Josua 2:12 - Labrador Inuttitut Heritage Bible

¹² Tagva Nalekame angervigitinga manna, napkiningnermik sakᴋertitsivigigaptik illipsatauk atâtama iglomioᴋattinginnut napkiningnermik sakᴋertitsiᴋovluse, nallonaikutamiglo nallonangitomik tunnitsivigitinga,

Josua 2:12 Iomraidhean Croise

Genesis 21:23

Tagva mâna Gûde tailugo angerviginga tamâne, uiverikleromatsanginavit uvamniglônêt ᴋitorngamniglônêt erngutamniglônêt, naglingnerle saᴋᴋertitara illingnut saᴋᴋertitaksarigangne uvamnuttauᴋ nunamullo tujormiangovigijarnut.

Genesis 24:3

Nâlegarlo ᴋilaub Gûdinga nunablo Gûdinga taivlugo angermarikkinga, ernimnut nuliaksarsinianginavit Kânaanib panninginit nunaᴋatigijamnit.

Genesis 24:9

Tagva kivgab aggane illivait angajoᴋâme sibvianganut, angervigivlugolo tamattominga.

Genesis 40:14

Erᴋalaungmingale ᴋanoengitsiaruvit, nâpkigivlunga taivlungalo Faraomut, iglomit ômangat anititaurᴋovlunga,

II Kronika 36:13

Nalagungnaipâlo Nebukadnezar Babelemiut attanningat, angermaringnermik Gudeme tigusilauktok tapsomangat, tappatôsilunelo, omattinelo mangaitipa, sâlerᴋonago Nalekamut Israelib Gudinganut.

Ester 8:6

ᴋanorle ᴋanoêtok inuᴋotima tikkitautiginajartangat Takᴋonarungnarajarpigo? ᴋanorlo takkonârungnarᴋîk illama nungutauninginik?

Exodus 12:13

Augle nalonaikutariniarpase iglune innigijapsingne: auglo takogupko ᴋângervigijomavapse, asserornartoksoarlo ilipsingnêtuksaungilak asserorluse, nuna Egipten sugiarupko.

Jeremia 12:16

Imaitsomârporlo: Katsungaidlutik iliniaromagunik inuᴋotima apᴋutinginik, attera taivlugo angermariklutik: Sorlo Nâlagaᴋ inôngmat; sorlo inuᴋotikka ajoᴋertulaungmagit angermariᴋovlugit Baale taivlugo; tagva igloliangoᴋataujomârput inuᴋotima akornganut.

Markuse 14:44

Pititsiniartublo nalunaikutaksamik (illitarsijutiksanganik) oᴋautilauᴋpait, oᴋarlunelo: kunilârtara, taimnauvoᴋ! tigusiuk, aulartailitilugolo.

Rômiunut 1:31

Silaitoᴋsôlarmiglo, okpernaitoᴋsôlarmiglo, naglingitoᴋsôlarmiglo saimajuitoᴋsôlarmiglo, takupsoajuitoᴋsôlarmiglo.

I Timôteusemut 5:8

Naliatale illane, anginersamik iglomioᴋatine, patangaitingikunigit, tâpsoma okpernek misiarutigivâ, okpingitomillo ajuluarpok.

Jâkobusib 2:13

Nâpkigosujuitorle nâpkigosujuitomik erᴋartortaujomârmat; nâpkigosungnerle nertôtivok erᴋartuinermut pijaunane.

Josua 2:13

Inôᴋogapsigik atâtaga, anânagalo, ᴋattangutikkalo angutit arnallo, tamaitalo illangit, piulilugillo tarnivut toᴋᴋomit.

Josua 2:18

Kainiarupta nunamut, aklunaglo aupaluktak una ningitijutigijet uvaptingnik kellaksorlungikungne igalangmut, kattitilungikungnelo iglungnut, atâtat anânallo, ᴋattangutitillo, atâtavillo iglomiokottingit illunaita.

Josua 2:19

Iglovillo upkoanganit annijub tapsoma aunga niaᴋominut pile, uvaguglo passijaksaungilaguk; illunaitale iglungnetut kialo agganginnut aktortaukpatta, aunget niaᴋuptingnut pijuksauvok.

Josua 6:22

Josuable angutik nautsertoriartorlauktuk nunamik oᴋautivak: Itteritik anguniarpaktub iglunganut, arnarlo tamna annitikko tagvangat pigijangit tamaita illaliudlugit, sorlo angervigimarilauraptikko.

Josua 9:15

Josuablo ullapirsauteᴋarᴋattigilerpait angerᴋattigêngnermiglo pilune tapkonunga, innojuksaungmatta. Illagêktullo angajoᴋangita angervigimarikpait.

Idluarsaijut 1:24

Nautsertortullo angut iglugasaksoarnit annijok takovât, oᴋautilugolo: Unertotitigut, naukut tikkitsungnarniptingnik iglugasaksoarnut, tagva napkiningnermik pinniarvigijomavaptigit.

I Samuel 30:15

Davidib oᴋautiva: Attersartitsomavinga ununga sorsuktuksanut taipkonunga? Oᴋarpok: Oᴋautimarilaunga Gudeme, toᴋᴋotsomanginamga, pititsomanginamgalonêt angajoᴋama agganginut; tagva attersartitsomavagit, sorsuktuksanut taipkonunga.