Johannese 11:4 - Labrador Inuttitut Heritage Bible

⁴ Jêsuse tamattominga tusarame, oᴋarpoᴋ: ᴋanimasek toᴋomut ilingalungilak, Gûdible nertortauninganut, Gûdib Erninga tamattomunga nertortauᴋovlugo.

Johannese 11:4 Iomraidhean Croise

Exodus 16:7

Uvlâkullo takolârpose Nâlekab ivlernarninganik; tusarmat oᴋarnerlûtjinipsingnik Nâlekamut: Uvagugle sunauvinûk oᴋarnerlûtigaptigûk?

Johannese 10:38

Piniarnerigupkille, piniarnerit okperisigik, uvanga okperijomangikupsinga, ilitarsilerᴋovluse okpilerluselo, Atâta uvamnêngmat uvangalo tâpsomanênama.

Johannese 11:40

Jêsusib oᴋautivâ: Oᴋautilaungilagît, okperuvit, Gûdib ajugaᴋangininga takonajarangnê?

Johannese 12:28

Atâtak, atît ânanausileruk! Tagva nipe ᴋilangmit pivoᴋ: Ânanausilaukpara, amalo ânanausijomagivara.

Johannese 17:1

Taimâk Jêsuse oᴋarame, ᴋilangmut ârlorpok oᴋarlunelo: Atâtak, stûnde tikisimavok ânanausivît Ernernik, Ernernut ânanausijauᴋovlutittauk.

Johannese 17:10

Tamaitalo pigijakka pigivatit, pigijatillo pigivakka, tâpkonanelo ânanausijauvunga.

Johannese 17:5

Mânalo ânanausilaunga, Atâtak, ilingne, ânanaunermut ilingnêdlunga pigilauktamnut silaksoaᴋarᴋârtinago.

Johannese 2:11

Tamadja Jêsusib tatamnartitangita sivorlerpângat, piniartok Kaname Galilêamêtome, ajugaᴋanginine saᴋᴋertiniaramiuk. Ilinniartingitalo okperivât.

Johannese 5:23

Ernek ilûnainut nâlektauᴋovlugo, sôrlo Atâta nâlengmatsuk. Ernermik nâlengitok Atâtamiktauk nâlenginivok tilijinganik.

Johannese 8:54

Jêsusib kiovait: Uvamnik nertortiguma, nertornera piungilak. Atâtagale, tâmnauvok nertordlertok uvamnik, oᴋautigijase Gûdigivlugo.

Johannese 9:24

Tagva aippanganik inuk tautulaungitok ᴋaiᴋolerpât oᴋautivlugolo: Gûde nertoruk. ᴋaujimavogut, inuk tâmna ajortôngmat.

Johannese 9:3

Jêsusib kiovait: Tâmnalônêt, angajoᴋâgiglônêt idluitulilaungilat; Gûdible piniarningit sakᴋertitaulerᴋovlugit tâpsomane.

Rômiunut 11:11

Oᴋarpunga tagva: Kataᴋovlugit apornerᴋât? Taimaitsangilaᴋ! Taipkoale katangninganit nalojut piulijauneᴋ pigilerpât, (Jûdit) tâpkoninga ilungertordlutik maligasuarᴋovlugit.

Filippimiunut 1:11

Idluarnerub perortitanginik ilumertauluse, Jêsuse Kristusikut (ilupsingne) pijunik, Gûde nertortauᴋovlugo nakoridlartauᴋovlugolo.

Filippimiunut 1:20

Taimâk utakᴋivlunga ᴋilanâdlarlungalo neriukama, kangusuktitaunianginama sunalônêt pivlugo; (nerriukpungale) ilerasuktinanga, ilusiptut tamât mânatauᴋ aglât Kristuse angijomik timipkut nertortauniarmat, inôgumalônêt toᴋogumalômêt.

I Pêtrusib 1:21

Gûdible toᴋungajunit tupaktipâ, ânanaujoᴋsoangartilugolo, Gûdemut okperᴋovluse, tatteᴋarᴋovluselo.

I Pêtrusib 4:11

Oᴋâlajoᴋarpat, Gûdib oᴋausingititut oᴋâlatigivlugit pile. Kivgartortoᴋarpat, Gûdib tunijanga ajungijutigilugo piniarle. Gûde piniarnernut ilûnainut nertortauᴋovlugo Jêsuse Kristusikut; tâmna nertortaule pitsartunerôlunelo issoᴋangitomit issoᴋangitomut. Amen.

I Pêtrusib 4:14

Piloridlarpose, mitautaugupse Kristusib attinga pivlugo; Gûdib Anerningata ânanauniliksûb inigingmase. Tamna mitautigijaujoᴋ taipkonane, ilipsingnele nertortauvoᴋ.