Joel 3:10 - Labrador Inuttitut Heritage Bible

¹⁰ Ibjomik makperteriutise kauktorsigik saviksoangortilugit, iviksukatautiselo ᴋalugiangortilugit; sangêtut oᴋarlit: Sangijôvunga.

Joel 3:10 Iomraidhean Croise

II Kronika 25:8

Igville aularit, sôngoniarlutillo sorsungnerme, Gudib sapᴋoniarajarmattit omigijivit sângine; Gudeme pitsartuneᴋarmat ikajorlune, sapkutsilunelo.

Jesaiase 2:4

Erᴋartuijomârporlo nallojut akkornganne nunaᴋatigêksuillo unuktut inerterlugit. Tagva saviksoaᴋotimingnik poagitelioromârput ᴋallugiaᴋotimingniglo iviksukatautelioromârput. Nunaᴋatigêt nellîllõnêt assimingnut saviksoarmik atorungnairomârput, unatadlarnermiglo illiniarungnairomârput.

Jeremia 51:11

Kargjutit kênaksarsigik; sapulutat tigumiatsiarsigik; Nâlakab Mediamiut ataningita anerninga tupaktisimavâ; Babilone issumaginamiuk asseroromavlugo; tâmnaungmat Nâlakab akkiniarutinga, katimaviksoarne akkiniarutigingmago.

Migga 4:3

Erᴋartuijomârporlo inôᴋatigêksuit unuktut akorngane, inôᴋatigêksuillo aᴋtornartut inerterlugit ungasiktomit; saviksoatiglo katjugomârpait ibjomik makperteraijûtingorlugit, ᴋalugiatiglo iviksukatautingorlugit; nunaᴋatigêt nalîllônêt assimingnut saviksoarmik atorungnairomârput, unatadlarnermiglo iliniarungnairomârput.

Saggaria 12:8

Uvlorme tâpsomane Nâlekab Jerusalemiut serngnigilârpait; sukkôjullo tâpkoa akorngane Dâvidetut ilârput uvlorme tâpsomane; Dâvidekullo Gudetut îtsomârput, Nâlekab engelingatut tâpkoa sângine.

Lukase 13:12

Jêsusible takogamiuk, ᴋaiᴋovâ oᴋautivlugo: Arnak, ᴋanimanernit pijungnairit!

Lukase 22:36

Tagva oᴋautivait: Mânale pôᴋartub neksarliuk, taimâktauk ikpiârsuk. Taimaitoᴋangituble annorâne pisiniutigiliuk, saviksoarsiniarlunelo pile.