Johannese 3:2 - Labrador Inuttitut Heritage Bible

² Tâpsoma unnuangotilugo Jêsuse tikipâ, oᴋautivlugolo: Ajoᴋertuijok, ᴋaujimavogut, ajoᴋertuijôvlutit Gûdemit pigavit; iliktut tatamnartitsijoᴋarungnangimat, Gûdib aiparikpago kisiane.

Johannese 3:2 Iomraidhean Croise

I Atannit 17:24

Arnablo Elia oᴋautiva: Mânna illitarksivunga Gûdib anguteᴋotigingmatit, Nâlekablo oᴋausinga ᴋannerne mikseᴋârtongmat.

Jesaiase 51:7

Tussalersinga illipse idluarnermik illitarᴋsijose, nunaᴋatigêktose perᴋojamnik õmamiutaᴋartose. Sivoraniarase, inuit suangadlarpasse, ᴋoaᴋsârniaraselo oᴋauserludlarningit pitjutigivlugit.

Jeremia 38:16

Taimaimat ataniub Zedekiab angigutjivlune Jeremia angervigivâ, oᴋarlune: Sorlo Nâlagaᴋ tarneᴋartitsijoᴋ ukkuninga ômarmat, toᴋotsomangilagit, tunijomangilagillônêt inôsernik pinasuartut makkoa agganginut.

Mattêuse 22:16

Ilinniartitigle tâpsomunga tilivait, Herôdesiblo kigvangit illautilugit, oᴋarlutiglo: Ajoᴋertuijok, okpernartôjotit ᴋaujimavaptigit, Gûdemullo apᴋotiksamik ajoᴋertuitsiartotit, inuillo sivôragingilatit, tâpkoa kinauningit kamaginginangne.

Mattêuse 23:7

Niuvervingmelo salutitaujomavut, inungnut taijaujomavlutik Rabbimik (ajoᴋertuijomik).

Mattêuse 23:8

Ilipsele taijaujomajuksaungilase Rabbimik: atautsemik ajoᴋertorteᴋarapse Kristûsemik; ilipsele ilûnase ᴋatangutigêkpose.

Markuse 12:14

Tâpkoa tikinamitsuk, aperivât: Ajoᴋertuijoᴋ, okpernartôjotit ᴋaujimavaptigit, inuillo sivôragingilatit, tâpkoa kinauningit kamaginginangne; Gûdemullo apᴋotiksamik ajoᴋertuitsiarpotit. Ataniviksoaᴋ kênaujanik nunaliksiutauᴋojaujunik tunitjivigilugo idluarᴋâ, idluangilarlônêt? tunitjijuksauvitâ, tunitjijuksaungipitâlônêt?

Johannese 1:38

Jêsusele ᴋeviarpok, maliktîngnelo takovak, oᴋautivlugiglo: Suna ᴋenerpitikô? Tâpkoale oᴋautivâk: Rabbi (imaipok: ajoᴋertuijok), kikkunêkêt?

Johannese 10:38

Piniarnerigupkille, piniarnerit okperisigik, uvanga okperijomangikupsinga, ilitarsilerᴋovluse okpilerluselo, Atâta uvamnêngmat uvangalo tâpsomanênama.

Johannese 12:37

Taimâk Jêsuse oᴋâlavok, aularlunelo ijeriartorlunelo tâpkonangat. Taimaglo tatamnartitsigalloarmat takoane, okpervigingilâllônêt.

Johannese 14:10

Okpingilatît, Atâtamnênama, Atâtalo uvamnêngmât? Oᴋautsit oᴋauserijakka ilipsingnut uvamnik oᴋauseringilakka, Atâtable uvamne ineᴋartûb, tâpsoma piniarnerit piniarnerivait.

Johannese 15:24

Piniarnerit piniarnerilaungikupkit, asimma piniarnerilaungitangit, ajorneᴋarajangilat; mânale takolauralloaramigit, tamamnuk ômigivâtiguk, uvangalo Atâtagalo.

Johannese 2:11

Tamadja Jêsusib tatamnartitangita sivorlerpângat, piniartok Kaname Galilêamêtome, ajugaᴋanginine saᴋᴋertiniaramiuk. Ilinniartingitalo okperivât.

Johannese 20:16

Jêsusib oᴋautivâ: Marîa! Tagva ᴋeviarlunelo oᴋautivâ: Rabbûni; imaipok: Ajoᴋertuijok.

Johannese 3:26

Johanneselo tikipât oᴋautivlugolo: Ajoᴋertuijoᴋ, angut Jordanib akianut tikitigilauᴋtat, kigligiudjutigijat, ahâk, tâmna baptisivoᴋ, ilûnnatiglo tikipât.

Johannese 4:31

Tikerᴋârtinagit, ilinniartingita innapât oᴋarlutiglo: Rabbi, nerrilerît!

Johannese 5:36

Uvangale pijariarᴋortunersamik kigligiutjuteᴋarpunga Johannesib kigligiutjininganit; piniarnerille, Atâtab ᴋailauᴋtangit uvamnut, nâjerᴋovlunga tamakkoninga, piniarnerit tamakkoa piniarutigijakka, kigligiutjivut uvamnik, Atâtab tilingmanga.

Johannese 6:2

Inugasaksuillo malikpât, tatamnartitangit takolauᴋtatik pivlugit, pinialauᴋtangit ᴋanimajunut.

Johannese 7:31

Inuille unuktut okperivât, oᴋarlutiglo: Kristûse tikikune, ôma piniarnerijanginit tatamnartulinersauniarᴋâ?

Johannese 9:16

Tagva Farisêerit ilangit oᴋarput: Inuk taimna Gûdemit pingilak, Sabbate isumaginginamiuk. Asingille oᴋarput: ᴋanok inuk ajortolik taimâk tatamnartitsijungnarᴋâ? Akkerartortigêlerpullo.

Apostelit Piniarningit 10:38

Jêsuse Nazaremiok pivlugo, Gûdib mingoalaungmago Anernermik ajunginermik pitsartunermiglo; tâmna arvertalaungmat ajungituliartorlune, inûlilaitalo ilûnaita Sâtanasemut sâlaulauktut, Gûdib najormago.

Apostelit Piniarningit 2:22

Ilipse angutit Israêlitiojose, oᴋautsit ukua tusâsigik: Jêsuse Nazaremiok, angut Gûdemit pijoᴋ, sakᴋijâlaukpok akunapsingne piniarnerminut, tatamnartulinerminullo, nalunaikutanullo, Gûdib tamakkoa tâpsomûna piniarnerilaungmagit akunapsingne, ilipsetauk nangminek ᴋaujimagapsetut.

Filippimiunut 1:14

Katangutillo Nâlekame unuktut ᴋelarutimnut tatiksarsivut, sivôranatik oᴋauseᴋ oᴋautigivlugo ilerasugatik.

Idluarsaijut 6:27

Tagva Gideon tigusivok kivgaminit angutinik tallimaujortunik piniarlunelo sorlo Nâlekab oᴋautilaungmago. Sivoralaukporle tamattominga piniarlune uvlôningane, atâtame iglomioᴋotingit pivlugit; piniarlunelo unuarme.