Josua 15:8 - Labrador Inuttitut Heritage Bible

⁸ Tagvangat aivok takpaunga Hinomib erningata naksanganut, Jebusiterit seᴋᴋerngane, tagva Jerusalem; tikkilunelo takpaunga ᴋaᴋᴋab Himonib naksangata sânganetub avangat, kanganut, aktuajub avane Refaimib naksangata tereᴋunganut.

Josua 15:8 Iomraidhean Croise

II Samuel 5:18

Filisterille tikkilerput tangmarterlutiglo Refaimib naksangane.

II Samuel 5:22

Filisterille ama majorarput paunga, tangmarterlutiglo Refaimib naksangane.

II Atannit 23:10

Tofetelo ivsornartipatauk Hinnomib ᴋitorngangita naksanganêtok, kinalonêt ernerminik panniminiglonêt ikkomakorkojikonnago Moloche pivlugo.

I Kronika 11:4

Davidelo, Israelitit illuêngarlutik ilagilugit aularpok Jerusalemut, tagva Jebusemut; Jebusiterille nunaᴋalaukput nuname tagvane.

II Kronika 28:3

Isserluanititsivorlo Hinomib erningita naksangane, erninelo otautipait nallojut Nalekab Israelib ᴋittorngangita sivurngane pêjarlauktangita makkojungnartulliningit malliklugit;

Nehemia 11:30

Sanoame, Adullamelo, aiparusinganelo, Lachisemelo, perorsêvinginelo, Asekamêlo, aiparusinginelo. Nunaᴋarpullo Bersebamit Hinomib naksanga tikkilugo.

Jesaiase 17:5

Imailingajoᴋaromârpoᴋ, sôrlo (illingajoᴋarmat), kibluijub iviksuit kattersorpagit tallingatalo sullugainerit kiblorpagit, sôrlolo (illingajoᴋarmat), kattersoijoᴋarpat sullugainernik kanganerlukunik Refait naternanganne.

Jeremia 19:14

Jeremialo tagva majorarpoᴋ Tôfetemit aivigilauᴋtaminit Nâlakamut tilijaugame nalautaileriartorᴋovlugo; nangeriartorporlo Nâlakab iglungata avalungita iluane, inuillo ilûnaita oᴋautivait:

Jeremia 19:2

Ailutillo Hinnomib erningata naᴋsanganut, maggavineᴋtaliub itertarviata sivurânêtomut, oᴋautsillo oᴋauserijomajakka ilingnut oᴋâlatigikit;

Jeremia 19:6

Taimaimat, ahâk, naliutsomârpoᴋ, Nâlagaᴋ oᴋarpoᴋ, nuna tamanna taijaujungnairomârmat Tôfetemik, Hinnomiblônêt erningata naᴋsanganik, toᴋorartauviuble naᴋsanganik taijaujomârpoᴋ.

Josua 15:63

Jebusiterille Jerusaleme nunaᴋalaukput, Judablo ᴋittorngangita aulartitsungnarlaungilait. Taimak Jebusiterit Judab ᴋittorngangit illagilugit Jerusalemetuarlaukput uvlok tamanna tikkilugo.

Josua 18:16

Attersarporlo tagvangat ᴋaᴋᴋab, Himonib erningata naksangata, Refaimib naksanganetub tachane, sânganetub naninganut, attersarporlo Himonib naksangagut, Jebusiterit seᴋᴋerngane, pilunelo unnunga Rogelib puailavinganut.

Josua 18:28

Zela, Elef, Jebuselo, tagva Jerusalem, Gibeath, Kiriath; iglugasaksuit 14 it iglugasangillo. Tamadsa Benjaminib ᴋittorngangita kingormgutijangat abvakungine.

Idluarsaijut 1:21

Benjaminible ᴋitorngangita Jebusiterit Jerusaleme nunaᴋalauktut aulartilaungilait, Jebusiterille Benjaminib ᴋitorngangine Jerusaleme nunaᴋalaukput uvlok tamânna tikkilugo.

Idluarsaijut 1:8

Judable ᴋitorngangita Jerusalem sorsugvigilerpait, sâlagivaillo, ullimarlugillo saviksub kênanganut, iglugasaksuillo ikkipait.

Idluarsaijut 19:10

Angulle tamna siniktaromalaungilak, parngnailerporle aularlunelo, tikkilarmelo Jebusib, tagva Jerusalemib sânganut; najorteᴋalaukporlo siuteᴋoktojungnik maggûngnik nangmartungnik, pannervgaminiglo aipaᴋarivok.