Johannese 10:2 - Labrador Inuttitut Heritage Bible

² Itertarvikulle itertok saugat mianerijigivât.

Johannese 10:2 Iomraidhean Croise

Imgerut 23:1

Nalegak pairijigivara; ajoksarniangilanga sunamik.

Imgerut 80:1

Igvit Israelib mianerijinga tussalaurit Josefekunik pairᴋsijotit saukatitut; sakᴋijâlaurit iksivajotit Kêrubit ᴋângine.

Okaluktok 12:11

Ilisimajut oᴋausingit kakkilautitut, kakkitjatitullo manguktitaumajutitut îput; kattersorsimajut tunnijaumajut mianersijomut atautsemut.

Jesaiase 40:11

Mianersijotut kattimajoᴋotine mianerivait. Saugârait kattitipait tallerminut sârdliarlugillo, saukkallo amâmaktitsijut tassiutsiarpait.

Jesaiase 63:11

Tagva inuᴋotingita erᴋalerpait uvlut itsarnitat, Môsese inôngmat. Nanẽkâ tassiortoᴋ taipkoninga imarbingmit takpaunga saugaᴋotimelo mianerijingannik? Nanẽᴋâ tunitjijoᴋ anernerminik ajungitomik tâpsoma illuanut!

Hesekiel 34:23

Mianersijuksarlo atausiojoᴋ tâpkonunga makititsomârpara, tâpsomalo nerripkalârpait, tagva kivgara Davide; tâpsoma nerripkalârpait, mianersijuksauvorlo tâpkoninga.

Migga 5:5

Tâmnalo ulapirᴋsautigilârpavut; Assiriamioᴋ tikipat nunaptingnut, iglutsiavullo tullerarpagit, makitilârpavut mianersijut 7it angutillo erᴋanartut 8it tâpsomunga.

Saggaria 11:3

Mianersijut erinaluaᴋijut nipingit tusaksauvok; pinnarijangat aserortaungmat. Loevearait erinaluaᴋijut nipingat tusaksauvok, Jordanib pinnarsautigijanga aserortaungmat.

Saggaria 11:5

Pisiarijingita toᴋopait pidlaraksaunasugingilallo; niuviangotitsijullo tapkoninga oᴋarput: Nâlegak nakorijaule, akluinama; mianerijingitalo ilapjugingilait.

Saggaria 11:8

Mianersijullo pingasut kipipakka takᴋerme atauserme; ariulaurapkit, tâpkoalo tarningita ᴋuinagivânga.

Saggaria 13:7

Saviksoak tupalerit, mianersijiga pâvigilugo, angullo inôᴋatigijara, oᴋarpok Nâlegak Zebaot, mianersijoᴋ annauleruk, saukallo siamartitaulârput; aggakkalo sâtitsomârpakka piarangnut.

Mattêuse 15:11

ᴋanikut itertub inuk sujuktingilâ; ᴋanikulle anijub inuk sujuktipâ.

Johannese 10:14

Uvanga mianersijôvunga ajungitok, pikkalo ilitarivakka, ilitarijauvlungalo pimnut,

Johannese 10:7

Tagva Jêsusib ama oᴋautivait: Âhamarik, âhamarik oᴋaupapse: Uvanga saugat itertarvigivânga.

Johannese 10:9

Itertarviovunga: uvapkut itertoᴋarpat, tâmna piulijauniarpok, iterlunelo anilunelo nerᴋiksarsiniarpok.

Apostelit Piniarningit 20:28

Tagva mâna udsertoritse ilipsingnik ilagêktuniglo ilûnainik, Anernerub ajunginerub ajoᴋertuijungortilaungmase tâpkoninga, Gûdib ilagêktitangit pairilugit aungminut pisiarilauktangit.

I Timôteusemut 4:14

Issumagitsainaleruk tunergut saimanartok, ilungnêtok, tunergutaumajok ilingnut nelautaijut oᴋausingit maliklugit, angajoᴋaunerit aggangmingnut patingmingmatit.

Titusemut 1:5

Tamanna pivlugo Kretamut ᴋemalauᴋpagit, igvit nâmaksititserᴋovlutit âᴋilaungitamnik sulle, angajoᴋaunerôjuniglo (illagêt) pitilugit iglugasaksoarne tamaine, sorlo perᴋolaurapkit:

Ebrêerinut 13:20

Gûdible ullapirsaijub, toᴋungajunit anititsijub Nâlegaptingnik Jêsusemik, saukat mianerijersoanganik, Testamentib issoᴋangitub aunganut,

I Pêtrusib 2:25

Saukatitut tamarsimajutitut-ilaurapse; mânale sâgiarsimavose tarnipse pairijunganut ajoᴋertuijoᴋsoanganullo.

I Pêtrusib 5:4

Tagva pairsijoᴋsoaᴋ saᴋᴋeromârpat, niaᴋôtemik ᴋunorlijuitomik opinartomik pititaujomârpose.

Takotitaunermik 1:20

Uvloritjallo 7 it talerpimnêtut takojavît nelonarningat pivlugo, nennergoarvîllo goldit pivlugit. Uvloritjat tâpkoa 7 it Engeliovut illagêktotalingnut 7 inut, nennergoarvîllo 7 it takojatit tamadja illagêktotalît 7 it.