Josua 1:5 - Labrador Inuttitut Heritage Bible

⁵ Kialonêt akkerartoraksaringilâtit inôsingne tamât. Sorlo Mosese aiparilaurapᴋo taimak aiparijomavagittauk. Kemagomangilagit aularviginaglonêt.

Josua 1:5 Iomraidhean Croise

Genesis 39:2

Nâlekablo Josefe aiparivâ, angutaulerporlo piloriktoᴋ, angajoᴋâme Egiptenemiub iglunganêdlune.

I Atannit 1:37

Sorlo Nâlekab Nâlegara aiparilaungmago, taimâk Salomotauk aipariliuk, iksivautanga anginersauᴋovlugo Davidib iksivautanganit.

I Atannit 11:38

Nâletsiarniaruvillo mânna tamainik perᴋoniartamnik illingnut, agvertarniaruvillo apᴋosinimne, pinniarlutillo ᴋuviagijamnik, idluarijakka perᴋojakkalo malliklugit piguvit, sorlo kivgara Davide pinniarlaungmat; tagva aiparijomavagit, iglolioromavlutillo soᴋosijuitomik, sorlo Davide igloliorlaurapᴋo, tunnitsivigijomavlutillo Israelemik;

I Atannit 6:13

Ineᴋaromavungalo Israelib ᴋitorngangita akkorngane, Inuᴋotikkalo Israelitit ᴋemagomangilakka.

I Atannit 8:57

Nâlekab Gûdipta illagilittigut, sorlo atâtagijavut illagilaungmagit. Tapsoma ᴋemangniaratigut agganelo erᴋitiniarnagit uvaptingnit,

I Kronika 28:20

Davidelo oᴋarpok ernerminut Salomomut: Maksoalerit mungotaililutillo, sanalugolo, sivuraniarnak ᴋoaksanganiarnaglo. Gûdib Nalekab Gûdima aipariniarpâtit, agganelo erᴋitiniangilait ᴋemangniangilâtillonêt, pijarêrtitsiᴋârtinak piniaraksanik tamainik Nalekab iglungata kivgartortauninganut illingajunik.

Imgerut 46:11

Nâlekab Zêbaotib illagivâtigut, Jakob Gûdinga sapputjigivavut.

Exodus 3:12

Kiovâle: Uvanga ilagijomavagit; imaitorlo nalunaikutaksarivat uvanga tiligapkit: Inuit Egiptenemit aularterᴋârungne, Gûde kivgartorvigijomârpase ᴋakᴋame matomane.

Jesaiase 42:16

Tautungitulle ingergatitsomavakka apᴋutikut illisimangitangatigut, apᴋosinikut illisimangitangatigut tassioromavakka; tâᴋsoaᴋ ᴋaumajungortitsomavara sângine mannẽtullo manniksarlugit. Taimak piniarvigijomavakka ᴋemangniarnagillo.

Jeremia 1:8

Sivoraniarnak taipkoninga; ilingnênama piulijomavlutit, oᴋarpoᴋ Nâlagaᴋ.

Daniel 11:16

Tâpsomungali tikitûb, pijomajani nâmaksititsomârpâ, sânganilo nangirungnartoᴋaromângilaᴋ; nunamilo alianatomi nangiromârpoᴋ assiroinilo agganginêlârpoᴋ.

Mattêuse 28:20

Ajoᴋertorsigiglo malerᴋovlugit tamainik perᴋojamnik ilipsingnut, Ahâglo, uvlut tamaita najutsainarniarpapse, silaksûb naggatânut.

Rômiunut 8:31

Taimaimatta tamakkoa, ᴋanoᴋ tagva oᴋartuksauvitâ? Gûdib illagikpatigut, kia akkerartorungnarpâtigût?

Rômiunut 8:37

Tamakkoale tamaita atorlugit ajugauluarpogut uvaptingnik nagligosuktokut.

Deuteronomy 20:1

Unatariartoruvit ômigijingnik, takolutillo horsenik, ᴋamutiniglo unatautinik, inungniglo unorᴋijarnik, erᴋsigijaksarilungilatit, Nâlegak Gûdît tikiutjijît nunamit Egiptenemit ilingnêngmat.

Deuteronomy 20:4

Nâlekab Gûdipse ingergerᴋatigingmase, pivluse ômigijise sorᴋsugomavlugit, piulijomavluse.

Deuteronomy 31:23

Josualo, Nunib erninga, perᴋovâ, oᴋarlune: Sôngosilerit maksuavlutillo; Israêlekut tikiutijaksarigangne nunamut nelautsimariklunga angerutigilauᴋtamnut tâpkonunga; ilagijomavagillo.

Deuteronomy 4:31

Nâlegak Gûdît Gûdeongmat nâpkigosuktok; tâpsoma ᴋujanârutiginiangilâtit asserorniangilâtillônêt, puigorniangilarlo angernermik angerutigilauᴋtaminik atâtagijarnut.

Deuteronomy 7:24

Ataningillo tunijomârpait aggangnut, atingillo pêjaraksarivatit ᴋilaub atânit; nangerungnartokarniangilaᴋ sângne, nungutsiᴋârtinak tâpkoninga.

II Timôteusemut 4:17

Nâlekable nangeᴋatigivânga nakoksitilungalo, oᴋausek tamanna nâmaktomik oᴋautigijauᴋovlugo uvapkut, nalojullo ilûnatik tussaumavât. Piulijauvungalo Loevib sigguanit.

Ebrêerinut 13:5

Iliornise pijomatudlarnermik illaᴋarniarane, pigijase tamâne nâmagisigik. Nangmineᴋ oᴋarmat: Kemangniatsangilagit allarniarnaglônêt.

Josua 1:17

Sorlo Mosese nalalauraptigo, taimak igvittauk nalagomavaptigit; kissiane Nalekab Gudivit illagituinarpattit, sorlo Mosese illagilaungmago.

Josua 1:9

Ahak perᴋolaukpagit maksoalutillo ᴋuviasuktuksaugavit. Keungominak, kakkilarnaglo; Nalekab Gudivit illagingmatit pinniarnerne pinniarneriniartarne tamaine.

Josua 10:8

Nalegarlo Josuamut oᴋarpok: Sivoraginiarnagit aggangnut tunimagapkit; nalliellonêt tapkonangat nangerungnarniangilak sângne.

Josua 21:44

Nalekablo ullapitaujuinermik tunnitsivigivait avatinginêtut tamaita pivlugit, sorlo atatagilauktangit angermarilaungmagit; omigijingitalo illangatalonêt akkerartorlaungilait, omigijingille illunaita tunnilaukpait tapkoa agganginut.

Josua 3:7

Nalekablo Josua oᴋautiva: Uvlome pigiaromavunga angijorortilutit Israelitit illunamasiatik sanginne, ᴋaujimaᴋovlugit sorlo Mosese illagilaurapᴋo illagingmigapkit.

Josua 6:27

Taimak Nalekab Josua illagiva, oᴋautigijaulaungmat nunane illunaine.

Idluarsaijut 2:18

Nâlekable idluarsaijoᴋartilaurangagit, tagva Nâlekab idluarsaijok aiparilaukpa, ikkajorlugillo omigijingita agganginit idluarsaijok inotillugo. Nâlekab tapkoa ogguarningit, taipkoa oᴋumaiksartitsijut tapkoninga pivlugit, illapsugosujutigingmagit.

Idluarsaijut 6:16

Nâlekable oᴋautiva: Aiparijomavagit Midianiterit ullimaraksarigangne, angutetut atautsetut sorlo.

I Samuel 10:7

Nallonaikutat tamakkoa mana tikkiviginiarpattit, tagva pinniarit pitjuteᴋarniarlutit piniarungnartarnik; Gudib aipariniarmattit.