Joel 3:12 - Labrador Inuttitut Heritage Bible

¹² Inôᴋatigêksuit aulajârlit, majoarlutiglo Jôsafatib naᴋsanganut: tagvane iksivajomagama inôᴋatigêksuit avatânêtut erᴋartoromavlugit.

Joel 3:12 Iomraidhean Croise

II Kronika 20:26

Uvlulle sittamangane kattimalerput nertordlernerub naksangane, tagvane Nalegak nertormatsuk. Tamanna pivlugo inne tamna atserartauvok nertordlernerub naksanganik uvlok tamanna tikkilugo.

Imgerut 7:6

Makkitit Nâlegak ningarnerne, ᴋagverlutillo ômigijima ᴋanningaumajarningit akkerartorlugit, iᴋajulungalo, erᴋartuinermik pititsilerit.

Imgerut 96:13

Nâlekab sângane, aggermat, aggermat nunaksoak erᴋartoromavlugo. Tâpsoma sillaksoak erᴋartoromârpâ idluarnermut, innuᴋattigêksuillo mikseᴋârnerminut.

Imgerut 98:9

Nâlekab sângane, aggermat nunaksoak erᴋartoromavlugo. Tâpsoma sillaksoak erᴋartoromârpâ idluarnermut, innuᴋattigêksuillo namanermut.

Jesaiase 2:4

Erᴋartuijomârporlo nallojut akkornganne nunaᴋatigêksuillo unuktut inerterlugit. Tagva saviksoaᴋotimingnik poagitelioromârput ᴋallugiaᴋotimingniglo iviksukatautelioromârput. Nunaᴋatigêt nellîllõnêt assimingnut saviksoarmik atorungnairomârput, unatadlarnermiglo illiniarungnairomârput.

Jesaiase 22:1

Tamadja oᴋauseᴋ inerterijutiksaᴋ naᴋsamut takkotitauviojomut. — Suvisê, tamapse iglut ᴋânginut majoarapse?

Jesaiase 3:13

Nâlegarle akkerartoriartorpoᴋ, saᴋᴋerpoᴋ innugasaᴋsuit erᴋartoromavlugit.

Hesekiel 30:3

Uvloᴋ ᴋanipoᴋ, Nâlekab uvlunga ᴋanipoᴋ, uvloᴋ nuvujalik: nelojut uvluksangat neliutilerpoᴋ.

Hesekiel 39:11

Pijokalârporlo uvlorme tâpsomane Goge tunitjivigijomârapko iluverviksamik Israêleme, tagva naᴋsarmik apᴋutausômik imarbiub kitânêtomik, tamattomale tamaunârtut noᴋᴋartilârpait; tagvanelo Gogelo inugiartoᴋsoangillo iluveromârpait, taijomârpâllo Hamon-gogib naᴋsanganik.

Joel 3:14

Inugiartoᴋsuit, inugiartoᴋsuit naᴋsarme erᴋartuivingme! Nâlekab uvlunga ᴋaglimat naᴋsarme erᴋartuivingme.

Joel 3:2

Inôᴋatigêksuit tamaita katersoromârpakka tikiutilugillo Jôsafatib naᴋsanganut; tagvanelo erᴋartoromârpakka inuᴋotikka kingormgutijakkalo Israêle pijutigilugit, siamartitangit inôᴋatigêksuit akornganut, nunalo piga avgoarlugo.

Migga 4:3

Erᴋartuijomârporlo inôᴋatigêksuit unuktut akorngane, inôᴋatigêksuillo aᴋtornartut inerterlugit ungasiktomit; saviksoatiglo katjugomârpait ibjomik makperteraijûtingorlugit, ᴋalugiatiglo iviksukatautingorlugit; nunaᴋatigêt nalîllônêt assimingnut saviksoarmik atorungnairomârput, unatadlarnermiglo iliniarungnairomârput.

Saggaria 14:4

Itigangillo tungalârput uvlorme tâpsomane ᴋaᴋame orᴋsuktalingme, Jerusalemib kitânêtome, ᴋaᴋarlo orᴋsuktalik ᴋeterᴋamigut ᴋopijomârpok kitâmullo kangimullo, kôroᴋsoaᴋalârporlo; ᴋaᴋablo abvanga avunga nûtsomârpok, abvangalo aunga.

Takotitaunermik 19:11

Kilaglo angmartok takovara, ahâglo horse ᴋaᴋortak, tâpsomalo ᴋângane iksivajok nertornarnermik mikseᴋârnermiglo ateᴋartok, idluartomik erᴋartuivlunelo sorsuklunelo.