Josua 11:15 - Labrador Inuttitut Heritage Bible

¹⁵ Sorlo Nalekab Mosese kivgane, Mosesiblo Josua perᴋolaungmago, taimak Josua pinniarlaukpok, pinniartaililaungilarlo sunamik Nalekab perᴋolauktanganik Mosesemut.

Josua 11:15 Iomraidhean Croise

II Kronika 30:12

Nalekab aggangita Judakuttauk tikkipait adsigêktunik issumaᴋartimagit, pinniarᴋovlugit attanniub angajoᴋaunerôjullo perᴋojangat, Gudib oᴋausinginit pijok, malliklugo.

Numbers 33:50

Nâlekablo Mosese oᴋarvigivâ Moabib naternangine Jordanib seniane Jerikome, oᴋarlune:

Numbers 33:52

Nunab inungit tamaita ᴋemâtitaksarivase sivunapsigut, ujaraᴋotingillo adsingoalit tamaita asserorlugit, gudingoangillo auktisimajut asserorlugit, poᴋtoningillo tamaita nungulugit;

Mattêuse 23:23

Kappianamêk ilipse, aglangnik ilisimajut Farisêerillo, takkormôrtose! Perortoarsuit tippigiktut tauvluᴋutiksallo tallimaujunginik tunijigapse; perᴋojanêtullo pijariarᴋortonerpângit tunupase, imaitut: idluarnerlo, nâpkiningnerlo, okpernerlo! Makkoa piniaraksarivase, ipkoalo iperarnagit.

Lukase 11:42

Kappianamêgle ilipse Farisêerit, tippitsiariksaullo makpatâvaillo sunatuinait tallimaujungit tunigapsigik, erᴋartuinerle (idluartok) naglingnerlo Gûdemik senerᴋopase (issumaginagiglo). Makkoa piniaraksarivase, ipkoalo iperarnagit.

Apostelit Piniarningit 20:20

(Kaujimavapsingalo) angigutilaunginapse idluartomik sumiglônêt oᴋâlatigijaksamnik ajoᴋertûtigijaksamniglo ilipsingnut katimatiluse iglupsingnelo.

Apostelit Piniarningit 20:27

Angigutilaunginapse, oᴋâlavlungale Gûdib perᴋojanginik tamainik.

Deuteronomy 12:32

Perᴋojijutigijakka tamaita ilipsingnut kamagijaksarivase piniarlugillo; ilajaksaringilatit ilangeraksaringilatillônêt.

Deuteronomy 31:3

Nâlegak Gûdît sivorlivlutit ikâromavok; tâpsoma inôᴋatigêksuit makkoa nungutsomârpait sivunerne, igvillo aᴋsârnigarilârpatit; Josualo sivorlivlutit ikârtuksauvok, sorlo Nâlegak oᴋarsimangmat.

Deuteronomy 31:5

Nâlekablo tunilârpait ilipsingnut, piniarvigilârpaselo perᴋojak ilûnât perᴋojijutigijara ilipsingnut maliklugo.

Deuteronomy 31:7

Mosesiblo Josua ᴋaigarsugvigivâ, oᴋautilugolo Israêlekut ilûnatik sângine: Sôngosilerit maksuavlutillo; inôᴋatigêksuit ukkua iterᴋatigilârangne nunamut Nâlekab nelautsimariktomik angerutigilauᴋtanganut atâtanginut tunijomavlugo tâpkonunga; igvillo kingormgutijaksautilugo avgolârpat tâpkonunga.

Deuteronomy 4:2

Oᴋauseᴋ perᴋojijutigijara ilipsingnut ilajaksaringilase ilangaraksarilungilaselônêt; Nâlekab Gûdipse perᴋojangit perᴋojarijakka ilipsingnut nelaudlugit piᴋovluse.

Deuteronomy 4:5

Ahâk, ajuᴋertorpapse maligaksanik idluarsautiksaniglo, sorlo Nâlekab Gûdima perᴋongmanga, taimailiorᴋovluse nuname aivigijapsingne pigijomavlugo.

Deuteronomy 7:2

Nâlekablo Gûdivît tunergutigikpagit sângne, sâlagigungnelo; tagva asseroraksarivatit pimariktomik; angerᴋatigijaksaringilatit, nâpkigijaksarinagillo;

Josua 1:7

Maksoatuinarit ᴋuviasudlarlutillo, mallitsiarᴋovlutit, pinniarmariᴋovlutillo perᴋojat Mosesib kivgama perᴋolauktangit illingnut malliklugit. Sanniagorniarnagit tallerpingmullonêt saumingmullonêt, sillatutsiartunnik illuseᴋarungnarᴋovlutit pinniaraksarne tamaine.

Josua 11:12

Tappilugillo attannit tapkoa iglugasaksoangit illunaita attannertangit illaliudlugit Josuab salagivait, ullimarlaitalo saviksub kênanganut, nungutipaillo, sorlo Mosese Nalekab kivganga perᴋojilaungmat.

Josua 11:14

Iglugasaksuillo tamakkoa aksartaujutigijangit, nergjutillo Israelib ᴋittorngangita avikpait ingmingnut; innuille illunaita ullimarpait saviksub ᴋênanganut nungutsiᴋârtinagit tapkoninga, amiakoᴋarᴋojilaungilallo nallianik anernelingmik.

Josua 11:16

Taimak Josuab nuna tamanna illunat ᴋaᴋᴋanetok aksarnigariva, illunâllo aunga illingajok, nunalo Gosen illunat, naksallo, naternallo, Israeliblo ᴋaᴋᴋamaringit, naksangit illaliudlugit.

I Samuel 15:11

Kaᴋᴋialerpunga Saule attaningortilaurapko; tunnusimangmanga, oᴋautsikkalo nallautsitilaungimagit. Tamanna Samuelib issumajarutigilerpa, niplialunelo Nalekamut unnuak nâlugo.