Jona 4:11 - Labrador Inuttitut Heritage Bible

¹¹ Uvangalo iglugasaksuit tâpkoa, Ninive, ilapjugijaksaringilakkâ, inuᴋtaᴋartut ununersanik 120,000nit, ᴋaujimangitunik talerpingmingnik saumingmingnit, nergjutetaliksuillotaûᴋ?

Jona 4:11 Iomraidhean Croise

Genesis 9:10

Omajunullo tarnelingnut tamainut illipsingnêtunut, tingmianullo, nergjutinullo, nunablo ômajunginut tamainut najortapsingnut, illa, umiaᴋsoarmit anisimajunut ilûnamatsianginut, ômajut nallîlônêt nunamêtut illautilugit,

Imgerut 104:14

Iviksuᴋanik perorᴋojivotit nergjutinnut perortutsianiglo Inuit attoraksanginik, nerᴋiᴋsannik ᴋaitsilutit nunab illuanit;

Imgerut 36:6

Idluarnît Gûdib ᴋaᴋᴋangititut îpok, idluarsainitillo ingergarnertut angijoksoatut îput. Nâlegak igvit ikajorpotit tamangnik; innungnik, ômajuniglo.

Jesaiase 1:18

Tagva ᴋaititse erᴋartortigêklutalo, Nâlegaᴋ oᴋarpoᴋ: Idluinise aupaluktotut-igalloarmatta, aputitut ᴋaᴋorsititaujomârput; aupaloriktotut aupalugalloarmatta, saukab merᴋungititut-itsomârput.

Jesaiase 37:37

Assiriamiullo attaningat Sanheri parngnailerpoᴋ, aularlunelo angeralerpoᴋ nûtsungnairlunelo Ninivemit.

Jesaiase 7:16

Nukappiarle tukkisilerᴋârtinnago idluitoᴋ nachogivlugo, idluartoᴋ annerivlugo, attanîk magguk sivorajutigijâkpit nunâgik ᴋemaktaujomârpuk.

Jona 1:2

Nikovigit, Ninivemullo iglugasaksoarnut tâpkonunga angijôdlartunut ailutit, oᴋâlavigikillo; idluitoᴋsôningit sâmnut ᴋagvarsimangmatta.

Jona 3:10

Gudiblo iliorningit takovait, sâgiarmatta apᴋotigijamingnit idluitunit; Gudiblo ᴋaᴋialerutigivâ idluitoᴋ oᴋautigilauᴋtane piniaromavlugo tâpkonunga, piniarnerilungilâlo.

Jona 4:10

Nâlegarlo oᴋarpoᴋ: Igvit perortoᴋ suliaringitat perortingitallo ilapjugivat, unnuangainaᴋ nuijoᴋ unnuangainarlo asserortoᴋ;

Mattêuse 18:33

Kivgauᴋatille nâpkigijaksaringiniviûk, sorlo nâpkigilaurapkît?

Deuteronomy 1:39

Kitorngaselo aᴋsârnigauniarnerartase, sorusiselo, uvlome ᴋaujingitut ajungitomik ajortomiglônêt, tâpkoa tagvungartuksauvut, tâpkonungalo tunijomavara, tâpkoalo pigilârpât.