Josua 13:3 - Labrador Inuttitut Heritage Bible

³ Sihoremit kôktomit Egiptenib sângagut, Ekronib kiglilervinga tikkilugo, avane, kittitaumajok Kanaaniterinut, Filisterit angajoᴋangit tallimat, Gasamiut, Asdodemiut, Askalonemiut, Gethemiut, Ekronemiut, Avimiullo.

Josua 13:3 Iomraidhean Croise

Genesis 10:6

Hamib kinguvângit tagva: Kus, Misraim, Put, Kânaan.

Genesis 15:18

Uvlorme tamattomane Nâlekab Abra angervigivâ, oᴋarlune: Nuna tamanna tunijomârpara kinguvâksarnut Egiptenib kôksoanganit kôksoarmut Faratemut,

I Atannit 8:65

Taimaglo nelliutome taipsomane Salomob uvloksiorvik uvloksiorpa, Israelitillo illuêngarlutik illagillugo, ᴋatimajut unuktovaksuit Hemathemit Egiptenib kônga tikkidlugo, Nâlekab Gûdipta sângane; uvlut 7 it nâlugit, amalo uvlut 7 it nâlugit; tagva uvlôvut 14 it.

I Kronika 13:5

Taimâk Davidib Israelitit ilûnamasiangit katiᴋovait, Sihoremit Egiptenib (kônganit) Hemat tikkidlugo, Gûdib iklervinga ailugo Kiriat Jearimemit.

Jesaiase 23:3

Tagvungalo imaᴋsoakut neksarpait Siggoreme karngasortaumajut kôngmelo kattersortaumajut, nunaᴋatigêllo niuverniarvigivât.

Jeremia 2:18

Mânalo sivêt tamâne apᴋosinerme Egiptenemut, Sihorib imangit imeromavlugît? Suvêllônêt tamâne apᴋosinerme Assiriamut, Farâtib imangit imeromavlugît?

Deuteronomy 2:23

Avikullo, iglugasangne nunaᴋartut Gaza tikidlugo, Kaftorekut, Kaftoremit tikilutik, nungutsiᴋârtinagit tâpkoninga, kinguninginelo tagvanêmiongoniarlutik.)

Josua 13:13

Israelible ᴋittorngangita Gesuremiut Maachatemiullo aulartilaungilait; tamarmigle Gesuremiut Maachatemiullo nunaᴋarput Israelitit akkorngane uvlok tamanna tikkilugo.

Idluarsaijut 16:5

Tapsomunga Filisterit ataningit takpaungarput, oᴋautilâlo: Tillioruk issumasiorlugolo, naukut taimak angijomik pitsartuneᴋarninganik, sunamullo sâlagijungnarmangaptigo, ᴋellaksorᴋovluta tapsominga makkutilugolo; tagva attunît tunnitsivigijomavaptigit Silberlingnik 1,000 dinik 100 diniglo.

Idluarsaijut 3:3

Imagle: Filisterit ataningit tallimat, ilûnaitalo Kanaaniterit, Zidonemiullo, Heviterillo, nunaᴋalauktut ᴋakᴋame Libanoneme, ᴋakᴋamit Baal Hermonemik attalingnut Hemathe tikkilugo.

I Samuel 5:1

Filisterit Gudib iklervinga tiguvât âlugolo Ebenezeremit Asdodemut,

I Samuel 5:10

Tagva Nalekab iklervinga tillikliutivât Ekronemut. Gudible iklervinga Ekronemut pingmat, Ekronemiut nipliadlarput: Gudib iklervinga akkigarpât sunatuinarmut uvagut tikkiluta, toᴋᴋotsiᴋovlugo uvaptingnik, innuᴋotiptingniglo.

I Samuel 5:8

Tilliklerpullo kattiᴋolugillo Filisterit angajoᴋangit illunaita ingmingnut, oᴋarlutiglo: Kannok Israelib Gudingata iklervinga piniarvigijaksarivittigo? Tapkoalo kiovut tagva: Gathemiut Israelib Gudingata iklervinga akkigarlitsuk sunatuinarmut.

I Samuel 6:4

Tapkoale oᴋarput: Sunamik tunnergutiksamut akkiliksêrutiksamut tunnitsivigijaksarivittigo? Tapkoa kiovut: Nullungoarnik Goldenik tellimanik, nunivakangoarniglo Goldenik tallimanik, Filisterit angajoᴋangita tallimat unurningit malliklugit; ânianartok adsigêlaungmat illunapsingnut, angajoᴋapsingnullo.