Josua 11:20 - Labrador Inuttitut Heritage Bible

²⁰ Tamannalo taimak Nalekamit pilaukpok omattingit mangaititauᴋovlugit, sorsuklutik Israelib ᴋittorngangit pârlugit, nungutauᴋovlugit, saimanermiglo pilerᴋonagit, pêjartauᴋovlugillo, sorlo Nalekab Mosese perᴋolaungmago.

Josua 11:20 Iomraidhean Croise

II Samuel 17:14

Tagva Absalome Israelitillo illunamasiatik oᴋarput: Husaib Arachimiub attannertuininga namanersauvok Ahitofelib attannertuininganit. Nalekable taimailingatipa Ahitofelib attanertuininga sillatôjok agviartauᴋovlugo, Nalegak ᴋanoêtomik pititsiᴋovlugo Absalomemut.

I Atannit 12:15

Atanniublo inugasaksuit Nâlelungilait; illingatitaungmat taimâk Nâlekamut, oᴋautsiminik nellautitsiᴋovlugo oᴋauserilauktaminik Ahiakut Silomioᴋut Jerobeamemut, Nebatib erninganut.

II Kronika 22:7

Ahasjablo asserortauninga Gudemit pilaukpok, tikkininganut Joramemut, tikkisimagamelo Jorame aularᴋattigiva Jehu, Nimsib erninga, Nalekab mingoarlauktanga Ahabekut pêjarlugit, pachreartorlugo.

II Kronika 25:16

Oᴋarᴋattigingmagolo (Amaziab) oᴋautiva: Igvit attannertuijungortitaumavit attannermik? Nippangerit. Sunna pivlugo annaulertaujomavit? Tagva nallautaijok nokᴋarpok, oᴋarlunelo: Mallugosukpunga, Gude kajusimangmat asseroromavlutit, taimailioravit attannertuineralo nalanginangne.

Exodus 10:1

Nalekablo Mosese oᴋautivâ: Faraomut iterit: tâpsoma ômatinga kivgangitalo ômatingit mangaitigapkit, sakᴋijârtitsijungnarᴋovlunga nalunaikutamnik makkoninga sângane:

Exodus 11:10

Mosesiblo Aroniblo tatamnartut tamakkoa tamaita piniarnerivait Faraub sângane; Nâlekablo Faraub ômatinga mangaitipâ, tâpsomalo Israêlikut aularᴋolungilait nunaminit.

Exodus 14:17

Uvangalo, ahâk, Egiptenemiut ômatingit mangaititsomavakka, malerᴋovlugit tâpkoninga: uvangalo nertortauniksarsijomavunga Faraokut, katimagajoksoaᴋotingitigullo ilûnnaitigut, ᴋamutingitigullo aksaloaliktigut unatautiktigut, horsenelo ikimajungitigut.

Exodus 14:4

Faraublo ômatinga mangaititsomavara udlanerᴋovlugo tâpkoninga; opigijaujomavungalo Faraokut sorsuktuksarsoaᴋutingitigullo, Egiptenemiut tukisitsiarᴋovlugit uvangaugama Nâlegak. Taimailiorput tagva.

Exodus 14:8

Nâlekablo Faraub Egiptenib atanertangata ômatinga mangaitipâ, tâpsomalo Israêlikut udlapait. Israêlikulle anisimalauᴋput aggangnut ᴋotsiktunut.

Exodus 4:21

Nâlegarlo oᴋarpok Mosesemut: Tikingmikuvit Egiptenemut, kamatsialerit, tatamnartunik tamainik ilijamnik aggangnut piniarᴋovlutit Faraub sângane. Uvangale ômatinga mangaititsomârpara, inuillo aularᴋojomângilait.

Exodus 9:12

Nâlekable Faraub ômatinga mangaitipâ, tusaromangilaglo tâpsoma, sorlo Nâlegak oᴋarmat Mosesemut.

Exodus 9:16

Tamanna pivlugole inûlivagit, pitsartunera takuksautitsomavlugo ilingnut, ateralo oᴋautigijaurᴋovlugo nuname ilûnâne.

Jesaiase 14:24

Kilangmiugasaksuit Nâlegangat angermariklune oᴋarpoᴋ: Illa pijoᴋartuksauvoᴋ, sôrlo issumagama; illingajuksauvoᴋ, sôrlo kajusimagama.

Jesaiase 34:2

Nâlekab nallojut illũnaita ningaumajârvigingmagit, kattimajoᴋotingillo tamaita ᴋanningajârvigingmagit; unertûtigijomârpait toᴋotaurᴋovlugit.

Rômiunut 9:18

Issumaminik tagva nâpkigivâ naliat; issumaminiglo sittitipâ naliat.

Deuteronomy 2:30

Sihonible, Hesbonib ataningata, tagvûna ingergarᴋolungilâtigut, Nâlekab Gûdipta tâpsoma anerninga mangaitilaungmago, ômatingalo ᴋepêsertipâ, pititsijungnarᴋovlugo tâpsominga aggaptingnut, sorlo uvlome pisimagame.

Deuteronomy 7:16

Inôᴋatigêksuillo Nâlekab Gûdivît tunijomârtangit ilingnut tamaita nungutaksarivatit; ijivît nâpkigijaksaringilait, Gûdingoangillo kivgartoraksaringilatit; napperniutaunajarmatta ilingnut.

Idluarsaijut 14:4

Atatangale anânangalo ᴋaujilaungilak, Nâlekamit pingmat tamânna; pitjutiksarsiormat Filisterine. Filisterille ataniotivut nalliutome taipsomane Israelitinut.

I Samuel 2:25

Kina idluitullikpat innungmut, tagva idluarsaijok âᴋiksoijungnarpok tamattominga. Kinale idluitullikpat Nalekamut, kia tuksiarutigijungnarᴋaûk? Nalelaungilâgle atâtamik nippinganik; Nalegak kajusilaungmat toᴋᴋotsomavlugik.