Josua 1:6 - Labrador Inuttitut Heritage Bible

⁶ Maksoalerit mungungajuilutillo; nunamik aviksijuksaugavit innugasaksoarnut ukkununga, angerutigilauktamnik atâtagijanginnut, tunnijomagapᴋo tapkonunga.

Josua 1:6 Iomraidhean Croise

Genesis 12:7

Nâlekablo Abra saᴋᴋervigivâ oᴋautilâlo: Kinguvâksarnut nuna manna tunijomârpara. Tagva tunerguserviliorpoᴋ tagvane Nâlekamut saᴋᴋervigijiminut.

Genesis 26:3

Nuname mattomane tujormiangolerit, uvangalo illagijomavagit saimauserlutit, illingnut kinguvâksarnullo nunat tamakkoa tamaita tunijomagapkit, angerneralo angernerijara atâtangnut Abrahamut soᴋosijuititsomavara.

II Samuel 10:12

Mannigorit, pitsartulertalo innuᴋotivut Gudiptalo iglugasaksoangit pitjutigallugit; Nalegarle pinniarle namagijaminik.

I Atannit 2:2

Uvanga sillaksoarmiut ilûnnamasiatik apᴋotingat aiviginiarpara; tagva maksoalerit, angutaulutillo.

I Kronika 22:13

Tagva pilloridlarniarpotit, kamatsiaruvit Gûdib perᴋojangit, idluarijangillo, Nalekab perᴋolauktangit Mosesekut Israelitinut malliklugit pinniarᴋovlutit. Maksoalerit mungotaililutillo, sivoraniarnak, ᴋoaksanganaglo!

I Kronika 28:10

Takkolerit mânna, Nalekab annerilaungmattit, iglomik igluliorlutit piᴋovlutit ivsornaitomut, maksoalerit sanalugolo.

I Kronika 28:20

Davidelo oᴋarpok ernerminut Salomomut: Maksoalerit mungotaililutillo, sanalugolo, sivuraniarnak ᴋoaksanganiarnaglo. Gûdib Nalekab Gûdima aipariniarpâtit, agganelo erᴋitiniangilait ᴋemangniangilâtillonêt, pijarêrtitsiᴋârtinak piniaraksanik tamainik Nalekab iglungata kivgartortauninganut illingajunik.

II Kronika 15:7

Illipsele maksoaleritse, aggasselo kattaktailitilugit pititse, pinniarnise akkiksârniarmatta.

II Kronika 20:11

Ahaglo, manna akkiniarlukpâtigut, ᴋailutiglo singitsomavluta perᴋutigijarnit, tunnilauktarnit uvaptingnut pigitsainarlugo.

II Kronika 20:7

Igvit Gudivut nunab tamattoma innungit pêjarlaungipigît innuᴋotivit Israelitit sivorngane, tunnilaungipiuglo Abrahab nagligijavit kinguvânginut issoᴋangitomut?

Imgerut 27:14

Nâlegak nerriugiuk; maksoalerit, tâpsomalo ômattit pitsartutiliuk, Nâlegarlo nerriugiuk.

Daniel 10:19

Oᴋarporlo: Angut idligijaudlartotit, iᴋsiniarnak; ulapirᴋsautiᴋarit, sôngosilerit, ilâ, sôngosilirit. Oᴋarvigingmangalo pitsartutitauvunga, oᴋarpungalo: Nâlegara oᴋâlagit; pitsartutigamga.

Haggai 2:4

Mânali sôngosilirit, Serûbabel, oᴋarpoᴋ Nâlegaᴋ; sôngosilerillo, Josua, Jehôsadap erninga, ajoᴋittuijitsoaᴋ; sôngosiliritsilo ilipsi nunab inungit ilûnasi, oᴋarpoᴋ Nâlegaᴋ, suliniaritsilo: ilagigapsi, oᴋarpoᴋ Nâlegaᴋ Zebaot,

Saggaria 8:9

Imâk oᴋarpok Nâlegak Zebaot: Aggase pitsartutisigik, ilipse uvlune tamakkonane tusartose oᴋautsinik ukkuninga nalautaijut ᴋaninginit, oᴋautaujunik Nâlekab Zebaotib iglungata tungaviliortauningane, katimaviksoak igloliortauᴋovlugo.

Numbers 26:53

Tamakkonunga nuna avitaujuksauvoᴋ kingormgutijaksauvlune attingita unurningit maliklugit.

Numbers 33:53

Nunalo pigijaksarivase nunagilugolo; nuna tunigapko ilipsingnut pigilugo piᴋovluse.

I Korintemiunut 16:13

Pigâritse, okpernerme sôngotitse, ajugauniaritse, pitsartuniarluselo.

Efêsusemiunut 6:10

Tagvale ᴋatangutikka nakoᴋsitiniaritse Nâlekame, ajugaᴋangitub pitsartuninganut.

Deuteronomy 1:21

Ahâk, Nâlekab Gûdivit nuna angmarpâ sivunerne; takpaungarit piginiarlugolo, sorlo Nâlekab atâtagijavit Gûdingata oᴋautingmatit; sivôraniarnak kapiasudlarniarnaglo.

Deuteronomy 1:8

Ahâk, nuna angmarpara ilipsingnut; tagvungarluse pigilersiuk nuna angerutigilauᴋtara atâtapsingnut, Abrahamut, Isaarmullo, Jakomullo, tunijomavlugo tâpkonunga kinguvânginullo kinguningine inôjunut.

Deuteronomy 11:8

Tamanna pivlugo perᴋojat tamaita perᴋojijutigijakka ilipsingnut uvlome maligaksarivase, pitsartusiᴋovluse, iterᴋovluselo nunalo aiviginasuartase pigilerlugo;

Deuteronomy 31:23

Josualo, Nunib erninga, perᴋovâ, oᴋarlune: Sôngosilerit maksuavlutillo; Israêlekut tikiutijaksarigangne nunamut nelautsimariklunga angerutigilauᴋtamnut tâpkonunga; ilagijomavagillo.

II Timôteusemut 2:1

Tamanna pivlugo ernîk sôngolerit saimarsaumut Kristûse Jêsusemêtomut.

Josua 1:18

Kannernik nalangitok, nalangnanelo oᴋausernik, tamaine perᴋojarne uvaptingnut, tamna toᴋᴋojuksauvok. Maksoatuinarit mungungajuilutillo.

Josua 1:7

Maksoatuinarit ᴋuviasudlarlutillo, mallitsiarᴋovlutit, pinniarmariᴋovlutillo perᴋojat Mosesib kivgama perᴋolauktangit illingnut malliklugit. Sanniagorniarnagit tallerpingmullonêt saumingmullonêt, sillatutsiartunnik illuseᴋarungnarᴋovlutit pinniaraksarne tamaine.

Josua 1:9

Ahak perᴋolaukpagit maksoalutillo ᴋuviasuktuksaugavit. Keungominak, kakkilarnaglo; Nalekab Gudivit illagingmatit pinniarnerne pinniarneriniartarne tamaine.

Josua 10:25

Josuablo oᴋautivait: Sivoraniarase kvaksarniaraselo, maksoanaᴋaluselo mungungajuititse; taimak Nalekab omigijise illunaita sorsugvigijase piniarviginiarmagit.

Josua 13:6

Tapkoa illunaita ᴋaᴋᴋane nunaᴋartut Libanonemit puailavit onartut tikkilugit, Zidonerillo illunaita. Pejaromavakka Israelib ᴋittorngangita sivorngane; imerautigituinarkit, aviklugit Israelitinut, sorlo perᴋolaurapkit.

Josua 18:3

Josuablo oᴋarpok Israelib ᴋittornganginut: ᴋannok akkunêrtigijomik taimak erᴋeasuᴋise, ainase nuna pigilerlugo Nalekab atatagijapse Gudingata tunnilauktanga illipsingnut?

Josua 21:43

Taimak Nalekab Israelitit tunnitsivigilaukpait nunamik illunânik, angermarijutigilauktaminik atatagijanginut tunnijijomavlune, aksarnigarilaukpâllo innigilugolo.

Josua 5:6

Israelib ᴋittorngangit agvertarlaungmatta, Jarit 40 git nâlugit sunaᴋajuitome, innuit illunaita angutit sorsuktuksat, Egiptenemit aularlauktut nunguᴋârtinagit, tamana pivlugo Nalekab nippinga nalalaungimatsuk; Nalekab oᴋautimarilaungmagit, nuna takkojaksaringimatsuk, Nalekab angerutigilauktanga atâtagijanginnut, tunnijomavlugo uvaptingnut, nuna imungmik igupsaujartullo orksuanik kôlik.

I Samuel 4:9

Tagva maksoaleritse, angutaulerluselo Filisteriôjose, kivgartoriaᴋarᴋonase Ebraerinik, sorlo kivgartorlaungmasse. Angutauleritse sorsukluselo;