêlib erninga, Selemîalo, Abdiêlib erninga, tigusiᴋolauᴋpait Bârungmik aglakpaktomik Jeremiamiglo nalautaijomik; Nâlakable ijersimalauᴋpak.

Mattêuse 24:17

Iglublo ᴋânganêtok akᴋarniarane, sumik iglominit aikleromavlune.

Deuteronomy 22:8

Nutamik iglolioruvit iglûb ᴋânga avalulioraksarivat, igluit pasijaksauᴋonago aungmik kataktokarpat tagvangat.

Kolossamiunut 3:3

Toᴋomagapse, inôsiselo Kristûse ilagivlugo ijersimavoᴋ Gûdeme.

Ebrêerinut 11:23

Okpernermut Môsese erniangomangmat, taᴋᴋinik pingasunik ijerartoangolerpoᴋ angajoᴋângminut, takoleramikko innerᴋonadlartoᴋ nutaraᴋ; ataniviksûb perᴋojanga sivôraginago.

Jâkobusib 2:25

Taimaktauk anguniartok Rahabe idluarsititaungilâk ajungitulinermut, tilijaujuk illalioramigik, apᴋosiniublo assiagut aulartilugîk?

Josua 2:5

Upkoaksuillo pallangertaujuksautillugit tâktillugo annilaukpuk, ᴋaujiᴋonanga namut aivingangnik. Erinesukluse udlassigik anguniarapsigik.

Josua 2:7

Angutille udlatorpakik apᴋosinerme Jordanemut, ikkarvik tikkilugo. Upkoaksoarlo pallangertaulaukpok, taipkoa udlaniktut taipkungninga annilauᴋârtillugit.

Josua 2:8

Angutiglo sinniᴋârtinagik, majoarlune iglub ᴋânganut aivigivak,

Josua 6:25

Rahabele anguniarpaktok, atâtangata iglomioᴋattingit illaliudlugit, pigijangillo tamaita, innoᴋojaulaukput Josuamut. Nunaᴋarporlo Israeleme uvlok tamanna tikkilugo, tamanna pivlugo, tillijaujuk Josuab tillilauktagik Jerichomut, nautsertoriarᴋovlugik ijertorlaungmagik.