Josua 12:7 - Labrador Inuttitut Heritage Bible

⁷ Tamadsa nunab attannertangit, Josuab Israeliblo ᴋittorngangita ullimarlauktangit Jordanib miksane, kangiane, Baal-Gademit Libanonib sanianetomit, ᴋaᴋᴋak tikkilugo avititsijok nunamik Seiremit, Josuablo tunilauktangata Israelib kinguvarênginut perᴋutautilugo, kinguvarêt attunit ikkupianganik;

Josua 12:7 Iomraidhean Croise

Genesis 14:6

Horiterillo Seireme, ᴋaᴋᴋangine, El-Pâran tikkidlugo inuᴋangitub kiglinganêtoᴋ.

Genesis 32:3

Jakole sivunermigut kivgartortuksanik tillikliutjivoᴋ Esauemut angajuminut, Seirib nunanganut, Edomib naternanganut.

Genesis 36:20

Tamadja Seirib Horiterib erningit, nunab inungit: Lotan, Sobal, Sibeon, Ana, Dison, Eser, Disan.

Genesis 36:30

Angajoᴋâᴋ Dison, angajoᴋâᴋ Eser, angajoᴋâᴋ Disan. Tâpkoangovut Horiterit angajoᴋângit, Seirib nunangane angajoᴋaujut.

Genesis 36:8

Taimak Esaue Seirib ᴋaᴋᴋangine nunaᴋalerpoᴋ. Esaue tagva Edome.

Imgerut 135:11

Sihonemik Amoriterit attanninganik, Ogemik attanniolauktomik Basaneme, Kanaaniblo attaniovinginnik tamainik.

Deuteronomy 2:1

Sanguvogut tagva ingergarlutalo sunaᴋajuitomut, apᴋut imarbingmut suvlolingmut sangmijok apᴋutigilugo, sorlo Nâlekab oᴋautingmanga: uvluniglo unuktunik ᴋakᴋaᴋ Seire arvertarvigivavut.

Deuteronomy 2:4

Inugiartoksuillo perᴋokit, oᴋarlutit: ᴋatangutipse Esauib ᴋitorngangita nuname Seireme nunangat apᴋutigijomârpase; tâpkoalo erᴋsigijomârpâse; taimaimat udjertutsiaritse ilipsingnik;

Josua 11:17

ᴋaᴋᴋamit avititsijomit nunamik takpaunga Seiremit, Baal Gade tikkilugo ᴋaᴋᴋab Libanonib sanianetok ᴋaᴋᴋab Hermonib attâne. Attaningit illunaita salagivait ullimarlaitalo, toᴋᴋolugillo.

Josua 11:23

Taimak Josuab nuna illunât aksarnigariva, taimamarik sorlo Nalekab Mosese oᴋautilaungmago, tunnivalo Israelitinut kingormgutijaksauvlune tapkonunga, kinguvarêt illunatik attunit ikkupianganik. Nunamelo unnatadlarnaᴋarungnailaukpok.

Josua 3:17

Ajochertuijullo Nalekab angersimaningata iklervinganik akkigartut, nangerput taimak ipterilingajome Jordanib ᴋerᴋane. Israelitillo illuêngarlutik iᴋârput erᴋagut ipterilingajokut, innugasaksuit illunamasiatik Jordanib akkianut tikkiᴋârtinagit.

Josua 9:1

Manna attannit, Jordanib ungatane ᴋaᴋᴋane naksanallo, imârbiksublo siksangane nunaᴋalauktut, tapkoatauk ᴋaᴋᴋab Libanonib sanianelauktut, imaitut, Hethiterit Amoriterillo, Kanaaniterillo, Feresiterillo, Heviterillo, Jebusiterillo, tamattominga tussaramik;