Johannese 3:5 - Labrador Inuttitut Heritage Bible

⁵ Jêsusib kiovâ: Âhamarik, âhamarik oᴋaupâgit: Erniangongitok imermut Anernermullo, Gûdib nâlegauvinganut pijungnangilak.

Johannese 3:5 Iomraidhean Croise

Mattêuse 18:3

Oᴋarlunalo: Âhamarik, oᴋautivapse: Uteromangikupse, nutakᴋatitun-ingikupse, nâlegauvingmut ᴋilangmêtomut pijomângilase.

Mattêuse 19:24

Ama oᴋautivapse: Ajornanginarsauvok nergjutsoak kamêle merᴋutib ijingagut pilune, akluitub iterniarninganit Gûdib nâlegauvianut.

Mattêuse 21:31

Tâpkoa maggûk neluakita atâtame perᴋojanga malilaukpaûk? Kiovât: Sivorliub. Jêsusib oᴋautivait: Âhamarik oᴋautivapse: pimaklertit anguniarpaktullo Gûdib nâlegauvinganut iterᴋârnersauniarput ilipsingnit.

Mattêuse 28:19

Tamanna pivlugo aileritse, inuᴋatigêksuillo tamaita ajoᴋertorsigik, baptilugillo Atâtab, Ernerublo, Anernerublo ajunginerub atinganut;

Mattêuse 3:11

Uvanga imermut baptipapse nutâmik issumaᴋarᴋovluse; kingunipkulle tikituksak pitsartunersauvok uvamnit; nalopᴋotivungalo, tâpsoma itigagutinginik tigumiarnermik; tâpsoma baptitsomârpâse Anernermut ajunginermut ikomamullo.

Mattêuse 5:20

Oᴋautivapsele: Idluarnise nâmanersaungipat aglangnik ilisimajut Farisêerillo idluarninginit, nâlegauvingmut ᴋilangmêtomut piniatsangilase.

Markuse 10:14

Jêsusible tamanna takogamiuk, idluaringilâ, oᴋautivlugillo: Nutaᴋat uvamnut pilit, inerterasigiglo; tâpkoa Gûdib nâlegauvinga pigingmatsuk.

Markuse 16:16

Okpertoᴋ baptitaujorlo piulijaujomârpoᴋ; okpingitorle erᴋartortaujomârpoᴋ.

Markuse 9:47

Ijivîllo sinaungatikpatit, pêruk egidlugolo. Ilingnut ajunginersauvoᴋ, igluinarmik ijeᴋarlutit Gûdib nâlegauvinganut iteruvit, maggûngnik ijeᴋarnernit, âniatitsiviublo ikomanganut egitaunernit.

Lukase 13:24

Ilungertoritse, itervikitoᴋut iterniarᴋovluse; oᴋaupapse: unuktut pinasuarniarput iteromavlutik, iterungnarniaratiglo.

Lukase 13:3

Aukârpunga; sâgiarniangikupsele, tamapsetauk taimâk asseroromârivose.

Lukase 13:5

Aukârpunga; sâgiarniangiᴋupsele tamapsetauk taimâk asseroromârivose.

Johannese 1:13

Tâpkoa aungmit pingitut, uviniub pijomajanganillônêt, angutib pijomajanganillônêt, Gûdemille erniangomajut.

Johannese 3:3

Jêsusib kiovâ oᴋautivlugolo: Âhamarik, âhamarik oᴋaupagit: Nutâmik erniangongitub Gûdib nâlegauvinga takojungnangilâ.

Johannese 3:4

Nikodêmusib oᴋautivâ: Inîk ᴋanok erniangojungnarᴋâ inuᴋoarlunê? Ama anâname timinganut iterungnarivâ erniangolunelô?

Apostelit Piniarningit 2:38

Pêtrusib oᴋautivait: Kaᴋialeritse, baptitaulerluselo ilûnase Jêsusib Kristusib atinganut, ajornerit isumagijaujungnairutiksanginut; Anernerub ajunginerub tunergutânik pilârpose tagva.

Apostelit Piniarningit 3:19

Tagva mâna ᴋaᴋialeritse sâgiarluselo, ajornise pêjartauᴋovlugit.

Rômiunut 14:17

Gûdib nâlegauvingata ilinganinga nerrinionanelo imerniongilaᴋ, idluarniovorle ulapirsautaularmelo ᴋuviasungniolunelo Anernerme ajunginerme.

Rômiunut 8:2

Anernerub ômartitsijub Kristuse Jêsuseme perᴋojangita kivgaujungnaitimanga ajornerub toᴋublo perᴋojanginit.

I Korintemiunut 15:50

Mattomingale oᴋautjigivunga ᴋatangutikka, uvingub aublo Gûdib nâlegauvinga kingormgutijungnangilâk; asseroraksablo asserojuitok kingormgutinianginivâ.

I Korintemiunut 2:12

Uvagulle silaksûb anerninganik pingilagut, Anernermigle Gûdemit pijomik; ᴋaûjijungnarᴋovluta Gûdemit tunergusiaptingnik.

I Korintemiunut 6:11

Taimailiulauktut ilapse ilangit; ubvarsimavlusele ivjornaitisimavluselo idluartisimavose, Nâlekab Jêsusib atinganut Gûdiptalo Anerninganut.

Galâtsiamiunut 6:15

Kristuse Jêsuseme kipimanerlônêt kipimanginerlônêt atungimanik, nutângortitaunerle.

Efêsusemiunut 5:26

Ajorungnaititsomavlugit, epᴋêjalaungmagit ubvaumut (imiojomut) oᴋautsemik illalingmut.

I Pêtrusib 1:2

Anerimajut, Gûdib Atâtab sivorngagut issumasimaninganut, Anernerub ivjornaititsininganut, nâleᴋovlugit, serparsartauᴋovlugillo Jêsusib Kristusib aunganut: Gûdib saimarlise ullapᴋoserliselo aglivalliajomik.

I Pêtrusib 3:21

Tamattomunga adsiutitauvoᴋ mattomane piulijigijavut baptijut; ubvautaungitoᴋ timib ipanganut, angeᴋatigêngniojorle issumame passijaksaungitome Gûdemelo, Jêsusib Kristusib makininganut;

I Johannesib 2:29

Kaujimagupsi idluartoᴋsôngmat, nalojungnairivosi, idluartomik piniartoᴋ tâpsomangat erniangongmat.

I Johannesib 5:1

Naliat Jêsusib Kristusioninganik okpitoᴋ, Gûdemit erniangovoᴋ. Tâpsomingalo ernitârtomik nagligosuktub, tâpsomangat erniangojoᴋtauᴋ nagligigivâ.