Joel 3:18 - Labrador Inuttitut Heritage Bible

¹⁸ Uvlorme tâpsomane ᴋaᴋᴋaᴋsuit kusseromârput vainemik mamaktomik, ᴋaᴋᴋallo ᴋôᴋalârput imungmik, Jûdablo kôngit ilûnatik kôlârput imermik; puilajorlo anilârpoᴋ Nâlekab iglunganit, Sittimib naᴋsanga koverarlugo.

Joel 3:18 Iomraidhean Croise

Hiobe 29:6

Tumikka ubvarlugit pilauktilûnga imub orksuanut, ᴋairtullo kôktitsilauktillugit uvamnut kôngnik orksulingnik;

Imgerut 46:4

Taimaigalloarpat kôksoab kôgârsungitalo illagilugit Gûdib iglugasaksoangit, najorteᴋartut ᴋotsiktub iglunginnik ivsornaitunnik ᴋuviasutitaksarivait.

Exodus 3:8

Akᴋarpungalo, Egiptenemiut agganginit piulijartoromagapkit aulartitsomavlugillo nunamit tamatomangat nunamut ajungitomut nerrotojomullo, nunamut imumik igupsaujârtullo orᴋsuanik kôlingmut, Kânaanemiut Hetiterillo Amoriterillo Feresiterillo Heviterillo Jebusiterillo nunanganut.

Jesaiase 30:25

Kaᴋᴋanelo poᴋtojune tamaine ᴋaᴋᴋârulangnelo angijune tamaine kôᴋaromârpoᴋ imeᴋadlartunik unatadlarnerub angijovaksûb nalliuningane, nuvugusersuit ocholerpatta.

Jesaiase 35:6

Tagva tussiaktut pangaligomârput tuktotut, oᴋajuitullo oᴋangit iggiaᴋomijaromârput, imersuit puilajomârmatta puilaveᴋangitome kôksuillo natername.

Jesaiase 44:3

Imermik kovisijomârama imeruktomut kôngniglo pannertomut; anernera kovijomârpara ᴋitorngarnut saimarsautigalo kinguvângnut.

Jesaiase 45:8

Kilait, kussileritse pângat, nuvujanillo idluarnermik ᴋorlortoᴋarle! Nuna aitarle, piulijaujutiksamik annititsivlune, idluarsartaujutiksamiglo nuilertitsivlune. Uvanga Nâlegaujunga tamanna pingortipara.

Jesaiase 55:1

Atte, illũnase imeruktose, imermut ᴋaititse, kênaujaᴋangitoselo, ᴋaititse pissiniarluse nerrivluselo! Attê, ᴋaititse, vainemiglo immungmiglo pissiniaritse kênaujaᴋarase akkiliutiksaᴋaraselo.

Jesaiase 66:11

Milluksivluse ivianginginit ullapirsautelingnit nãmaksititauvluselo, alluktorluselo nertornarninganit angijoᴋsoarmit nekoᴋsititauvluselo.

Jeremia 31:12

Tikituksauvullo tuksiarlutiglo Zionib poᴋtoningane; ᴋerdlâᴋaijomârpullo Nâlakab pitsiarninganut, ᴋaᴋᴋôjaksanut, vainemullo, orᴋsumullo, saugâranullo tuktuvâranullo; tarningillo itsomârput sorlo perorsêviktut imeᴋatsiartotut; sanikterijungnaimarigomârpullo.

Migga 6:5

Inuᴋotikka, erᴋainiarsâritse mâna Balakib, Moabib ataningata, aperᴋutinganik, Balamiblo, Beorib erningata, kigusinganik; Sittimimit Gilgalemut aulajileritse, ᴋaujiᴋovluse Nâlekab piniarninginik ajungitunik.

Saggaria 14:8

Uvlorme tâpsomane pijomârpok imît inôgutaujut anijomârmatta Jerusalemit, abvangit imarbik kidlek torârlugo, abvangillo imarbik kangidlek torârlugo; aujarmelo okiormelo taimaitsomârpok.

Numbers 25:1

Israelikulle nunaᴋalerput Sittimeme, inuillo Moabekut paningit assiniaᴋatigilerpait;