Josua 10:40 - Labrador Inuttitut Heritage Bible

⁴⁰ Taimak Josuab nunnat illunaita, ᴋaᴋᴋane seᴋᴋinerdlillo, nâksanelo kôngnelo attaningit illaliudlugit ullimartautipait, amiakoᴋarᴋojilaungilak nallianik, tamaitalo annerneggit nungutipait, sorlo Nalegak Israelib Gudinga perᴋojilaungmat.

Josua 10:40 Iomraidhean Croise

I Atannit 15:29

Atanniôgamelo mânna, Jerobeamib iglomioᴋotingit ilûnnaita ullimarpait, amiakoᴋarᴋojilungilarlo Jerobeamekunit annernelingmik, nungutsiᴋârtinago tapsominga, Nâlekab oᴋausingit oᴋauserilauktangit kivgamigut Ahiakut, Silomioᴋut, malliklugit;

Nehemia 9:24

ᴋitorngangitalo ittervigivât nangmineliutilâlo; igvillo nunab inungit taipkoa sivurngane mannigotitilaukpâttit, Kanaaniterit, tunnilaukpâttillo agganginut, atanningillo inuᴋattigêksoangillo, pinniarvigilugit pijomajamingnut.

Imgerut 9:17

Gûdeᴋangitut kappianartovingmut torârtitaujuksauvut, nallojullo tamaita Gûdemik puigortut.

Exodus 34:12

Udjertorit, nunab aivigijavit inungit angeᴋatigêngnelioᴋatigivlugit perᴋonak, nigarniutiksaurᴋonagit akunapsingne:

Numbers 13:17

Mosesiblo tilivait nautsertoriartorᴋovlugit nunamik Kanaanemik, oᴋautivaillo: Tâvungaritse seᴋernganit, majoraritselo ᴋaᴋᴋaᴋsoarnut:

Deuteronomy 1:7

Sanguleritse, ingergarluselo aileritse Amorikut ᴋakᴋaanginut senilinginullo tamainut naᴋsarsoarme, ᴋakᴋaanelo, naternamelo, seᴋernganelo, imarbiublo kiglingane, nuname Kanaaneme, Libanonemelo, kôksoak Farat tikidlugo.

Deuteronomy 2:34

Neliutomelo tâpsomane iglugasaksoangit ilûnaita tiguvavut, iglugasaksuillo inulit tamaita asserormarikpavut, arnat sorutsillo ilagilugit; amiakoᴋartilungilavut;

Deuteronomy 7:24

Ataningillo tunijomârpait aggangnut, atingillo pêjaraksarivatit ᴋilaub atânit; nangerungnartokarniangilaᴋ sângne, nungutsiᴋârtinak tâpkoninga.

Josua 10:35

Salagilaitalo uvlorme taipsomane, ullimarlugillo saviksub kênanganut, tarnillo illunaita tapkonanelauktut nungutipait uvlorme taipsomane, taimamarik sorlo Lachis pinniarvigilaungmagit.

Josua 10:37

Salagivaillo ullimarlugillo saviksub kênanganut, attaningallo iglugasaksoaᴋotingillo illaliudlugit, tarnillo illunaita tapkonanelauktut, amiakoᴋarᴋojingilarlo nallianik, taimamarik sorlo Eglon pinniarvigilaungmagit, nungutipaillo tarnillo illunaita tapkonanelauktut.

Josua 10:39

Salagilaitalo attaningat iglugasaksoaᴋotingillo illunaita illaliudlugit, ullimarpaillo tarnit illunaita tapkonanelauktut, amiakoᴋarᴋojingilarlo nallianik. Sorlo Hebron pinniarvigilaungmagit, taimak Debire attanningallo pinniarvigivaittauk, sorlo Libna attaningallo pinniarvigilaungmagit.

Josua 11:16

Taimak Josuab nuna tamanna illunat ᴋaᴋᴋanetok aksarnigariva, illunâllo aunga illingajok, nunalo Gosen illunat, naksallo, naternallo, Israeliblo ᴋaᴋᴋamaringit, naksangit illaliudlugit.

Josua 12:8

ᴋaᴋᴋanelauktut, nâksanelauktullo, naternanelauktullo, kôngnelauktullo sunaᴋangitomelauktullo ânelauktullo; Hetiterit, Amoriterit, Kanaaniterit Feresiterit, Heviterit Jebusiterillo.

Josua 18:21

Benjaminiblo ᴋittorngangita kinguvangita iglugasaksoangit abvakungita akkorngane imaiput: Jericho, Beth-Hagla, Emek-Keziz,

Josua 6:17

Iglugasaksuille tamakkoa illuanêtullo tamaita nungutuksauvut Nalegak pivlugo. Anguniarpaktok Rahabe kissime innojuksauvok, iglomioᴋattingillo illunatik; nautsertortuksâk tillilauktâkput ijertorlaungmagik.

Josua 8:2

Aielo, attanertangallo pinniarvigijaksarivattit, sorlo Jericho attanertangallo pinniarvigilaurangne, kissiane aksartaujutigijangit omajoᴋotingillo avigeksarigapsigik illipsingnut. Uttakᴋijoᴋarᴋojilerille terliarsivingmêtunik iglugasaksuit ungatane.

Josua 8:27

Iglugasaksuille nergjutingit aksartaujutigijangillo Israelitit avitipait ingminut, Nalekab oᴋausingit, Josuamut perᴋolauktangit malliklugit.

Josua 9:24

Tapkoa Josua kiovât oᴋarlutiglo: Kivgattit oᴋautsaulaukput, Nalekab Gudivit kivgane Mosese perᴋolaungmago nuna illuêngarlune tunnijomangmago illipsingnut, nunablo innungit illunamasiatik nungutsomangmagit sivunapsingne. Tagva innôtsivut pivlugit sivoragidlalaukpapse, taimailiorlutalo.