Josua 17:1 - Labrador Inuttitut Heritage Bible

¹ Imeraullo nallaulaukpok kinguvarênut Mannassekunut, Josefib erniangoᴋârtoᴋotigilaungmago; nallaulunelo Machiremut Manassib erninganut angajuklermut Gileadib atâtanganut, anguteolaungmat sorsugungnartomik, tamanna pivlugo Gilead Basanelo pilaukpak.

Josua 17:1 Iomraidhean Croise

Genesis 41:51

Josefiblo angajukleᴋ Manassemik atserarpâ, (oᴋarlune:) Gûdib puigortingmanga siorniornimnik atâtamalo iglunganik ilûnânik.

Genesis 41:52

Aipanga Efraimik atserarpâ, (oᴋarlune:) Gûdib aglisitingmanga nuname kappiasugvingme.

Genesis 46:20

Josefelo Egipteneme ernertârpoᴋ Manassemik Efraimiglo, Asnatib, ajoᴋertuijub Onemêtub Potiferab paningata, erniarijâgingnik tâpsomunga.

Genesis 48:17

Josefible atâtane takogamiuk tallerpingminik illijijoᴋ Efraimib niaᴋoanut, idluaringilâ, atâtamelo aggangit tiguvait Efraimib niaᴋoanit Manassib niaᴋoanut pititsomavlugit.

Genesis 48:18

Josefiblo atâtane oᴋautivâ: Atâtâk, taimainak! una angajukliovoᴋ, ôma niaᴋoanut aggaktit tallerpît illilaukit.

Genesis 50:23

Efraimiblo kinguvârêngningita pingajungit Josefib takovait; taimaktauᴋ Maggerib, Manassib erningata, erningit inôlerput Josefib sângane.

II Samuel 2:9

Attaningortilâlo Gileademut, Assurimullo, Jesreelemullo, Efraimemullo, Israelitinullo illunainut.

I Kronika 2:23

Tiguvaillo Gesur, Aramelo, Jairiblo iglugasangit, tappilugillo Kenat aiparusingillo, iglugasaksuit 60git. Tapkoa ilûnaita Machirib Gileadib atâtangata ernerivait.

Hesekiel 47:13

Imâk oᴋarpoᴋ Nâlegaᴋ Nâlegaujoᴋ: Tamanna kiglilerviksaulârpoᴋ, tamattomunga nuna avilugo kingormgutijaksautilârpase Israêlib kinguvârêngningit 12 maliklugit; Josefe avgoângnik maggûngnik pijuksauvoᴋ.

Hesekiel 48:4

Naftaliblo kiglingane, kitânit kangianut; Efraim, avgoaᴋ atauseᴋ.

Numbers 26:29

Manassiblo erningit: Makiremit, Makirekut; Makirelo ernertârpoᴋ Gileademik: Gileademillo, Gileadekut.

Numbers 27:1

Josefiblo erningata Manassib kinguvângita ilangata erningata Makirib erningata Gileadib erningata Heferib erningata Zelofehadib paningit tikilerput; paningillo attingit imaiput: Mala, Noa, Hogla, Milka, Tirzalo.

Numbers 32:33

Mosesiblo Gadib kinguvângit, Rubeniblo kinguvângit, Manassiblo Josefib erningata kinguvângita abvangit tunitjivigivait Sihonib, Basanib ataningata, ataniovinganik, nuna iglugasaksoangillo tagvanêtut kiglingit tikidlugit, nuna iglugasaksoangillo avatânêtut.

Deuteronomy 21:17

Erniangoᴋârtorle, ômigijaujûb erninga, angârutigijaksarivâ, tunitjivigilugolo avgoângnik maggûngnik perᴋutiminit; tâmna sivorlerpaungmat nukinganit; tâpsomalo erniangoᴋârtûb idlugutarijangit pigivait.

Josua 17:2

Mannassible ᴋittorngangita assingit nallautaulaurivut abvakungita akkorngane, tagva Abieserib ᴋittorngangit, Helekib ᴋittorngangit, Asrielib ᴋittorngangit, Sechemib ᴋittorngangit, Heferib ᴋittorngangit, Semidablo ᴋittorngangit. Tamadsa Manassib Josefib erningata ᴋittorngangit, angutit abvakungita akkorngane.

Josua 22:7

Mosesib kinguvarêt Manassekut ketterᴋangit tunnitsivigilaukpait Basaneme, ketterᴋangillo aipaingit Josuab tunitsivigivait ᴋattangutingita akkorngane Jordanib miksâne kangiane. Aularᴋolaungmagillo iglunginut, saimarlauᴋârlugillo,

Idluarsaijut 5:14

Efrainememit amângat pivok Amalek akkerartorlugo, kingunakut Benjamin inuᴋotingne. Machiremit atanernik pijoᴋarpok, Sebulonemillo pijoᴋarpok aulatsijunik, aglaktub ajaupiangagut.