Joel 3:17 - Labrador Inuttitut Heritage Bible

¹⁷ Taimak ᴋaujilârpose uvangaugama Nâlegaᴋ Gudise, Zioneme ᴋaᴋᴋamne ivsornaitome ineᴋartunga: Jerusalem tagva ivsornaijomârpoᴋ, takorngartallo apᴋutigijungnairomârpât.

Joel 3:17 Iomraidhean Croise

Hiobe 15:19

Inutôlutik nunamik tunnitsiviolauktut, takkorngartomullo ingergaviomalaungitut.

Imgerut 76:2

Tuppinga Salemêpok, iglungalo Zionemêpok.

Imgerut 9:11

Nâlegak nertorsiuk, Zionemê inneᴋartok; pinniarningit oᴋautigissigik innuᴋattigêksuit akkorngane!

Exodus 16:12

Israêlikut oᴋarnerlûtjiningit tusarpakka: oᴋarvigikit, oᴋarlutit: Unnupat nerᴋetolârpose, uvlâkullo aᴋeartolârpose ᴋakᴋôjamik, misigilârposelo uvangaugama Nâlegak Gûdise.

Jesaiase 11:9

Piungitullijoᴋaromângilaᴋ asserorsaijoᴋaranelõnêt ᴋaᴋᴋamne ivsornaitome illũnâne, nunaᴋsoaᴋ tatatsomârmat illitarsijunik Nâlekamik, sôrlo imarbiksûb erᴋa imanginut ulliktaungmat.

Jesaiase 12:6

Zionemiôjotit, igiaᴋomijarit, illingne angidlarmat ivlernartitoᴋ Israêlikune.

Jesaiase 35:8

Tagvanelo apᴋosineᴋaromârpoᴋ apᴋutiksamik. Apᴋomik ivsornaitomik taijaujomârpoᴋ taimna. Ivsornartomut pissugviksaungilaᴋ, taipkonungale attoraksaujomârpoᴋ. Ingergajut tagvûna, sillaitut aglât tammaromângilat.

Jesaiase 4:3

Ivsornaituniglo taijaujomârput amiakôjut Zioneme inôjullo sulle Jerusaleme — illũnatik aglaksimajut inôrᴋojauvlutik Jerusaleme,

Jesaiase 46:13

Idluarsaiviksara ᴋannitomut pitipara, ungasigungnairpoᴋ; piuliklerviksara mullutsangilaᴋ. Piuliklerteojomârpunga Zioneme Israêlelo ânanausilerlugo.

Jesaiase 52:1

Tupalerit, tupalerit, pitsartunit attileruk, Zione! Annorâlerit uvloᴋsiorutinik, Jerusaleme, iglugasaksoangojotit ivsornaitotit! Mattoma kingorngagut kippisimangitomik ivsornartomiglõnêt ittertoᴋaromângimat illingnut.

Jesaiase 56:7

Tâpkoa ᴋaᴋᴋamnut ivsornaitomut âtsomârpakka ᴋuviasuktillugillo iglumne tuksiarvingme, tunergutingillo õtaksat tunergutingillo toᴋotaksat tunerguserviᴋotimne ᴋuviagijaujomârput, igluga taijaujomârmat tuksiarvingmik inungnut illũnainut.

Jeremia 31:23

Imâk oᴋarpoᴋ Nâlagaᴋ Zebaot, Israêlib Gudinga: Oᴋautsit makkoa oᴋauserijomârivait Judab nunangane iglugasaksoanginalo, aularutijaunermit utertigupkit: Nâlakab saimarsarlitit, inniksaujotit idluarnermik, ᴋaᴋᴋaujotit ivsornaitoᴋ.

Jeremia 31:40

Naᴋsarlo toᴋungajoᴋtalik arᴋjataliglo ilûnane, perorsêvillo ilûnatik kôk Kidron tikidlugo, horsit itertarviata terreᴋoa unanêtoᴋ tikidlugo, ivjornaituksauvut Nâlakamut; nussuktaujuksaungilaᴋ oggotitaujuksaungilarlo issoᴋangitomut.

Hesekiel 20:40

Kaᴋᴋamne ivsornaitome, Israêlib poᴋtoningata ᴋaᴋᴋangane, oᴋarpoᴋ Nâlegaᴋ Nâlegaujoᴋ, tagvane Israêlib ᴋitorngangita ilûnatik, ila, nunamêtut ilûnamaritik, kivgartoromârpânga: tagvanelo ilalioromârpakka, tagvanelo tunergutise, paungallo pijariorutit tunijaksarijase, ivsornaititase tamaita ilagilugit, ᴋaitauᴋojomârpakka.

Hesekiel 37:6

Mamertitsomârpapselo, uvineᴋartiluselo, amertârtiluselo, anernermiglo ilumeromârpapse, ômatil selo; ᴋaujijuksaulârposelo uvangaugama Nâlegaᴋ.

Hesekiel 43:12

Tamanna tagva perᴋojaᴋ iglo pivlugo: Kaᴋᴋab ᴋânga avatâ ilûnane ivsornaitoᴋsôdlartuksauvoᴋ. Ahâk tagga, tamanna perᴋojauvoᴋ iglo pivlugo.

Hesekiel 44:9

Imâk oᴋarpoᴋ Nâlegaᴋ Nâlegaujoᴋ: Takorngartaᴋ, kipimangitoᴋ ômatikut kipimangitorlo uvinikut, itertuksaungilaᴋ ivsornaitovimnut, takorngartaᴋ, Israêlib ᴋitorngangita akornganêtut neliallônêt.

Hesekiel 48:35

Avatâgut suvlortut 18,000tut ituksauvoᴋ; uvlormillo tâpsomangat iglugasaksuit atteᴋartuksauvut: Nalekab najugânik.

Daniel 11:45

Tupinilo inornadlartut napartitsomârpait imarbîk akorngangni, ᴋaᴋᴋab alianartub ivlinartublo tungâni; sullili naggatiksaminut tikiutilârpoᴋ, ikajoromajoᴋaromângilarlo tâpsominga.

Daniel 9:16

Nâlegaᴋ, idluarnit tamât pitjutigivlugo, ningarnît ningaumajârnîllo sangutikiktôᴋ iglugasaksoaᴋotingnit Jerusalimit, ᴋaᴋᴋarnit ivsornaitomit; idluitulinivut, atâtaptalo idluituliningit pivlugit, Jerusalem inuᴋotitillo naggonarsivut avatiptingnêtunut tamainut.

Joel 2:27

Kaujilârposelo uvanga Israêlikut akornganênama, Nâlegaugamalo Gudise, asseᴋanginamalo: inuᴋotikkalo kangusujuidlalârput.

Joel 3:21

Aungallo ivsornaitilaungitara ivsornaitilârpara; Nâlegaᴋ ineᴋarmat Zioneme.

Migga 4:7

Tusiaktullo amiakotitsomârpakka, ajaktortaujullo inôᴋatigêksoangordlugit; Nâlegarlo ataniojomârpoᴋ tâpkonunga ᴋaᴋame Zioneme mânamit issoᴋangitomut.

Nahum 1:15

Ahâk, ᴋaᴋane unipkautsinik tusarnidlartunik ᴋaitsijûb itigangit, ulapirksaumik oᴋâlajûb! Uvloᴋsiorviksat uvloᴋsiorvigikit, Jûda, angerutigilauktatit nâmaksitikit; idluitûb apᴋosârungnailârmatit kingorngane; kipijaumarikpok.

Saggaria 8:3

Imâk oᴋarpok Nâlegak: Utersimavunga Zionemut, Jerusalemelo inigijomavara: Jerusalemelo taijaujomârpok, iglugasaksoarnik mikseᴋârnelingnik; Nâlekablo Zebaotib ᴋaᴋanganik, ᴋaᴋarmik ivsoarnaitomik.

Takotitaunermik 21:27

Ipeᴋtojut neliat taᴋamunga piniatsangilak, maᴋojungnartulijorlo saglojorlônêt; Saugârsûble aglangine ômanartune aglaksimajut kissimik iterniarput.