Josua 14:12 - Labrador Inuttitut Heritage Bible

¹² Tagva tunnitsivigilaunga manna ᴋaᴋᴋanik ukkuninga, Nalekab oᴋautigilauktanginik uvlorme taipsomane; igvit tussarlaurangne uvlorme taipsomane. Enakimit nunaᴋarmatta takpâne, iglugasaksoaᴋarlutiglo angijunik songojuniglo; Nalekab illaginiarmangangma, aulartitsiᴋovlunga tapkoninga, sorlo Nalegak oᴋalaungmat.

Josua 14:12 Iomraidhean Croise

II Atannit 19:4

Imakkâ Nâlekab Gûdivit tussaromangmangagit Rabsakib oᴋausingit ilunnaita, tillijaumajub angajoᴋaminut Assiriamiut attaninganut, Gûde omatsainartok mittautigilugo, suarlugolo oᴋautsinut, Nâlekab Gûdivit tussarlauktanginut. Tagva igvit amiakojut sulle innugiartoksoarnit tuksiarutigilaukit.

II Kronika 14:11

Assablo Nalegak Gudine nipliarvigiva, oᴋarlunelo: Nalegak adsigêngitoᴋangilak illingne, ikajorlutit unnuktut akkorngane, pitsakitorlonêt ikajorlugo. Ikajortigut Nalegak Gudivut; sungertutigigaptigit, atternelo tikkisimavogut, unnuktovaksuit tapᴋoa pârlugit sorsugomavlugit. Nalegak igvit Gudigivaptigit salagijauniarnak innungnut.

Imgerut 44:3

Nuna saviksoarmingnut nangmineliutiluangimatsuk, tallingitalo iᴋajulaungilait, tallerpikpîlle, tallivîllo kênavîllo ᴋaumaningata; igvit ᴋuviagilaurangne.

Imgerut 60:12

Gûde illagilugo pinniarnersoarnik piniaromavogut; tâpsoma ômigijivut tullerniarpait.

Numbers 13:28

Kissiane inuit tagvane nunalit sângovut, iglugasaksoangillo avaluliorsimavut angijoᴋsôdlarlutiglo; tagvanelo takolauᴋpogut Enakib ᴋitornganginik.

Numbers 13:33

Tagvanelo inukpait, Enakib erningit, inukpait kinguvângit, takovavut; ijiptalo sângine piglertaujartutitut ipogut, taimaipogullo tâpkoa ijingita sângine.

Numbers 21:34

Nâlekablo Mosese oᴋautivâ: Erksiginiarnago pit; tunimagapko inungillo nunangalo aggangnut; taimailiorvigijaksarivallo sôrlo Sihon, Amorikut ataninga, Hesboneme nunaᴋalauᴋtoᴋ, piniarvigigangne.

Rômiunut 8:31

Taimaimatta tamakkoa, ᴋanoᴋ tagva oᴋartuksauvitâ? Gûdib illagikpatigut, kia akkerartorungnarpâtigût?

Deuteronomy 1:28

Namungalerᴋitâ? ᴋatangutipta ômativut mungortipait, oᴋarlutik: Inuit tâpkoa sôngonersauvut anginersauvlutiglo uvaptingnit, iglugasaksuillo angijôdlarlutik avaluᴋarput ᴋilangmut tôᴋtunik; amalotauᴋ Enakib erningit takovavut tagvane.

Deuteronomy 9:1

Omat, Israêl, uvlome Jordan ikârniarpat, iterniarlutillo inôᴋatigêksuit anginersat pitsartunersallo ilingnit piginiarlugit, iglugasaksuillo angijut, ᴋilangmut tôᴋtunik avalulit;

Deuteronomy 9:3

ᴋaujilerit tagva, Nâlegak Gûdît tâmnaungmat sivunerne ingergajok ikomamut nungutsijok; tâpsoma nungutsomârpait, tâpsomalo oggotitsomârpait sivunerne; taimaglo ᴋemâtitsomârpatit asserorsarailugillo, sorlo Nâlekab oᴋautingmatit.

Filippimiunut 4:13

Tamainik pijungnarpunga Kristuseme pitsartutitsijimne.

Ebrêerinut 11:33

Taipkoa okpernermut sâlaᴋalauᴋput ataniovingnik; idluarsailauᴋput, angervionermik pititaulauᴋput, Loevillo ᴋaniâlungit similauᴋpait,

Josua 15:14

Kaleblo aulartipait tagvangat Enakib erningit pingasut: Sesai, Ahiman, Talmailo, Enakib ernertarilauktangit.

Idluarsaijut 1:20

Kalelo tunnitsivigivât Hebronemik, sorlo Mosese oᴋalaungmat; tapsomalo aulartipait tagvangat Enakib erningit pingasut.

I Samuel 14:6

Jonathanelo akjarsijoᴋotiminut sakkunginik oᴋarpok: Kait, ailauluk akkiptingnut, kippisimangitut tapkoa tangmarvinganut; imaᴋᴋâ Nalegak uvaptiguk sulliniarpallukpok; Nalekamut oᴋumailungimat unnuktutigut ikkitutigullonêt ikajorlune.