Jona 2:4 - Labrador Inuttitut Heritage Bible

⁴ Oᴋarpungalo: Pingujartauvunga ijîkpît sângangnit; takosaromârpungale sulle katimavingnut ivsornaitomut.

Jona 2:4 Iomraidhean Croise

I Atannit 8:42

(Tusarniarmatta aternik angijoksoarmik, aggangniglo pitsartujoksoarnik, tallerniglo issamijomik), ᴋailunelo tuksiarpat iglub oma sângane,

I Atannit 8:48

Taimaglo sâlerpatta illingnut omamut tamânut, tarnermullo tamânut, omigijimik, aularutijimik nunangane, tuksiarpattalo illingnut, sâlutik nunagijamingnut atâtagijanginut tunnilauktarnut, iglugasaksoarnut annerilauktarnut, iglomullo igloliorlauktamnut aternut.

I Atannit 9:7

Tagva Israelitit pêjarniarpakka nunamit tunnilauktamnit tapᴋonunga; iglolo ivsornaiviotilauktara atimnut, pêjaromavara kênarma sânganit; Israelitillo oᴋausiovaktungoromârput, oᴋangoarutingorlutiglo inuᴋatigêksoarnut ilûnnainut.

II Kronika 6:38

Taimaglo sâlerpatta illingnut omamut tamânut, nuname parngnanairsimavigijamingne, parngnanairsortauvlutik aulartitauvigijamingne, tuksiarpattalo sâlutik nunagijamingnut atâtagijanginut tunnilauktarnut, iglugasaksoarnullo annerilauktarnut, iglomullo igloliorlauktamnut atternut;

Imgerut 31:22

Uvangale mungudlarlunga oᴋalauktunga: Ijikpît sângangnit nussuktaumavunga; sullele ᴋennunima nippinga tussarlaukpat ᴋaigarsudlartillunga illingnut.

Imgerut 42:8

Nâlekab pitsiarnine angerutigilaukpa uvlôtillugo, unuamelo imgervigivara, tuksiarpungalo inôtsima Gûdinganut.

Imgerut 5:7

Uvangale iglungnut itteromavunga pitsiartoksônît pivlugo, tuksiaromalungalo Tempeleᴋotit ivsornaitok sângalugo sivuranerme illingnik.

Imgerut 88:6

Ittersamut atsingnerpâmut illilaukparma, tâktomut ittinermullo.

Imgerut 88:7

ᴋaningajârnivît nênerpânga, tattivarmalo ullinernut tamainut.

Jesaiase 38:17

Ahâk, kappiasungnerilauᴋtara illingavoᴋ idluarᴋutiksamnut. Igvit tarniga erᴋilugo piulivat ittersâlungmit asserortauvingmit. Idluinikka tamaita tunnungnut egipattit.

Jesaiase 49:14

Zionele oᴋarpoᴋ: Gûdib ᴋemakpânga, Nâlekab puigorpânga.

Jeremia 15:1

Nalekablo oᴋautivânga: Mosese Samuelelo nangerajaraloarpanik sâmne tuksiutjilutik, ômatima inôᴋatigêksuit ukkua ililertorajangilait; pingujarkit sâmnit, pêjarlit.

Jeremia 7:15

Ajaktoromavapselo kênama sânganit, sorlo ᴋatangutise ilûnaita, Efraimib kinguvângit tamaita, ajaktolaurapkit.

Jeremiab Ogguarutigijangit 3:54

Imît niaᴋora ullilaukpât; oᴋalaukpunga: Kipijauvunga.

Hesekiel 37:11

Oᴋautivânga tagva: Inûb erninga, saunit ukkua, tagva Israêlib ᴋitorngangit ilûnaita: ahâk, oᴋarput, saunivut panerput, neriungnivullo assiomavoᴋ; kipijaumarikpogut.

Daniel 6:10

Danielilo ᴋaujilirami aglait nalonaikusitauninginik, majuarpoᴋ iglominut, (igalângit taima iglominêtut Jerusalimut sângajut upkoêrput) siᴋortorporlo pingasuitorluni uvloinaᴋ, tuksiarlunilo Gudine ᴋujagivâ, sorlo sivorngani ilusiᴋarami.

Jona 2:7

Tarniga mungolermat ilumne, Nâlegaᴋ erᴋarpara; ᴋenuneralo kiblêvoᴋ ilingnut, ivsornaitovingnut.