Joel 3:2 - Labrador Inuttitut Heritage Bible

² Inôᴋatigêksuit tamaita katersoromârpakka tikiutilugillo Jôsafatib naᴋsanganut; tagvanelo erᴋartoromârpakka inuᴋotikka kingormgutijakkalo Israêle pijutigilugit, siamartitangit inôᴋatigêksuit akornganut, nunalo piga avgoarlugo.

Joel 3:2 Iomraidhean Croise

II Kronika 20:26

Uvlulle sittamangane kattimalerput nertordlernerub naksangane, tagvane Nalegak nertormatsuk. Tamanna pivlugo inne tamna atserartauvok nertordlernerub naksanganik uvlok tamanna tikkilugo.

Jesaiase 66:16

Nâlegaᴋ ikkomamut uvinilingnik tamainik erᴋartuijomârmat saviksoarminullo. Nâlekablo inôjungnairtitangit unudlaromârput.

Jesaiase 66:18

Uvangalo piniarningit issumangillo (sugiarutigijomârpakka). Nalliutijomârporlo nallojut oᴋausiggillo illũnamatsiatik kattersortauviksangat, tikkitsomârmatta, nertornarnera takojartorlugo.

Jeremia 12:14

Imâk Nâlakab avalikka idluitut ilûnaita, aktuijut kingormgutijamik kingormgutijautilauᴋtamnik inuᴋotimnut Israêlikunut, oᴋautigivait: Ahâk, nussugomavakka nunamingnit, Judablo ᴋitorngangit nussugomavakka tâpkoa akornganit.

Jeremia 25:31

Pervalungneᴋ tikilârpoᴋ silaᴋsûb issuanut; Nâlagaᴋ akkerartûtiksaᴋarmat inôᴋatigêksoarnut, uvinilit tamaita erᴋartoromârpait; idluitut tunijomârpait saviksoarmut, oᴋarpoᴋ Nâlagaᴋ.

Jeremia 49:1

Ammonib kinguvângit pivlugit. Imâk oᴋarpoᴋ Nâlagaᴋ: Israêle erneᴋangilâᴋ? Kingormgujijuksaᴋangilâᴋ? Suna pivlugo ataningata Gade perᴋutigivaûk, soᴋlo inungit ineᴋarᴋât iglugasaksoanginê?

Jeremia 50:17

Israêl saugaᴋtut apsimajotun-ipoᴋ; loevit ᴋemâtisimavât; sivorlermik Assiriab ataningata nerrivâ; kingornganalo Nebukadnezarib oma, Babilonib ataningata, sauningit navgor pait.

Hesekiel 25:8

Imâk oᴋarpoᴋ Nâlegaᴋ Nâlegaujoᴋ: Moabelo Siarelo oᴋarmanik: Ahâk, Judab ᴋitorngangit ilingangmatta inôᴋatigêksoatitut ilûnaititut;

Hesekiel 34:6

Saugakka arvertartuinarput ᴋaᴋᴋaᴋsuit akorngane, ᴋaᴋᴋanelo poᴋtojune tamaine: ilâ, saugakka siamangalauᴋput nunaᴋsoarme ilûnâne, apertsortoᴋangilarlo ᴋenertoᴋangilarlo tâpkoninga.

Hesekiel 35:10

Oᴋalauravit: Inôᴋatigêksuit ukkua magguit nunâksoaglo ukkua maggûk perᴋutigijomavakka, inigijomavavullo: Nâlegaᴋ tagvanêgaloartilugo:

Hesekiel 36:1

Igvillo, inûb erninga, Israêlib ᴋaᴋᴋangit nelautaivigikit, oᴋarlutillo: Ilipse, Israêlib ᴋaᴋᴋangit, Nâlekab oᴋausinga tusarsiuk.

Hesekiel 36:5

Tamanna pivlugo imâk oᴋarpoᴋ Nâlegaᴋ Nâlegaujoᴋ: Ilungertudlarnimne ningaumajârlunga oᴋalauᴋpunga inôᴋatigêksuit amiakungit Edomelo ilûnât pivlugit, ômatingita ilûnatik ᴋuviasungninganut tarnemiglo kassêninganut nunamnik kingormgutijaksautitsilauᴋtut nangminermingnut piksauᴋovlugo;

Hesekiel 38:22

Erᴋartoromârparalo nûsilingnartomullo aungmullo: tâpsomungalo siaktitanginullo inugiartoᴋsoanullo ilagijanginut silaluᴋojijomârpunga silaluksoarmik supojijomik, nattarᴋonâniglo angijunik, ikomamiglo orᴋsorutemiglo.

Hesekiel 39:11

Pijokalârporlo uvlorme tâpsomane Goge tunitjivigijomârapko iluverviksamik Israêleme, tagva naᴋsarmik apᴋutausômik imarbiub kitânêtomik, tamattomale tamaunârtut noᴋᴋartilârpait; tagvanelo Gogelo inugiartoᴋsoangillo iluveromârpait, taijomârpâllo Hamon-gogib naᴋsanganik.

Joel 3:12

Inôᴋatigêksuit aulajârlit, majoarlutiglo Jôsafatib naᴋsanganut: tagvane iksivajomagama inôᴋatigêksuit avatânêtut erᴋartoromavlugit.

Joel 3:14

Inugiartoᴋsuit, inugiartoᴋsuit naᴋsarme erᴋartuivingme! Nâlekab uvlunga ᴋaglimat naᴋsarme erᴋartuivingme.

Amos 1:11

Imâk oᴋarpok Nâlegak: Idluitulinerit pingasut sitamallônêt pivlugit Edom pidlartautailititsomângilara; ᴋatangutine udlalaungmago saviksoarmut, iperaingmallo ilapsugosungnermik ilûnânik, ningarnerminelo aliktuitsainarmat, ningaumajârninelo sapkotailingmago;

Migga 4:12

Kaujimangilalle Nâlekab issumanginik, tukkisilungilallo pijomajanganik: tâpsoma katersormagit ᴋepitatitut katjugvingmut.

Sefania 3:8

Tamanna pivlugo tikitsiarisinga, oᴋarpok Nâlegak, uvlok neliutiᴋârtinago nikovivigilârtara pinniniaromavlunga; kajusigama inôᴋatigêksuit katersoromavlugit, ataniovillo ilagêktitsomavlugit, ᴋaningaumajârnera kovijomavlugo tâpko nunga, ilâ, ningaumajârnersoara katsungaitok tamât; nunaksoak ilûnât nungutaujomârmat ilungertornima ikomanganut.

Takotitaunermik 11:18

Nelojullo ᴋaningajâdlarput, ningaumajârnîlle neliutilerpok, toᴋungajullo erᴋartortauniarvingat, kivgatillo, nelautaijoᴋotitillo, ivjornaitullo, aterniglo nâlektut, mikijullo angijullo akkileromagangne; asserorlugillo nunamik asseruilauktut.

Takotitaunermik 16:14

Anerniovullo Sâtanasinut, tâpkoa tatamnartulivut, anivlutiglo atanernut nunamêtunut nunaksoarmêtunullo ilûnainut, katersorlugit sorsungniarᴋovlugit, Gûdib ajugaᴋangitovitôjub uvloksoangane ipsomane.

Takotitaunermik 16:16

Katitipaillo nunab illanganut Ebrêerit taijanganut Harmageddonemik.

Takotitaunermik 16:6

Ivjornaitut nelautaijokotitillo aungit tâpkoa kovilaungmagit, aungmik imertilaurivatit, taimaititaujariaᴋarmatta.

Takotitaunermik 20:8

Aijomârlunelo nelojut tamartitsartorlugit nunaksûb terreᴋunginêtut sitamane, Goglo Magoglo katitiniardlugit sorsugiartorᴋovlugit, siorᴋatitut imarbiub kiglinganêtutitut unuktigijut.