Josua 1:7 - Labrador Inuttitut Heritage Bible

⁷ Maksoatuinarit ᴋuviasudlarlutillo, mallitsiarᴋovlutit, pinniarmariᴋovlutillo perᴋojat Mosesib kivgama perᴋolauktangit illingnut malliklugit. Sanniagorniarnagit tallerpingmullonêt saumingmullonêt, sillatutsiartunnik illuseᴋarungnarᴋovlutit pinniaraksarne tamaine.

Josua 1:7 Iomraidhean Croise

I Atannit 2:2

Uvanga sillaksoarmiut ilûnnamasiatik apᴋotingat aiviginiarpara; tagva maksoalerit, angutaulutillo.

I Atannit 2:3

Kamagikillo kamagijaksat Nâlegak Gûdit pivlugo, agvertarᴋovlutit tapsoma apᴋosiningine, kamatsiarᴋovlutillo illusioᴋojanginik, perᴋojanginiglo, idluarijanginiglo, kigligiudsininginiglo, sorlo aglaksimangmat Mosesib perᴋojangine, sillatôᴋovlutit piniarnerne ilûnnaine, namullo sangulervigijarne;

II Atannit 22:2

Pinniarporlo Nâlekab namagijanganik, agvertarporlo atâtagijame Davidib apᴋosiningane tamât, senniagôrlungilarlo tallerpingmullonêt saumingmullonêt.

I Kronika 22:13

Tagva pilloridlarniarpotit, kamatsiaruvit Gûdib perᴋojangit, idluarijangillo, Nalekab perᴋolauktangit Mosesekut Israelitinut malliklugit pinniarᴋovlutit. Maksoalerit mungotaililutillo, sivoraniarnak, ᴋoaksanganaglo!

II Kronika 15:7

Illipsele maksoaleritse, aggasselo kattaktailitilugit pititse, pinniarnise akkiksârniarmatta.

II Kronika 26:5

Gudelo ᴋennerpa taimak akkunêrtigijomik Sacharja, tukkisijok Gudib takkotitanginik, innôtillugo; taimaglo akkunêrtigijomik Nalegak ᴋennerlaungmago, Gudib sullidlarᴋolaukpa.

Hiobe 1:8

Nâlegak Sâtanasemut oᴋarpok: Kivgara Hiobe kamagilaungikiûk? Adseᴋangimat nuname, nellâgôrlune idluartôvlunelo, Gûdemik sivôravok idluitullitaililunelo.

Imgerut 80:19

Nâlegak Gûde Zêbaot manigortigut; kênait ᴋaumalerle, tagva nakkoksiniarpogut.

Salomob Okâl 4:27

Sanguniarnak tallerpingmullonêt saumingmullonêt; itikettit sangutikit idluitomit.

Salomob Okâl 8:20

Arvertarpunga apᴋome idluartome, idluarnerub apᴋosiningita ᴋerᴋâne.

Daniel 10:19

Oᴋarporlo: Angut idligijaudlartotit, iᴋsiniarnak; ulapirᴋsautiᴋarit, sôngosilerit, ilâ, sôngosilirit. Oᴋarvigingmangalo pitsartutitauvunga, oᴋarpungalo: Nâlegara oᴋâlagit; pitsartutigamga.

Numbers 27:23

Patingmivâlo aggangminut perᴋolugolo sôrlo Nâlegaᴋ oᴋalaungmat Mosesemut.

Deuteronomy 11:8

Tamanna pivlugo perᴋojat tamaita perᴋojijutigijakka ilipsingnut uvlome maligaksarivase, pitsartusiᴋovluse, iterᴋovluselo nunalo aiviginasuartase pigilerlugo;

Deuteronomy 12:32

Perᴋojijutigijakka tamaita ilipsingnut kamagijaksarivase piniarlugillo; ilajaksaringilatit ilangeraksaringilatillônêt.

Deuteronomy 28:14

Sangujuksaungilatillo oᴋautsit perᴋojakka ilingnut uvlome nelianillônêt, talerpingmullônêt saumingmullônêt, piniaromanagit, Gûdib assingit maligomavlugit kivgartorlugillo.

Deuteronomy 29:8

Nunangallo tiguvavut tunilugollo kingormgutijaksautilugo Rubenekunut, Gadekunullo, Manassekullo kinguvârêngita abvanginut.

Deuteronomy 29:9

Taimaimat angerᴋatigêngnerûb oma oᴋausertangit malitsiarsigik piniarlugillo, silatojomik piniarᴋovluse piniarnipsingne tamaine.

Deuteronomy 31:7

Mosesiblo Josua ᴋaigarsugvigivâ, oᴋautilugolo Israêlekut ilûnatik sângine: Sôngosilerit maksuavlutillo; inôᴋatigêksuit ukkua iterᴋatigilârangne nunamut Nâlekab nelautsimariktomik angerutigilauᴋtanganut atâtanginut tunijomavlugo tâpkonunga; igvillo kingormgutijaksautilugo avgolârpat tâpkonunga.

Deuteronomy 4:2

Oᴋauseᴋ perᴋojijutigijara ilipsingnut ilajaksaringilase ilangaraksarilungilaselônêt; Nâlekab Gûdipse perᴋojangit perᴋojarijakka ilipsingnut nelaudlugit piᴋovluse.

Deuteronomy 5:32

Taimaimat kamatsiaritse piniarᴋovluse sorlo Nâlekab Gûdipse perᴋongmase; talerpingmullônêt saumingmullônêt sangujuksaungilase.

Josua 1:1

Mosesib Nalekab kivgangata toᴋᴋungata kingorngane, Nalegak Josuamut Nunib erninganut, Mosesib kivganganut, oᴋarpok:

Josua 1:8

Aglaillo makkoa perᴋojaktaggit ᴋannernit nûlerᴋoniarnagit, nautsertorkille uvlorme unnuarmelo, mallitsiarᴋovlutit pinniarmariᴋovlutillo aglaksimajut tamakkonane malliklugit. Tagva sullitsiarniarpotit sillatutsiarlutillo piniarungnarniarpotit.

Josua 1:9

Ahak perᴋolaukpagit maksoalutillo ᴋuviasuktuksaugavit. Keungominak, kakkilarnaglo; Nalekab Gudivit illagingmatit pinniarnerne pinniarneriniartarne tamaine.

Josua 11:15

Sorlo Nalekab Mosese kivgane, Mosesiblo Josua perᴋolaungmago, taimak Josua pinniarlaukpok, pinniartaililaungilarlo sunamik Nalekab perᴋolauktanganik Mosesemut.

Josua 23:6

Tagva manna maksoadlaritse, sapkutsitailiᴋovluse, pinniarᴋovluselo tamainik aglaksimajunik Mosesib aglaᴋotingine perᴋojaktalingne sanniagorkonnase tamakkonangat tallerpingmullonêt, saumingmullonêt.