Josua 19:40 - Labrador Inuttitut Heritage Bible

⁴⁰ Imerautit 7 ingat nallaulaukpok kinguvarênut Danib ᴋittornganginut, abvakungit malliklugit.

Josua 19:40 Iomraidhean Croise

Genesis 35:25

Bilhab, Rahelib kivgangata, ernîgik: Danelo Naftalilo.

Hesekiel 48:1

Tamadja kinguvârêt attingit: Kiglinganit taggardlermit Hetlone apᴋutigilugo Hâmatib nelânut, Hâzar-enon, Damaskusib kiglingane, avunga Hâmatib seniane; sângalârput kangimullo kitânullo; Dane, avgoaᴋ atauseᴋ.

Numbers 26:55

Taimaigaloartilugolo nuna avitaujuksauvoᴋ immerautimut; atâtamik kinguvârêngita attingit maliklugit kingormgujijuksauvut.

Josua 10:40

Taimak Josuab nunnat illunaita, ᴋaᴋᴋane seᴋᴋinerdlillo, nâksanelo kôngnelo attaningit illaliudlugit ullimartautipait, amiakoᴋarᴋojilaungilak nallianik, tamaitalo annerneggit nungutipait, sorlo Nalegak Israelib Gudinga perᴋojilaungmat.

Josua 19:39

Tamadsa kinguvarêt Nafthalib ᴋittorngangita kingormgutijangat abvakungine, iglugasaksoangit iglugasangillo.

Josua 19:41

Kingormgutijangetalo kiglilervingit imailaukput: Zarea, Esthaol, Irsames,

Idluarsaijut 18:1

Nalliutome taipsomane ataneᴋalaungilak Israeleme. ᴋitorngarêllo Danekut kingormgutijaksamik nunagijungnartamingnik ᴋenerasuarput; uvlorle tamânna tikkidlugo kingormgutijaksangat nallautaulaungilak sulle tapkonunga, Israelib ᴋitorngarêngita akkorngane.