Johannese 1:1 - Labrador Inuttitut Heritage Bible

¹ Pigiarnerme oᴋausek ipok, oᴋauserlo Gûdemêpok, oᴋauserlo Gûdiovok.

Johannese 1:1 Iomraidhean Croise

Genesis 1:1

Pigiarnerme Gûdib ᴋilaglo nunalo pingortipak.

Imgerut 45:6

Gûde iksivautat issoᴋangitomit issoᴋangitomut îtsainarpok; nâlegauvikpît ajaupianga opigijaujutiksak naggovlune opigijautiksauvok.

Jesaiase 7:14

Taimaimat Nâlekab nangmineᴋ nallunaikutamik tunitjivigijomârpâse. Ahâk, uigasuk singaivoᴋ ernermiglo ernijomârpoᴋ, tâmna Imânuelemik (imaipoᴋ: Gûdib illagivâtigut) atseraromârpâ.

Jesaiase 9:6

Nutarârsuk erniangongmat uvaptingnut, erneᴋ tunijaungmat uvaptingnut; nâlegauninga tuinganẽpoᴋ; atteᴋarporlo: tatamnadlartomik kajusimajomik, Gûdemik pitsartujoᴋsoarmik, Atâtaujomik issoᴋangitomut, Nâlekamik ullapirsaijomik.

Mattêuse 1:23

Ahâk, uigasuk singaijomârpok, ernermiglo ernijomârlune, Immanuêlemiglo atseraromârpât, atingata tukkinga imaipok: Gûde uvaptingnêtok.

Lukase 24:53

Katimavingmêtsainarlutiglo Gûde nakoridlarpât ᴋujagidlarlâllo.

Johannese 1:14

Oᴋauserlo uviniolerpok, inôᴋatigilutalo, (ânanauningalo takolauᴋpavut, ernetuab Atâtamit pijub ânanauningatut) saimanelijartok, mikseᴋârnelijartorlo.

Johannese 1:18

Gûdemik takomajoᴋangilak. Ernetuab, Atâtab sarliartangata, tamattominga nelojungnaitilauᴋpâtigut.

Johannese 1:2

Tâmna pigiarnerme Gûdemêpok.

Johannese 16:28

Atâtamit anilaukpunga, pilungalo silaksoarmut; amalo silaksoak ᴋemangniarpara, Atâtamullo ailunga.

Johannese 17:5

Mânalo ânanausilaunga, Atâtak, ilingne, ânanaunermut ilingnêdlunga pigilauktamnut silaksoaᴋarᴋârtinago.

Johannese 20:28

Tômasib kiovâ oᴋautivlugolo: Nâlegara Gûdigalo!

Johannese 8:58

Jêsusib oᴋautivait: Âhamarik, âhamarik oᴋaupapse: Âbrahâ ilerᴋârtinago uvanga ipunga.

Rômiunut 9:5

Tâpkoa atâtagivait sivorlît, tâpkonangat Kristuse uvinikut tikisimavoᴋ; tâmna tamainut Gûdeovoᴋ, nertortaujoᴋ issoᴋangitomut. Amen.

Efêsusemiunut 3:9

Tamaitalo illitarsitiniarlugit nalonalauᴋtub ilinganinganik, silaᴋsûb pigiarninganit ijersimajomik Gûdeme, tamaitaᴋsoarnik Jêsuse Kristusikut pingortitsijome;

Filippimiunut 2:6

Tâmna Gûdetun-ikalloarame, nertornautigilaungilâ, Gûde adsigivlugo:

Kolossamiunut 1:15

Tâmna Gûdib takuksaungitub adsiluanga, erniangoᴋârtok pingortitaumajunit ilûnainit.

Kolossamiunut 1:17

Tamaitaᴋsuillo perᴋârtinagit tâmna ilaukpok, tamaitaksuillo tâpsomunga pairijauvut.

I Timôteusemut 3:16

Akkerartortaujungnangitomik angijôvoᴋ Gûdemut okpernerub nalonarninga: Gûde uvingme sakᴋijârsimavok, idluartitauvlune anernermigut, takotilune Engelinut, oᴋautigijauvlune nelojunut, okperijauvlune nuname, ᴋongmuartitauvlune ânanaunivingmut.

Titusemut 2:13

Nerriugijaksak piloringnartok, Gûdiviksûblo piulijipta Jêsusib Kristûsib sakᴋerniksanga ânanaudlartok utaᴋilugo;

Ebrêerinut 13:8

Jêsuse Kristuse, ikpeksaᴋ uvlomelo, issoᴋangitomullo tâmnatsainaᴋ.

Ebrêerinut 7:3

Atâtaᴋangitoᴋ, anânaᴋarminane, illaᴋanginivoᴋ, uvlungillo pigiarneᴋangilat, inôsingalo naggateᴋanginivoᴋ; Gûdible erninganut adsiotitauvoᴋ, ajoᴋertuijôtsainarlune issoᴋangitomut.

II Pêtrusib 1:1

Simon Pêtruse, Jêsusib Kristûsib kivganga Apôstelingalo. okpernermik pivianartomik uvaptitut pimaᴋatiptingnut idluarnerme, Gûdipta piulijiptalo Jêsusib Kristûsib pititsininganut.

I Johannesib 5:20

Kaujimavogulli, Gûdib Erninga tikisimangmat silatuniᴋartipâtigullo Gûde miksiᴋârtoᴋ illitarivlugo; miksiᴋârtomêpogullo Erningane Jêsuse Kristuseme. Tâmna Gûdiovoᴋ miksiᴋârtoᴋ, inôsiolarmilo naksaungitoᴋ.

I Johannesib 5:7

Pingasôngmatta kigligiutsijut (ᴋilangmi: Atâta Oᴋauserlo, Anernerlo ajunginiᴋ; pingasullo tâpkoa atausiovut.

Takotitaunermik 1:11

Oᴋartomik: Uvanga Alfauvunga Omegauvlungalo, sivorliovlungalo kingorliovunga. Takojatillo aglakit makpertanut aglagviksanut, âtautikillo illagêktotalingnut Asiamêtunut 7 inut, Efêsusemêtunut, Smirnamêtunut, Pergamusemêtunut, Tiatîramêtunut, Sardusemêtunut, Filadelfiamêtunut, Laodiseamêtunullo.

Takotitaunermik 1:17

Takolerapkolo, itiganginut ochovunga toᴋojotut; talerpingminulle patingmivlunga oᴋarvigivânga: Erᴋsiniarnak; uvanga sivorliovlungalo kingorliovunga,

Takotitaunermik 1:2

Tâmna kigliutsilaukpok Gûdib oᴋausinganik, kigligiutsinermiglo Jêsuse Kristûsemik, tamainiglo takojaminik.

Takotitaunermik 1:8

Uvanga Alfauvunga Omegauvlungalo, pigiarniovlungalo naggatauvunga, Nâlegak oᴋarpok, tamattomanêtok, ilauktorlo, ᴋaijomârtorlo ajugaᴋangitovitôjok.

Takotitaunermik 19:13

Atisimavorlo annorâmik aungmut serparsarsimajomik, atingalo taijauvok Gûdib oᴋausinganik.

Takotitaunermik 2:8

Illagêt Smirnamiut Engelingat aglagvigiuk: Sivorliovlunelo kingorliojok toᴋolauklunelo ômarmijok imâk oᴋarpok:

Takotitaunermik 21:6

Oᴋarvigigivânga: Pimajarêrpok. Alfauvunga Omegauvlungalo, pigiarniovlungalo naggatauvunga. Imeruktok imiub ômanartub puilavinganit imertitsomavara akkeᴋangitomik.

Takotitaunermik 22:13

Alfauvunga Omegauvlungalo, pigiarneovlungalo naggatauvunga, sivorliovlungalo kingorliovunga.

Takotitaunermik 3:14

Illagêt Laodiseamiut Engelingat aglagvigiuk: Tamadja oᴋautigivâ Ameneojub, nalâgôrlunelo mikseᴋârtôvlunelo kigligiutsijub, Gûdib pingortitangita pigiarningata: