Josua 10:39 - Labrador Inuttitut Heritage Bible

³⁹ Salagilaitalo attaningat iglugasaksoaᴋotingillo illunaita illaliudlugit, ullimarpaillo tarnit illunaita tapkonanelauktut, amiakoᴋarᴋojingilarlo nallianik. Sorlo Hebron pinniarvigilaungmagit, taimak Debire attanningallo pinniarvigivaittauk, sorlo Libna attaningallo pinniarvigilaungmagit.

Josua 10:39 Iomraidhean Croise

II Atannit 10:11

Jehublo amiakojut Ahabekunit Jesreeleme ilunnaita ullimarpait, angajoᴋakotingit ilunnaita, ilangillo, ajochertuijoᴋotingillo, amiakoᴋakonago attautsemiglonêt.

Obadia 1:18

Jâkoblo ᴋitorngangitaumaujomârput, Jôsefiblo ᴋitorngangit ikomaujomârput, Esauiblo ᴋitorngangit iviub kipakungititut ilârput, amiakoᴋaromângilarlo Esauib ᴋitornganginit; Nâlekab tamanna oᴋautigingmago.

Deuteronomy 3:3

Taimaglo Nâlekab Gûdipta Og, Bâsanib ataninga, inuᴋotingillo tamaita, tunivait aggaptingnut; annaudlarpavullo amiakoᴋarungnaimariᴋârtinago.

Josua 10:33

Nalliutome taipsomane Horame Geserib attannertanga takpaungarpok Lachis ikkajoromavlugit; Josuable ullimarpa innuᴋotingit tamaita illaliudlugit, amiakoᴋarungnaiᴋârtinago tapkonangat.

Josua 10:37

Salagivaillo ullimarlugillo saviksub kênanganut, attaningallo iglugasaksoaᴋotingillo illaliudlugit, tarnillo illunaita tapkonanelauktut, amiakoᴋarᴋojingilarlo nallianik, taimamarik sorlo Eglon pinniarvigilaungmagit, nungutipaillo tarnillo illunaita tapkonanelauktut.

Josua 10:38

Tagva Josua Israelitillo illuêngarlutik illagilugit utterivok Debiremut, sorsugvigivaillo.

Josua 10:40

Taimak Josuab nunnat illunaita, ᴋaᴋᴋane seᴋᴋinerdlillo, nâksanelo kôngnelo attaningit illaliudlugit ullimartautipait, amiakoᴋarᴋojilaungilak nallianik, tamaitalo annerneggit nungutipait, sorlo Nalegak Israelib Gudinga perᴋojilaungmat.

Josua 11:8

Nalekablo tunnivait Israelitit agganginut, ullimarpaillo kemâtilaitalo Zidon angijok tikkidlugo, imiksuillo onartut tikkidlugit, Mizpiblo sania tikkilugo kittâne ullimarpaillo amiakoᴋarungnaiᴋârtinago tapkonangat.

Josua 12:13

Debirib attanertanga, Gederib attanertanga,

I Samuel 15:3

Tagva manna ailerit, ullimarlugillo Amalekiterit, nungulugillo pigijangit tamaita illaliudlugit. Nikkaginiarnagit; toᴋᴋotsilerille tamangnik angutinik arnaniglo, sorrutseniglo amâmaktuniglo, tuktuvângnik saukaniglo, Kamêlinik, siuteᴋoᴋtojuniglo.

I Samuel 15:8

Agaglo Amalekiterit attanningat tiguva ômatillugo, innuᴋattigêksuillo illunamasiatik nungupait saviksub kênanganut.