Johannese 10:1 - Labrador Inuttitut Heritage Bible

¹ Âhamarik, âhamarik oᴋaupapse: Itertarvikut itingitok saugat iglunganut, asiagulle itertok, tâmna tigliktôvlunelo inuartôvok.

Johannese 10:1 Iomraidhean Croise

Jeremia 14:15

Taimaimat Nâlakab imâk oᴋautigivait nalautaijut nalautaivaktut attimne, tililaungitakkale, oᴋartulle: Saviksoaᴋ kângnartoᴋsoarlo tikilulângilâk nunamut tamattomunga: Saviksoarmulle kângnartoᴋsoarmullo nalautaijut tâpkoa nungutaujomârput.

Jeremia 23:21

Nalautaijut ukkua tililaungilakka, aᴋpasulauᴋpulle; oᴋarvigilaungilakka, nalautailauᴋpulle.

Jeremia 23:32

Sângavakka ipkoa sinnaktomanernik saglonernik nalautaijut, oᴋarpoᴋ Nâlagaᴋ, tamakkoningalo unipkauteᴋarlutik, tamartitsilutiglo inuᴋotimnik saglonermingnut nertûtinermingnullo tangeᴋangitunut; uvangale tililaungilakka perᴋolaungilakkalônêt; idluarᴋutauniangilallônêt inungnut ukkununga, oᴋarpoᴋ Nâlagaᴋ.

Joel 2:9

Piglerput iglugasaksoarnut; ᴋarmaᴋsûb ᴋângane aᴋpangerput; majoarput iglunut; igalâᴋtigut itârput tigligomajotut.

Mattêuse 7:15

Ulloreasugitse nalautainerluktunik; taipkoa saugat aminginik annorâᴋardlutik tikipâse; ilumikulle amarôvut kêsuktoksuit.

Johannese 10:7

Tagva Jêsusib ama oᴋautivait: Âhamarik, âhamarik oᴋaupapse: Uvanga saugat itertarvigivânga.

Johannese 3:3

Jêsusib kiovâ oᴋautivlugolo: Âhamarik, âhamarik oᴋaupagit: Nutâmik erniangongitub Gûdib nâlegauvinga takojungnangilâ.

Rômiunut 10:15

Kanorle oᴋâlaniarajarᴋât, tilijaungikunîk? Aglait imaimatta: Kuvianartoᴋsôvut ila taipkoa itigangit, ulapirsaumik oᴋâlajut ajungitomiglo oᴋautjijut.

Rômiunut 16:18

Taimaitut Nâlegavut Jêsuse Kristuse kivgartungilât, natjatigle; oᴋautsinullo ajungitôjârtunut manigornartôjârtunullo pasijaksaungitut ômatingit uivêrivait.

Titusemut 1:11

Taipkoa ᴋaningit simiklugit pijariaᴋarpok; iglomioᴋatigênik ilûnainik mumiktitsingmatta, idluangitunik ajoᴋertûserijaksaungitunik pivut, kangunartunik perᴋutiniaromavlutik.

Ebrêerinut 5:4

Ingminiglo taimak nâlengnarsititoᴋanginivoᴋ, Gûdemulle anerijaumajoᴋ kissime (pivoᴋ), sorlo Arone.

I Pêtrusib 1:10

Piloringnartoᴋ tamanna nelautaijut, saimaniksapsingnik nelautailauᴋtut, sivunivaksoangagut ᴋenilauᴋpât issumaksarsiorutigilugolo.

II Pêtrusib 2:1

Nelangaitunigle nelautaijoᴋalaurivoᴋtauᴋ inuit akorngane, sorlotauᴋ ajoᴋertuijut nelangaitut akunapsingnêtsomârmatta. Taipkoa seniagut ajoᴋertûtsinik pititsijomârput asserornartunik, Nâlegarlo misiarutigijomârpât pisiarijigilauktatik; ingmingnut pititsivlutik asserudlautiksamik tagvainârtomik.

II Pêtrusib 2:3

Pijomatudlarnermullo ilipsingnit perᴋutiniarasuaromârput, oᴋautsinut mikseliungitunut piniarlutik. Taipkoa pidlartautiksangit oᴋautauᴋammerungnairtut noᴋᴋarniangilat, erᴋartortautiksangillo sininginivut.

I Johannesib 4:1

Naglingnartosi aninirit ilûnaita okpirinasigik, aninirilli ôktorsigik, Gûdemit pingmangâtâ; nalautaijut nalangaitut unuktoksuit aimangmatta silaᴋsoarmut.