Johannese 16:3 - Labrador Inuttitut Heritage Bible

³ Taimailiorvigijomârpâse, Atâtagalônêt uvangalônêt ilitaringinamitiguk.

Johannese 16:3 Iomraidhean Croise

Lukase 10:22

Tunitjiviovunga tamainik Atâtamnut. Ernerublo kinauninganik ᴋaujimajoᴋangilak, Atâta kisSîme ᴋaujimavok; Atâtablo kinauninganik ᴋaujimajoᴋanginivok, Erneᴋ kisSîme, Ernerublo nelojungnaititsomajangit nelunginivut.

Johannese 15:21

Tamakkoningale tamainik piniarvigijomârpâse atera pivlugo; ilitaringinamitsuk tilijiga.

Johannese 15:23

Uvamnik ômisuktub Atâtaga ômigigivâ.

Johannese 17:25

Idluartok Atâtak, silaksoarmiut ilitaringilâtit; uvangale ilitarivagit, tâpkoalo ilitarsivut tililauramga.

Johannese 17:3

Tamadjauvorle inôgut nungusuitok: ilitarsilune ilingnik, kisivit nelâgut Gûdeogavit tililauktarniglo Jêsuse Kristûsemik.

Johannese 8:19

Tagva oᴋautivât: Atâtat nanêᴋâ? Jêsusib kiovait: Uvamniglônêt, Atâtamiglônêt ilitarsingilase; uvanga ilitarigupsinga, Atâtagatauk ilitarinajarivase.

Johannese 8:55

Ilitaringilaselo. Uvangale ilitarivara. Oᴋarajarumalônêt: Ilitaringilara; sagloᴋitsinajarpunga ilipsitut. Ilitarivarale oᴋausingillo malikpakka.

Apostelit Piniarningit 3:17

Tagva ᴋatangutikka, ᴋaujimavunga, nalomut taimailiulaurapse, taimaktauk angajoᴋâse.

I Korintemiunut 2:8

Silaksûb mattoma angajoᴋângita, atautsiblônêt, tamanna illitarilaungilât; illitarilaurunitsuk, Nâlegak ânanaujoksoak kikiaktorajalaungilât saningajolingmut.

II Tessalônikamiunut 1:8

Ikomame ikoalajome, akkivigijartorlugit Gûdemik ᴋaujijomangitut, oᴋautsiniglo tussarnertunik Nâlegavut Jêsuse Kristuse pivlugo nâlagomangitut.

I Timôteusemut 1:13

Sivorngagut mitauteᴋartoksôjunga (Gûdemik) unangmiklertoksôlarmalo, oᴋauserluktiolarmalo; nâpkigijaulertungale, nalovlunga okperneᴋarnangalo taimailiulaurama.

I Johannesib 2:23

Ernermik missiarutijijoᴋ Atâtamiktauᴋ piᴋanginivoᴋ; Ernermigli kigligiutjijoᴋ Atâtamiktauᴋ piᴋarivoᴋ.

I Johannesib 3:1

Kimigotitsi ᴋanoᴋ angijomik naglingnimik Atâta saᴋᴋijârtitsilaungmat uvaptingnut, Gûdib ᴋitornganginik taijauᴋogamitigut. Taimaimat silaᴋsûb inungita illitaringilâsi, tâmna illitaringinamitsuk.

I Johannesib 4:8

Naglingitub Gûde illitaringilâ; Gûde naglingniongmat.

I Johannesib 5:20

Kaujimavogulli, Gûdib Erninga tikisimangmat silatuniᴋartipâtigullo Gûde miksiᴋârtoᴋ illitarivlugo; miksiᴋârtomêpogullo Erningane Jêsuse Kristuseme. Tâmna Gûdiovoᴋ miksiᴋârtoᴋ, inôsiolarmilo naksaungitoᴋ.