Johannese 10:3 - Labrador Inuttitut Heritage Bible

³ Tâmna itertarviub idjertortingata upkuêrutivâ, saugallo nippinga tussarpât, saugaᴋotinelo ᴋaiᴋovait, atingit taivlugit, anitilaitalo.

Johannese 10:3 Iomraidhean Croise

Imgerut 80:1

Igvit Israelib mianerijinga tussalaurit Josefekunik pairᴋsijotit saukatitut; sakᴋijâlaurit iksivajotit Kêrubit ᴋângine.

Exodus 33:17

Nâlekablo Mosese oᴋautivâ: Tamannatauk oᴋautigijat piniaromavara: saimaneᴋsigavit ijîngma sângangne, aterkullo ilitarigapkit.

Salomob Okâl 27:23

Saugaᴋotitit kamatsiarkit, kattimgajoᴋotitillo nâmaktomik serngnigikit.

Imgerusersoak 8:13

Nunaᴋartotit (nulliaksara) perorsêvingne, illaujut nippît tussarnârpât, tussalaulago!

Jesaiase 40:11

Mianersijotut kattimajoᴋotine mianerivait. Saugârait kattitipait tallerminut sârdliarlugillo, saukkallo amâmaktitsijut tassiutsiarpait.

Jesaiase 42:16

Tautungitulle ingergatitsomavakka apᴋutikut illisimangitangatigut, apᴋosinikut illisimangitangatigut tassioromavakka; tâᴋsoaᴋ ᴋaumajungortitsomavara sângine mannẽtullo manniksarlugit. Taimak piniarvigijomavakka ᴋemangniarnagillo.

Johannese 10:14

Uvanga mianersijôvunga ajungitok, pikkalo ilitarivakka, ilitarijauvlungalo pimnut,

Johannese 10:16

Sule asinginik saugaᴋuteᴋarpunga iglomit tamattomangat pingitunik. Tâpkoalo tamaunga pititsariaᴋarpakka, nipigalo tusaromârpât, atautsimêlutiglo katimgajomârput, atautsemiglo mianerijeᴋarlutik.

Johannese 10:4

Saugaᴋotinelo anititsarêrpagit, saugat sivorlerivât maliklugolo; nipinga ilitarigamitsuk.

Johannese 10:9

Itertarviovunga: uvapkut itertoᴋarpat, tâmna piulijauniarpok, iterlunelo anilunelo nerᴋiksarsiniarpok.

Johannese 6:37

Ilûnnatik Atâtama ᴋaitangita uvamnut tikipânga; uvamnullo pijok aniti nagolo ajaktorniangilara.

Johannese 6:45

Nelautaijut aglangine aglaksimavok: Ilûnnatik ajoᴋertortaumajôjomârput Gûdemut. Atâtamillo tamattominga tusartoᴋ ilinniarlugolo, tâmna ᴋaijungnarpok uvamnut.

Rômiunut 8:30

Sivorngagulle taimaiᴋojane ᴋaiᴋolaurivaittauᴋ; ᴋaiᴋojanelo idluarsitilaurivaittauᴋ; idluarsititanelo ânanausitilaurivaittauᴋ.

I Korintemiunut 16:9

Upkuamik angijomik sulitsiarvionartomik angmartaujoᴋarmat uvamnut, akkerartortullo unudlarput tagvane.

Filippimiunut 4:3

Igvittauᴋ nertornartoᴋ ikajoᴋatiga, ᴋenuvigivagit, (arnâk) tâpkoa ikajorniakik, sorsugiaᴋatigilauᴋtâkka oᴋautsit tussarnertut pivlugit, Klemense assingillo piniaᴋatikka illagilugit, atteᴋartut aglaksimajunik aglangne ômanartune.

Kolossamiunut 4:3

Taimaktauk pivluta tuksiarmititse, Gûde upkuamik angmailerᴋovlugo oᴋautsinut, Kristûsib nalonarnersoanga oᴋautigijauᴋovlugo; tamanna pivlugo ᴋelaksugauvungatauk;

II Timôteusemut 2:19

Gûdible tungavilianga sôngojok aulajungnangerpok, imaitomik nalunaikutalik; Nâlekab pine illitarivait; imaitomiglo: Kristûsib atinganik taisijok idluitulinermik atorungnairle.

I Pêtrusib 1:12

Taipkoa nelojungnaititaulauᴋput, ingmingnut ilingangitut uvaptingnulle ilingajuksat oᴋautigigamigit; tamakkoa mâna oᴋautigijaumavut ilipsingnut, oᴋautsinik tussarnertunik ilipsingnut oᴋâlajunut, Anernikut ajunginikut ᴋilangmit tilijaumajokut; tamanna Engelittauᴋ tukkisijomavlugo kajungilârivut.

I Johannesib 4:6

Uvagut Gûdemit pivogut; Gûdemik illitarsijub tussâgôrpâtigut; Gûdemit pingitub tussâgôngilâtigut. Tamattomangat miksiᴋârnirub Anerninga, Anernerlo tamartitsijoᴋ illitarilipavut.

III Johannesib 1:14

Nerriukpungale takojomavlutit mânakut, tagva ᴋanikut oᴋaᴋatigêngniarpoguk.

Takotitaunermik 20:15

Neliat aglaksimanane aglangne ômanartune nagvârtaukpat, tâmna egitauvok ᴋôrᴋumut ikomaksoalingmut.

Takotitaunermik 3:20

Ahâk, upkuamêpunga avilortarlungalo. Nippimnik tussartokarpat upkuêrlunelo, tâmna iterviginiarpara, Kommunionemiglo nerreᴋatigivlugo, tâpsomalo nerreᴋatigivlunga.

Takotitaunermik 7:17

Saugârsûb iksivautaksûb ᴋerᴋanêtub pairiniarmagit, tessiorlugillo imiub ômanartub puilavinginut, Gûdiblo ᴋugviornerit tamaita allarterniarpait ijinginit.