Johannese 3:3 - Labrador Inuttitut Heritage Bible

³ Jêsusib kiovâ oᴋautivlugolo: Âhamarik, âhamarik oᴋaupagit: Nutâmik erniangongitub Gûdib nâlegauvinga takojungnangilâ.

Johannese 3:3 Iomraidhean Croise

Jeremia 5:21

Tusaritse tamattominga, inôᴋatigêksoangojose silaidlartose, silatuneᴋangitoselo; ijeᴋartose tautungitosele, siuteᴋartose tusangitosele;

Hesekiel 36:26

Tunitjivigijomârpapselo ômamik nutâmik, anernermiglo nutâmik pititsijomârpunga ilipsingnut: ômatelo ujaraujârtoᴋ pêjaromârpara uvinipsingnit, ômamiglo uviniojomik tunitjivigijomârpapse.

Mattêuse 16:17

Jêsusiblo kiovâ oᴋautivlugolo: Pilorikpotit, Sîmon, Jônasib erninga; uvingub aublônêt mattominga nalojungnaitingilâtit, Atâtamale ᴋilangmêtub.

Mattêuse 19:24

Ama oᴋautivapse: Ajornanginarsauvok nergjutsoak kamêle merᴋutib ijingagut pilune, akluitub iterniarninganit Gûdib nâlegauvianut.

Mattêuse 21:31

Tâpkoa maggûk neluakita atâtame perᴋojanga malilaukpaûk? Kiovât: Sivorliub. Jêsusib oᴋautivait: Âhamarik oᴋautivapse: pimaklertit anguniarpaktullo Gûdib nâlegauvinganut iterᴋârnersauniarput ilipsingnit.

Mattêuse 5:18

Âhamarik oᴋautivapse: ᴋilaglo nunalo nungoᴋârtinagik, perᴋojane (aglaksimajune) mingnek, tittârsuglônêt nunguniangilak, tamakkua ilûnaita nâmakserᴋârtinagit.

Markuse 10:14

Jêsusible tamanna takogamiuk, idluaringilâ, oᴋautivlugillo: Nutaᴋat uvamnut pilit, inerterasigiglo; tâpkoa Gûdib nâlegauvinga pigingmatsuk.

Markuse 9:47

Ijivîllo sinaungatikpatit, pêruk egidlugolo. Ilingnut ajunginersauvoᴋ, igluinarmik ijeᴋarlutit Gûdib nâlegauvinganut iteruvit, maggûngnik ijeᴋarnernit, âniatitsiviublo ikomanganut egitaunernit.

Johannese 1:13

Tâpkoa aungmit pingitut, uviniub pijomajanganillônêt, angutib pijomajanganillônêt, Gûdemille erniangomajut.

Johannese 1:5

ᴋaumajorlo ᴋaumaivok tâᴋtomut, tâᴋtomiullo tukkisingilât.

Johannese 1:51

Oᴋautivlugolo: Âhamarik, âhamarik oᴋautivapse: Mattoma kingorngagut ᴋilak angmajoᴋ takoniarpase, Gûdiblo Engelingit ᴋangatartut akᴋartullo Inûb Erninganut.

Johannese 12:40

Tâpsoma takpêtipait ijingit, mangaitilugillo ômatingit; ijimingnut takoᴋonagit, ômatimingnullo tukkiserᴋonagit; sâgiarᴋonagillo ikajortaujungnarlutik uvamnut.

Johannese 3:4

Nikodêmusib oᴋautivâ: Inîk ᴋanok erniangojungnarᴋâ inuᴋoarlunê? Ama anâname timinganut iterungnarivâ erniangolunelô?

II Korintemiunut 4:4

Silaᴋsûb tamattoma Gûdingata okpingitut taipkoa issumangît takpêtilauᴋpait, oᴋautsit tussarnertut Kristûsemik, Gûdib adsingata pinnarnarninganik, ᴋaumaningat ᴋaumaᴋonago taipkonunga.

II Korintemiunut 5:17

Taimaimat, Kristûsemêtoᴋarpat, tâmna nutângortitauvoᴋ; pitoᴋaᴋ itsungnairpoᴋ, ilûnane nutângorsimavoᴋ.

Galâtsiamiunut 6:15

Kristuse Jêsuseme kipimanerlônêt kipimanginerlônêt atungimanik, nutângortitaunerle.

Efêsusemiunut 2:1

Ilipsetauk toᴋungatiluse tapatonermullo idluitulinermullo;

Deuteronomy 29:4

Uvlomele tikidlugo Nâlekab tunitjivigingilâse ômamik missigijomik, ijiniglo tautuktunik, siutiniglo tusâjunik.

Titusemut 3:5

Idluartulinerit pinialauktavut pitjutiginagit, nâpkigosungnerminulle tâpsoma piloriktilaukpâtigut, erniangupsârnerub ubvautânut, Anernerublo ajunginerûb nutângortitsininganut,

Jâkobusib 3:17

Silatunerle pângat pijok sivorlermik ikliguktailivok, taimâktauk ullapirsausêjok, ᴋenuêtok, oᴋautsarêngitok, nâpkigosuktoksôjok ajungituliᴋattarlune, adsigêktitsijok, takkormôjuitok.

I Pêtrusib 1:3

Nertortaule Gûde Nâlegaptalo Jêsusib Kristusib Atâtanga nâpkiningnersoarminut ernertâripsâlaungmatigut, ômanartomik nerriugijaksaᴋarᴋovluta, Jêsusib Kristusib makininganut toᴋungajunit;

I Johannesib 2:29

Kaujimagupsi idluartoᴋsôngmat, nalojungnairivosi, idluartomik piniartoᴋ tâpsomangat erniangongmat.

I Johannesib 3:9

Gûdemit erniangojoᴋ idluitulingilaᴋ, karngautigimajut ôma (ômatinganut) tâpsomanêtsainarmatta, idluitulijungnangilarlo, Gûdemit erniangogami.

I Johannesib 5:1

Naliat Jêsusib Kristusioninganik okpitoᴋ, Gûdemit erniangovoᴋ. Tâpsomingalo ernitârtomik nagligosuktub, tâpsomangat erniangojoᴋtauᴋ nagligigivâ.

I Johannesib 5:18

Kaujimavogut, Gûdemit erniangojoᴋ idluitulingimat; Gûdemille erniangojoᴋ ingminik udjitorpoᴋ, ajortublo (Sâtanasib) aktorniangilâ.

I Johannesib 5:4

Gûdemit erniangojut ilûnatik silaᴋsûb inunginut ajugaungmatta; okpinivullo ajugauniovoᴋ silaᴋsûb inunginut.

Takotitaunermik 3:14

Illagêt Laodiseamiut Engelingat aglagvigiuk: Tamadja oᴋautigivâ Ameneojub, nalâgôrlunelo mikseᴋârtôvlunelo kigligiutsijub, Gûdib pingortitangita pigiarningata: