Josua 18:28 - Labrador Inuttitut Heritage Bible

²⁸ Zela, Elef, Jebuselo, tagva Jerusalem, Gibeath, Kiriath; iglugasaksuit 14 it iglugasangillo. Tamadsa Benjaminib ᴋittorngangita kingormgutijangat abvakungine.

Josua 18:28 Iomraidhean Croise

II Samuel 21:14

Illijartorpaillo Saulib tapsomalo erningata Jonathanib sauningit Zelame Benjaminib nunanganêtome, atâtangata Kisib illuvinganut; pinniarlutiglo tamainik, sorlo attannek perᴋojilaungmat. Taimak Gude tamakkoa kingorngane ullapᴋosersimalaurivok nunamut.

II Samuel 23:29

Helebe, Baenab erninga, Netofatemiok. Ithai, Ribaib erninga, Gibeamiok, Benjaminib ᴋittorngangita iglugasaksoanganit.

II Samuel 5:6

Attannerlo anguteᴋotine illagellugit aularpok Jerusalemut, Jebusiterit nunaᴋalauktut tagvane sorsugvigijomavlugit. Tapkoale Davide oᴋautivât: Ovunga itterniangilatit; tautungitulle tussiatullo agviarniarpâtit. Issumaᴋalaukpulle Davide tagvunga itterungnarniangimat.

II Samuel 5:8

Tagva Davide uvlorme taipsomane oᴋarpok: Jebusiterinik salaᴋartok, tikkitorlo iglut ᴋânginut, tussiatunut tautungitunullo, Davidib tarningata omigijanginut, tamna aulatsijungortitaujuksauvok angajoᴋangortitaujuksaulunelo. Tamanna pivlugo oᴋartoᴋarpakpok: Ittertoᴋarniarane iglomut tussiatomiglonêt tautungitomiglonêt.

I Kronika 8:28

Tagva niaᴋôjut atâtanut, abvakungine; tapkoa igloᴋalaukput Jerusaleme.

Jesaiase 10:29

Kôrukkut ingergavut. Gebame sinniktalauᴋta! (taimak oᴋarput.) Tagva Râmamiut ᴋoaᴋsârput, nunaᴋartut Gibeame Saulib nunagilauᴋtangane ᴋemâvut.

Jeremia 6:1

Jerusalemit ᴋemâleritse, ilipse Benjaminib ᴋitorngangit, tiptulausijaritselo Tekoame, Nalunaikusêgitselo Bethkerememe, idluitoᴋ aningmat avangat, asserornartoᴋsoarlo.

Hosea 10:9

Israêle, Gibeab uvlunginit idluitulidlarpotit; tagvane nangilauᴋput; tikitauᴋonagit unatarnermut idluinerub ᴋitornganginit pijomut.

Numbers 26:38

Benjaminib erningit, kinguvârêngit maliklugit: Belamit, Belakut; Asbelemit, Asbelekut; Ahiramit, Ahirakut;

Numbers 26:54

Ununersanut tunitjijuksauvotit kingormgutijaksamik anginersamik, ikinersanullo tunitjijuksauvotit kingormgutijaksamik mikinersamik; ilûnainut, kititaujut tâpkonangat maliklugit, kingormgutijaksaᴋ tunijaujuksauvoᴋ.

Numbers 33:54

Nunalo kingormgutijaksarivase immerutigilugo ᴋitorngarêngnise maliklugit; ununersaujunut tunitjijuksauvotit kingormgutijaksamik anginersamik, ikinersaujunullo tunitjijuksauvotit kingormgutijaksamik mikinersamik; immerautib nelautanga inuit nelianut, tamanna pigijaksarivâ.

Josua 15:63

Jebusiterille Jerusaleme nunaᴋalaukput, Judablo ᴋittorngangita aulartitsungnarlaungilait. Taimak Jebusiterit Judab ᴋittorngangit illagilugit Jerusalemetuarlaukput uvlok tamanna tikkilugo.

Josua 15:8

Tagvangat aivok takpaunga Hinomib erningata naksanganut, Jebusiterit seᴋᴋerngane, tagva Jerusalem; tikkilunelo takpaunga ᴋaᴋᴋab Himonib naksangata sânganetub avangat, kanganut, aktuajub avane Refaimib naksangata tereᴋunganut.

Josua 18:16

Attersarporlo tagvangat ᴋaᴋᴋab, Himonib erningata naksangata, Refaimib naksanganetub tachane, sânganetub naninganut, attersarporlo Himonib naksangagut, Jebusiterit seᴋᴋerngane, pilunelo unnunga Rogelib puailavinganut.

Josua 18:27

Rekem, Jerpeel, Thareala,

Josua 19:1

Kingorngane immerautib aipanga nallaulaukpok kinguvarênut Simeonib ᴋittornganginut abvakungine, kingormgutijaksangallo Judab ᴋittorngangita kingormgutijangata akkornganelaukpok.

Idluarsaijut 1:21

Benjaminible ᴋitorngangita Jebusiterit Jerusaleme nunaᴋalauktut aulartilaungilait, Jebusiterille Benjaminib ᴋitorngangine Jerusaleme nunaᴋalaukput uvlok tamânna tikkilugo.

Idluarsaijut 19:10

Angulle tamna siniktaromalaungilak, parngnailerporle aularlunelo, tikkilarmelo Jebusib, tagva Jerusalemib sânganut; najorteᴋalaukporlo siuteᴋoktojungnik maggûngnik nangmartungnik, pannervgaminiglo aipaᴋarivok.

I Samuel 10:26

Saulelo angerarivok Gibeamut; kattimajoksuillo illangita Gudib kiblilauktangita omattingittigut, illagivât.