Jona 3:9 - Labrador Inuttitut Heritage Bible

⁹ Kina ᴋaujijungnarᴋâ Gude sanguniangimangât ᴋaᴋialerlunelo, allailunelo ningarnersoaminik, asserortauᴋonatâ?

Jona 3:9 Iomraidhean Croise

II Samuel 12:22

Tamna oᴋarpok: Nutarak nerritailijutigilaukpara, ᴋêagilugolo innôtillugo; issumaᴋalaurama: Imakkâ Gudib saimarviginiangimangângma nutarak innôᴋojauᴋovlugo.

Imgerut 106:45

Erᴋaumalaukporlo pivlugit angersimanerminik, ᴋaᴋᴋialerporlo pitsiartoksônine malliklugo.

Imgerut 85:3

ᴋaningajârnît tamât sorailaukpat, allarlutillo ningarnivit aumauninganit;

Imgerut 90:13

Uvlarârsukut namaksititigut saimarveᴋarnernik, nakorsarungnarᴋovluta ᴋuviasugungnarᴋovlutalo inôtsivut nâlugit.

Jeremia 26:13

Taimaimat mâna arvertarnise piniarniselo âᴋiksorsigik, Nâlakablo Gudipse nippinga nâlaksiuk; Nâlakablo ᴋaᴋᴋialerutigijomavait idluinerit oᴋautigilauᴋtane pivluse.

Daniel 4:27

Tamanna pivlugo, ataniᴋ, atanituinira idluariuk, ajornitillo sattôtigikit idluarnimik, idluitulinitillo nâpkiningnimik aklujunik; ulapirᴋsautît sivitonisaunajangimangât.

Amos 5:15

Ajortok ômigisiuk, ajungitok ungagilugo, idluarsainerlo atortautisiuk itertarvingme; immaᴋâ Nâlekab, Gudib Zebaotib, Josefib amiakoa saimarsaivigijomârpait.

Jona 1:15

Jônalo tiguvât egilâllo imânut; tâvalo imarbik iktulijarungnaipoᴋ.

Jona 1:6

Umiaᴋsûb angajoᴋângata aivigivâ tagva, oᴋautilugolo: Suvêt, siniktotît? Makigit, Gudîllo ᴋaigarsugvigilugo, imaᴋa Gudivît issumagilârpâtigut assioᴋonata.

Jona 4:2

Tuksiarporlo Nâlekamut, oᴋarlune: Atso ilâ, Nâlegaᴋ, nelautsingilâᴋ oᴋauserilauᴋtara nunamêtilunga sullê? Tamanna pivlugo erinesuavlunga ᴋemâlauᴋpunga Tarsisimut; ᴋaujimagama Gudeogavit saimarsaijoᴋ ilapsudlartorlo, ningarsaraingitoᴋ nâpkigosudlartorlo, idluitorlo ᴋaᴋialerutigisârangne.

Sefania 2:3

Nâlegak ᴋenersiuk, ilûnnase sinaungaitose nuname, tâpsoma perᴋojanganik nâlektose; idluarniksak ᴋenersiuk, sinaungainek ᴋenersiuk; ijertortauniangimangâpse Nâlekab ningarningata uvlungane.

I Samuel 6:5

Taimak manna nullopse adsinginik, nunivakapselo nunapsingnik asseroijut adsinginik sannajariaᴋarpose, nertordlerᴋovluse Israelib Gudinganik; imakkâ aggangit oᴋᴋinersauniangimangatta illipsingnut, Gudipsingnullo, nunapsingnullo.